AMOSI 3:1 - Bibilia Kui Mdedie fo Kimochi

¹ Adanyienyi idedo lyi Mndumii alehamba kyanu, nyo wana wa Israeli, kiidi kya oshari lonu loose njilemdosa wuka orukenyi lo Misiri, njehamba.

AMOSI 3:1 Iomraidhean Croise

1MBONYI TSA MAHERI 16:13

Nyo wa luwa lya Israeli mṟundi oke, Nyo wa luwa lya Yakobo, msambuṟe oke.

2MBONYI TSA MAHERI 20:15

Yahazieli kahamba, “Adanyienyi nyo wandu wa Yuda na wandu wekekaa Yerusalemu na mangi Yehoshafati, Mndumii-Ruwa nawawia kudi: ‘Mulaowuo ma mulakangaṟike na uwuṟa ofoṟo kipfa kya ichekeṟo lii ling'anyi. Shida chi shanu pfo, kyaindi shida nyi sha Ruwa.

YESAYA 46:3

Njiadanyienyi, lanye mba ya Yakobo, nyo mui mtsuhaṟo fo mba ya Israeli, muledao nyi inyi wuka wusunyi muleiro wokia mui wusunyi;

YESAYA 48:12

“Njiadanyia inyi, iyo Yakobo; na Israeli, njilekulaha; inyi nyio mboki na mwawutsi.

YEREMIA 13:11

Kipfa chando kiṟota kiwadanyi na kitsi kya mndu, nyi wudo ndewanza mba ya Israeli yose, na mba ya Yuda, kundu wamanyike kui rina lyako, wanjiichike na injinenga kiṟumi. Kyaindi wo walakunde injiicho. Nyi inyi Mndumii-Ruwa ngahamba.’”

YEREMIA 31:1

Mndumii-Ruwa nahamba, “Kushika kiheri inyi njechiwa Ruwa o shishari shose sha Israeli nawo wechiwa wandu wako.

YEREMIA 8:3

Ipfa lyechisambuṟo kota ikaa na moo, na mtsuhaṟo fulya fose kiidi kya wandu nyi fui mbicho, kulya wai watsuhaṟe ndewafuna orio handu. Nyi wudo Mndumii menyi matorito ahamba.”

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

AMOSI 2:10

Ngoseṟa njilewadosa wuka orukenyi lo Misiri, ngawateteṟa maaka makumi haana kulya nuka, kundu mwitoṟie oruka lo Mwaamori.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 5:1

Adanyienyi idedo lyi njikeri ilihamba liwe kifuhiyo na imsotsia fowa, nyo mba ya Israeli,

MIKA 2:3

Ko ikyo Mndumii-Ruwa nahamba adi; “Njiṟeheṟa imuendie nyo mawicho, mulechiidima ihaowia. Kechiwa kiheri kiwicho konu, ma mochiidima ihenda wo kushela pfo.

MIKA 3:1

Wulalu adanyienyi nyo wanene wa oshari lo Yakobo! Adanyienyi nyo wa oshari lo Israeli! Nyi kimuwaṟi nyo imanya mbonyi tsa wusumhanyi.

SEFANIA 2:5

Ochia lo walya wai wambaṟa ya ipalyipalyi, oshari lo Wakereti. Idedo lya Mndumii li huye yanu, Iyo Kaananyi, oruka lo Wafilisti, Inyi njechimrumatsa alechitsuhaṟo manya umu.

OTAMBAHALUO LO YOHANE 2:29

Ichu awode madu naadanye iki, Mumuyo aiwia siṟi tsi.”