2SAMWELI 9:11 - Bibilia Kui Mdedie fo Kimochi

¹¹ Nalyo Siba awode wana ikumi na watanu (15) na waṟundi makumi hawi (20), kahaluo Dawidi, kambia, “Njechiwuta shindo shose chandu okundi Mndumii.” Wokia kiheri kyo Mefiboshethi kalya mesenyi imu na Dawidi cha wana wake.

2SAMWELI 9:11 Iomraidhean Croise

2SAMWELI 15:15

Waṟundi walya wakamhaluo na immbia, “Lukaeri na iyo Mangi yadu. Iyo wuta kilya kyose owona kikicha.”

2SAMWELI 19:17

Nawerianyi na wandu kiku kimu (1,000) wa Benyamini, na Siba, mṟundi o Sauli, na wana wa kisoṟo Wasiba ikumi na watanu (15), na waṟundi makumi hawi (20) wakakambiṟa owinyi kulya Yordani kundu washike ko mangi alamshika.

2SAMWELI 19:24

Kyasia Mefiboshethi mchuku o Sauli, kashika kechiwuka Yerusalemu kahenda isahia Mangi Dawidi. Nawefanyi awesanjie madende hake ma nguwo tsake, ma isungusia ngerero tsake wokia mkonu Mangi Dawidi alewuka Yerusalemu mṟasa kiheri ki alewuya pfo. Mangi Dawidi kadeda nao kammbesa,

2SAMWELI 19:26

Mefiboshethi kamhaluo kambia, “Mndumii oko, na Mangi yako, nyi mṟundi oko Siba alenjitewa. Njilembia nanjiteseheṟie nzoi yako kundu njihende na iyo Mangi; kipfa inyi njechiidima njimonyi pfo kipfa noichi inyi nyi njimlemeri.

2SAMWELI 9:10

Na iyo na wana wapfo na waṟundi wapfo, mochiṟundia madema halya hose ha Sauli na iende kelya kya kanyi ko Mefiboshethi.” Kyaindi Mefiboshethi njeduma nawe mhenu oko na ilya mesenyi koko maheri hose.

2SAMWELI 9:12

Mefiboshethi nawewode mana umu o kisoṟo elaho Mika. Wandu walya wose wawekekaa kiidi kya mba ya Siba wakawa waṟundi wa Mefiboshethi.

2SAMWELI 9:13

Kyasia, Mefiboshethi naweimlemeri madende hake hose, kakaa kulya Yerusalemu na ilya mesenyi ya Mangi o oruka lulya kiheri kyose.