DANIELI 10:12 - Bibilia Kui Mdedie fo Kimochi

¹² Nlyondi alenjiwia, “Kulaowuo, Danieli, kyamba wokia mkonu fulya fo kuwoka ulewika ngoo yapfo sumuhana kundu nowade wuṟango, kowekunyiiṟa oshangunyi lo Ruwa, madedo hapfo haleichio; na inyi ngacha kipfa kya madedo hapfo.

DANIELI 10:12 Iomraidhean Croise

SHIIMBO SHA DAWIDI 69:10

Lyi lyamandi njilefihiṟa, na ituura mrima foko njekuotoya, kikawa nyi ilisa mrimafu wukiwa.

YESAYA 35:4

Wienyi wenyi mrima mfafa, karienyi mulaowuo; ambuya Ruwa onu nakeri icha na kiṟache, na wueri wo Ruwa; nechicha namukiṟe nyo.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 41:14

“Ulaowuo, Yakobo nyi ishinu, nanyo wandu wa Israeli, inyi njechimutarama, Mndumii ahamba, na mkiṟa opfo nyi Mwele o Israeli

YESAYA 58:9

Nochilaha, na Mndumii nechikuidikia; nofihiṟa nao nakuhaluo, ‘Nyi iya njii.’ Kokoya ochiwuta mhanda fulakae kiidi kyapfo, manya ilesha kimnyo, ma ideda mawicho;

YESAYA 65:24

Na nyi kechiwa walameterewa njechiwahaluo; wakundi ideda inyi njechiwaicho.

DANIELI 10:11

Kanjiwia, “Iyo Danieli mndu umkunde mnu, manya madedo ha njikeri ikuwia, hoṟoka chimu; kipfa njimdume kopfo wulalu.” Kiheri alenjiwia idedo lyi, njilehoṟoka njechidedema.

DANIELI 10:19

Kahamba, “Iyo mndu umkunde mnu, kulaowuo; ofoṟo lukae na iyo, kaa na pfinya, yee, wada pfinya.” Adeda na inyi ngawada pfinya, ngahamba, “Hoi Mndumii-Ruwa oko, nakudedie; kipfa anjiwika pfinya.”

WALEWI 16:29

“Iwawasolyi lyechiwa iwawaso lya mlungana; kiidi kya meri fo mfungade mfiri fo ikumi fo meri, mochikuwinyisha mrimenyi yanu, mulaṟunde iṟunda lya mbaṟi yose, msa amfee kiidi kyanu na mhenu ai kiidi kyanu.

WALEWI 16:31

Nyi sabato ya sia ya osaaṟe kiidi kyanu, nanyo mochikuwinyisha mrimenyi yanu, nyi iwawaso lya mlungana.

MAITALA 29:7

“Mfiri fo ikumi fo meri fo mfungade mochiwika kisanzio kiele. Mkonufo kiwari mukuotoye mulechiṟunda kindo.

MATAYO 28:10

Nalyo Yesu kawawia, “Ma mlaowuo! Kehenda ongoyenyi wanawawama wahende kulya Galilaya. Mpfondo wechinjiwona.”

MATAYO 28:5

Kyasia msu ulya o Ruwa kahaluo kawia waka walya, “Ma mlawone mochiowuo. Na njichi nyi mukeri ipfula Yesu ichu awei mbambye msalabehu.

MARIKO 16:6

Nao manake ulya kawawia, “Mulaṟihio mnu. Nyi muipfula Yesu Mnasareti, ulya ambambye msalabehu; Amṟuka, nakeri iyapfo. Ambuyenyi handu wawemṟikie.

LUKA 1:13

Malaika ulya kambia, “Ma kulawowuo Sakaria, kyamba kiterewo kilya kyapfo nyiki kiidikie; na mkoopfo Elisabeti nyi echikaa nakufeeye mana o womi, na rina lyake nyi ochimlaha nyi Yohane.

LUKA 1:30

Malaika kambia, “Ma kulaowuo Maria; kipfa nyi kulewona osu ko Ruwa.

LUKA 2:10

Malaika lulya kawawia, “Manya mulaowuo, ambuyenyi njiimwongoya mbonyi tsiwode sia ing'anyi, nayo nyi yekaa ishike ko wandu wose.

LUKA 24:38

Kawawia, “Nyikili moangalala mdo, nkili mahio mawicho hadi hakuwada ngoonyi tsanu?

MAWUTO HA WASU 27:24

Nao kanjiwia, ‘Ma kulaowuo Paulo! Nyi kikuwaṟi ihenda hoṟoka oshangunyi lo Kaisari. Kingi-se ambuya Ruwa amemaa ikuenenga wandu wa wai kyaṟonyi kimu na iyo wose.’

OTAMBAHALUO LO YOHANE 1:17

Na ili njilembona ngamwolokya ipfo madendenyi hake cha ili njiwei mpfu. Nao kanjihekia owoko lo kulyo kahamba, Kulaowuo. Inyi njii Mboki na Mwawutsi.