2SAMWELI 8:6 - Bibilia Kui Mdedie fo Kimochi

⁶ Dawidi kawika kiṟaṟo ya waskari wake wafoi kiidi kya mṟi fo Aramu fo Dameski. Waaramu walya wakawa masinga hake na imtaa okamba. Ruwa kainenga Dawidi pfinya yekapana na iwinza orio handu ahenda.

2SAMWELI 8:6 Iomraidhean Croise

2SAMWELI 10:19

Wamangi walya wose waweketaramana na Hadadezeri wakawona ke Waaramu wakapo nyi Israeli, wakakudambika mawokonyi ha Dawidi, wakawa waṟundi wake. Na wokia lyo Waaramu wakaowuo itaramase Waamoni shidenyi.

2SAMWELI 23:14

Kiheri kilya mbahanyi tsa Wafilisti wawekeri kulya mṟinyi fo Bethlehemu; na Dawidi nawekeri omombonyi loke.

2SAMWELI 3:18

Kiheri kyamshika kewuta kudo Ruwa nawehambie, ‘Ko owoko lo Dawidi, njechikiṟa wandu wako Israeli iwuka wusingenyi wo Wafilisti na iwuka mawokonyi ha wakituwa wawo wose.’”

2SAMWELI 5:10

Kyasia, wunene wo Dawidi wukaengeṟeka ing'ana kipfa ili Mndumii awekeri nao.

2SAMWELI 7:9

Njiwei ichumia na iyo handu hose na mkonu yose njechikuringa na irumatsa wakituwa wapfo wose. Njeching'anyisha rina lyapfo cha halya ha wasongoru wang'anyi kunu wuyanenyi.

2SAMWELI 8:14

Kyasia, Dawidi kawika kambi tsa waskari wake orukenyi lo Edomu lose, na Wamoabu wose wakawa wumanginyi woke. Na Ruwa kainenga Dawidi pfinya ye winza shidenyi orio handu hose ahenda.

2SAMWELI 8:2

Dawidi kakapase na iwinza Wamoabu. Kawia wapfungo walya walae wanda kui otasa , kawaha orio wandu wawi kiidi kya orio wandu waṟaṟu. Walya waledeo wakawa masinga hake na imtaa okamba orio maka.

2SAMWELI 8:7

Dawidi kasoka wachili walya wa Hadadezeri ngao tsawo tsiwetsisungusie nyi sahabu na itsiduo Yerusalemu.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

2WAMANGI 1:1

Kikashika Ahabu amepfa, wandu wa Moabu wakaleha Waisraeli.

2WAMANGI 14:28

Mawuto hengi hose ha Yeroboamu, shida alekapana kui wukahari wose na chandu alewihiṟa Dameski na Hamathi na iihaluo iwe ya Israeli; shose shishiṟehie kiidi kya kitapu kya mbonyi tsa Maheri ha Wamangi wa Israeli.

2WAMANGI 18:7

Kyasia Mndumii-Ruwa kawa hamu nao, kamtarama orio kindo alewuta. Kalekana na mangi o Ashuru kaleha imṟundia.

2WAMANGI 3:4

Kyasia Mesha Mangi o Moabu, nawekewikia machondi orio maka naweketaa mangi o Israeli mafufuta ha machondi (100,000) ha kika na masuwa (100,000).

1MBONYI TSA MAHERI 18:13

Kawika shiṟaṟo sha machekeṟo hake orukenyi lose lo Edomu, na wandu wake wakawa masinga ha Mangi Dawidi. Na Mndumii-Ruwa kainenga Dawidi uwinzi hando hose alehenda.

2MBONYI TSA MAHERI 17:2

Kawika machekeṟo hake mṟinyi yose ya Yuda sa iwewode omombo, na handu hengi hose orukenyi lo Yuda, na mṟinyi ya Efraimu, sa ndeye Asa aleiwada mdeho na iwika pfo maaskari waringi.

SHIIMBO SHA DAWIDI 140:7

Hoi Mndumii-Ruwa, pfinya tsa okiṟo loko, kuleshikia mdo foko mfiri fo shida.

SHIIMBO SHA DAWIDI 60:10

Hoi Ruwa, chi iyo ulelukumba? Hoi Ruwa uhendesane na wandu wadu wa shida?

MFANANO 21:31

Frasi tsekeṟeheṟo kipfa kya shida, Indi Mndumii nyio ekeende okiṟo.

1SAMWELI 13:3

Yonathani kawingakiṟaṟo kya shida msongoru o shidenyi o Wafilisti ipfo Geba, na Wafilisti wose waleicho mbonyitso. Ko ikyo Sauli nalekapa iranda kulya orukenyi kose kechihamba, “Waebri waadanye.”

1SAMWELI 14:1

Mkonu fumu, Yonathani mana o mangi Sauli kawia manake umu alemtarama ikudika shisha shake, “Kenjo luhende mataya kulya mfiṟihenyi fo Wafilisti.” Kyaindi Yonathani nalawie ndee mbonyitso.

1SAMWELI 14:15

Orukenyi loose lo Wafilisti, wose walewooka ikangaṟika, wandu wa shida makambinyi, wandu mademenyi, kulya mfiṟihenyi, na ngohoda tsikadedema; oruka lukadihina, na kulekaapfo wuowu wung'anyi.

1SAMWELI 14:6

Yonathani kawia manake ulya alemdaṟa shisha, “Kenjo, luhende ora lo kawi kulya mfiṟihenyi fo wanduwa walawadine. Kofia Mndumii-Ruwa nelutarama, cha kipfa Mndumii-Ruwa ekekiṟa wandu kipfa kya mfoeṟa ang'u wuangu wo wandupfo.”