AMOSI 4:1 - Bibilia Kui Mdedie fo Kimochi

¹ Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 4:1 Iomraidhean Croise

1WAMANGI 16:24

Kiidima kahuṟa kifumvu kya Samaria ko Shemeri wueri wo kilo 70 tsa fesa, kawika mba huya kifumvu kilya, kalaha mṟi fulya alewika, Samaria, kundu naichike rina lilya lya Shemeri, menyi kifumvu kilya.

YOBU 20:19

Kipfa nalerumatsa wakiwa kawada, karakuo mba alatsiwikie.

YOBU 24:4

Wakatewa ulya ahuṟi-ohendo loke; wakiwa na oruka wakaowa kimu.

SHIIMBO SHA DAWIDI 12:5

Kipfa kya iwonyio lya wafafa, Kipfa kya isumkia lya wahuṟi, Wulalu njechihoṟoka; Mndumii ahamba, Njechiringa ichu waimpiṟa.

SHIIMBO SHA DAWIDI 140:12

Njiichi ke Mndumii nechiinenga mfafa mdumbuye, na wawuṟie kilya kiwawaṟi.

SHIIMBO SHA DAWIDI 22:12

Mapung'a hafoi hanjiṟingichye Tsilya nlang'a tsa Bashanyi tsanjichiinga.

MFANANO 22:7

Msuṟi nechiikolonyia mkiwa, Na ichu moakuo nyi isinga lya ichu moakuya;

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

KOHELETI 5:8

Ma chando uwonyi mkiwa aiwonyio, na mwanduye na wulohi ifurunjo kui kinyala kya kihongo, kulaṟihisho nyi isho kipfa, Ai huye kota wai huye naambuya, Kuwode sa wai huye kota iwo.

YESAYA 28:1

Ochia lo oṟo ya orikiki lo wananzi wa Efraimu, na kiwaṟo kya wucha wo wuitoṟi woke wuinaa, likeri mdohu fo pichi lidoye necha lya iwo walelemo nyi mvinyo.

YESAYA 5:8

Ochia lo walya waiengeṟa mba numa ya mba na iwika dema hafui na dema, kulawonoho handu, nanyo kimuwaṟi ikaa handu hamu muwenyi orukenyi.

YESAYA 56:12

Wekehamba, “Njonyi luhende ishiha mvinyo, Na luwenyo mnu wari! Ngama yewa cha inu, luchihiyo lya wueṟa.”

YESAYA 58:6

Ngesa inyi njilewawasa ke ikuotoya njikundi nyi ileheṟuo walya wapfungiṟie wuwicho wowo na mhanda yawo ianguṟo, walya wai wapfunge wapfunguyo, muwewuta shi shicha shose ko walya wai wawonyie?

YEREMIA 50:11

“Nyo weduo masaa hako! Ma chandu muichihiyo na ikapa ngululu, mkaitolatola cha taho isusa Ngano, na iana cha pung'a ya frasi,

YEREMIA 50:27

Wahenyi wasikari wake wai ngohoda; walekenyi wasokie kundu weshinjio kwi oshu. Ochia lowo, kipfa mkonu fowo foshika, kiheri kyawo kehoṟuyo kyashika.

YEREMIA 51:34

Mangi Nebukadreza o Babeli nalenyamaṟa na iwunduo mṟi fo Yerusalemu. Kafuda cha kitosho kilawode kindo; kafumeṟa cha njoka, naleichuṟa ndeu yake na shindo shicha, kafukumba kuleshe cha odaiko.

YEREMIA 6:6

Kipfa Mndumii menyi matorito nahamba adi, “Manyenyi Mashidi muwike omombo. Lutengete Yerusalemu. Mṟi fu nyi mṟi fukeri inyamaṟo. Nyi mbaka tupu tsiichio pfo.

YEREMIA 7:6

manya mulatuure ma mndu mhenu ma mana mngweda ma mka mkusu, mulapusuye handu-ho samu ilai na mti, mulaoshane na maruwa ha wongo hai ochia lonu.

EZEKIELI 18:12

nao kawewonyia wakiwa na walya wawuṟie, na isoka wandu ko pfinya masaa hawo, kawewa mndu elekewihiṟa kilya kii kiwike reka lingise kawa mndu moindia sanamu na iwuta shindo shiwichuṟie,

EZEKIELI 22:12

Kiidi kyapfo kuwode wandu wekeambia fesa kundu wawahe. Koweambia ngeṟia tsa wulembi kundu ukusuṟishe, kochiotoya manawomayo, konjihadima inyi piu.” Nyi wudi Mndumii-Ruwa ahamba.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

EZEKIELI 22:29

Orio handu ipfo orukenyi kuichuo iwonyio na wasoki, wekesoka wakiwa na walya wafafa, wahenu nawo wakawehenda iwonyio kulawode isaṟa kindo.

EZEKIELI 22:7

Kyamba kiidi kyapfo wafee wakemino, na mhenu kawesoko masaa hake, ngweda na waka wakusu wakawehenda iwonyio.

EZEKIELI 34:16

Kii kidi machondiho hawedekie njechihenda ihapfula, na halya hakeri kiṟahioṟahionyi njechihawihiṟa na kanyi. Nyi wudo na halya hawode shifaṟe njechihawikia mdi, na halya hai mafari njechihainenga pfinya, kyaindi, machondiho manoru, hawode pfinya njechiharumatsa. Kii kidi njechihenda ilisa machondi hako chandu kiwaṟi.

EZEKIELI 39:18

Kyamba nyi wechilya nyama tsa mbahanyi, wawekunyoya na samu ya wanene wo wa wuyana wakeri ishinjo cha masuwa ang'u machondi ang'u mburu na mapung'a manoru ha Bashani.

YOELI 3:3

na ikuhawia wandu wako ko kuṟukuhya. Walekumba wanake kundu watae wameluki, na ikumba singididi kundu wahure mvinyo, na inango.

AMOSI 3:1

Adanyienyi idedo lyi Mndumii alehamba kyanu, nyo wana wa Israeli, kiidi kya oshari lonu loose njilemdosa wuka orukenyi lo Misiri, njehamba.

AMOSI 3:3

Ngesa wandu wawi wechiidima ihenda kimu walaidikyanyi?

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

AMOSI 6:1

Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

AMOSI 6:6

nyo mokenyo mpfinyo na mamboṟiko, na ikushia mafuda ha opfaamo lui lucha; indi walasokyo mfowa kipfa kya matuuro ha Yosefu?

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

MAITALA 21:33

Waisraeli wakaembeṟuka wakaosha njia ihendie Bashani. Ogu mangi ya Bashani kakure na itorito lyake ikapana na Waisraeli kulya Edrei.

NGUMBUO YA MAWAWASO 24:14

“Kulawonyie mndu o wueri na mkiwa, na mndu awuṟie; na Mwisraeli ang'u umu o wahenu wekekaa mṟinyi yanyu.

NGUMBUO YA MAWAWASO 28:33

“Mkambo fo wandu mlafuichi fochicha iduo shilimu sha mademenyi hanu shose na ndunda tsa mmbiṟuko fonu, nanyo mochiwutio shindo sha mbaka kiheri kyose,