3YOHANE 1:4 - Bibilia Kui Mdedie fo Kimochi

⁴ Kulaipfo sia injichihiṟye kota ili ngaicho ke wana walya wako wakuwode na kilya kii-lohi.

3YOHANE 1:4 Iomraidhean Croise

1WAMANGI 2:4

kundu Mndumii nawanze idedo lyake alededa kirianyi na mbonyi yako kechihamba, ‘Kokoya wana wapfo wechiringa njia tsawo, wakawewa wahendeli na kui wusumhanyi, kui mrima fowo fose, na ngoo yawo yose, ochiuṟa mndu loṟikehu lo wuitoṟi kiidi kya Israeli-pfo.’

1WAMANGI 3:6

Solomoni kahamba, “Nolewutia isinga lyapfo wande Dawidi osaṟio lung'anyi, chando alekuosha kiidi kya wulohi na wahendeli wose, kui mrima foke fuwei na iyo; kui isaṟia lyapfo komnenga modamia loṟikehu loke lo wuitoṟi chandu kikeri inu.

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

MFANANO 23:24

Ndee o Mndu asumhanyi nyechichihio; mofee mana awode wuṟango nechimkunda.

YESAYA 38:3

kahamba, “Hoi Mndumii kumbuo wo ishi ngakuterewa, njilechumia njienyi tsisumhanyi, ngawewa mhendeli na mrima fukusirie kopfo njechiwuta mecha oshangunyi lopfo.” Hezekia kafihiṟa mnu mnu.

YESAYA 8:18

Ambuyenyi, inyi na wana wa njileinengo nyi Mndumii nyi lui kichano na ṟiho kiidi kya Israeli, shiwukie ko Mndumii menyi Matorito, o ekekaa fumvu lya Sioni.

2 WAKORINTO 6:13

Ngadeda nanyo mui wana wako ke mutae kimu na kimu mochichunguruo nanyo ngoo tsanu.

WAGALATIA 2:14

Na inyi ili njiwewonyi walakuhoṟotsa na kilya kii-lohi kya ndumi ya sia ya okiio wakukisumhanye ngawia Petro mandi waweiho wose, Kokoya iyo ui Myuda uwekaa mbaṟi ya kihenu kuwoka ilai ya Kiyuda nyi ku okuwutya pfinya yeitika wahenu numa ikaa mbaṟi ya Kiyuda?

WAGALATIA 4:19

Nyo mui wana wako, njikeri iwawyo lingi kya mafeonyi hanu ha kawi itane Kristo akumanyisha nanyo mui ofano loke.

1WATESALONYIKYE 2:11

Na mwichi chando luleikimba orio umu onu.

1TIMOTEO 1:2

Ngaiṟikiṟa Timoteo manoko mcha o kichong'u kya wuidiki. Wutonga wuwe wopfo na osaṟio na ofoṟo ishi shichee ko Ruwa Wande na ko Kristo Yesu Mndumii odu.

2TIMOTEO 1:2

Ngakuiṟikiṟa iyo Timoteo mana oko sa mkunde. Ngakulangia wutonga na osaṟio na ofoṟo shiwukie ko Ruwa Wande na Kristo Yesu Mndumii odu.

FILEMONYI 1:10

Ili njii njido ngakuterewa kya Onesmo (Mchihiri) mana chu oko njilemfee njii kipfungonyi.

1YOHANE 2:1

Shiwana shako, ngamṟehia isho kundu mulahende iwuta wunyamaṟi hando. Na kokoya kwipfo mndu anyamaṟa hando, luwode mombele ipfo ko Wande, nyio Yesu Kristo asumuhanyi.

2YOHANE 1:4

Ngamechihio munu ili wana wapfo maata wechumia mhendekye fohendekya kundo kilya kii-lohi kikeri-ho fusumhanye iwawaso luleliambya lichee ko Wande.