2SAMWELI 7:22 - Bibilia Kui Mdedie fo Kimochi

²² Iyo nyi mwitoṟi o shose? Lulemeicho kya Ruwa ungi cha iyo-pfo. Ma kuwode Ruwa ungi cha iyo-pfo.

2SAMWELI 7:22 Iomraidhean Croise

2SAMWELI 22:32

“Kuwode Ruwa ungi sile Mndumii-Ruwa-pfo. Ma kuwode mkiṟa ungi cha Mndumii-Ruwa-pfo.

1WAMANGI 8:23

Kahamba, “Hoi Mndumii-Ruwa o Israeli, kulawode Ruwa cha iyo, huye ruwehu ang'u orukenyi, ekekumbuo shasa na iloṟa ikunda lyake ko shisinga shake walya wemuosha kui mrima yawo yose.

1MBONYI TSA MAHERI 16:25

Mndumii nyi ang'anyi na nyi kiwaṟi naṟumisho, kiwaṟi naindio kota maruwa hengi hose.

2MBONYI TSA MAHERI 2:5

Hekalu lyo lyechiwa ling'anyi mnu, kipfa Mndumii-Ruwa odu nang'anyi kota maruwa hengi hose.

SHIIMBO SHA DAWIDI 135:5

Kyamba njiichi inyi ke Mndumii nai mnene, na Mndumii odu nai huya maruwa hose.

SHIIMBO SHA DAWIDI 145:3

Mndumii nyio mnene ekeichiko mnu, Manya unene woke wumanyikiepfo.

SHIIMBO SHA DAWIDI 44:1

Hoi Ruwa, luleicho na madu hadu, wandeadu waleluwia, mawuto ulewuta kiheri kyawo, lilya mbooko:

SHIIMBO SHA DAWIDI 48:1

Mndumii nyio ang'anyi, Nyio awaṟi iṟumisho mnu. Kiidi kya mṟi fo Ruwa odu, kiidi kya fumvu lyake lyele.

SHIIMBO SHA DAWIDI 86:10

Kyamba nyi iyo ui mnene, iyo nyio mowuta maṟihisho iyi iyo Ruwa kumonyi.

SHIIMBO SHA DAWIDI 86:8

Kiidi kya maruwa kuipfo cha iyopfo Mndumii, manya mawuto cha iho hapfo-pfo.

SHIIMBO SHA DAWIDI 89:6

Kipfa nyiu ipfo ruwehu echiidima ihiyanyisho na Mndumii? Nyiu afananyi na Mndumii ipfo kiidi kya wamalaika?

SHIIMBO SHA DAWIDI 89:8

Mndumii, Ruwa o matorito, nyiu ai ngohoda cha iyo, Hoi Mndumii-Ruwa? Na wuhendeli wopfo wukutengetie.

SHIIMBO SHA DAWIDI 96:4

Kyamba Mndumii nyi ang'anyi menyi kiṟumi mnu. Na nawaṟi iowuyo kota maruwa hose.

IWUKA 10:2

Na iyo noidime ihamba madunyi ha mana opfo, na madunyi ha mchuku opfo, nyi mbonyi njiki njilewutia Misri na shichano shako njileloṟa kiidi kyawo; wawuteho imanya ke inyi nyi Mndumii-Ruwa.”

IWUKA 15:11

“Ee wo Mndumii-Ruwa, kiidi kya maruwa nyiu ai cha iyo? Nyiu ai cha iyo, mwele kiidi waele. Msa aoweshie kiidi kya kiṟumi kyapfo, mowuta maṟiho?

IWUKA 8:10

Farao kambia, “Ngama.” Kahamba, “Kikekuwia kido chandu ohamba; kundu nokuwutieho imanya ke kuipfo ang'anyi cha Mndumii-Ruwa, Ruwa odupfo.”

IWUKA 8:6

Kyasia, Aroni kahoṟuo owoko loke huya mṟinga yose ya Misri; na ngeletso tsikadoya huye, tsikapfumba oruka lo Misri.

IWUKA 9:14

Kyamba kiheri ki njiende ngapo tsako tsose huya mrima fopfo, na huya waṟundi wapfo, na huya wandu wapfo; kundu nowuteho imanya ke kuwode ungi cha inyi kunu wuyanenyi kosepfo.

YESAYA 40:18

Wulalu nyo mochiṟinganyisha Ruwa na kiki? Ang'u nafanane na waki?

YESAYA 40:25

“Mochinjifananyitsa nau, kundu luhiane?” Nahamba ichu ai Mwele.

YESAYA 45:18

Kipfa Mndumii ichu alewumba ruwehu nahamba ke o nyio Ruwa; nyio alewumba wuyana; nyio alewuwanza; alewumba wawe wulyapfo, nalewumba kundu wandu wakae kiidi kyawo; Inyi nyi Mndumii kuwode ungipfo.

YESAYA 45:22

Njiambuyenyi inyi mukiṟo, nyo njora tsose tsa wuyana; kipfa inyi nyi Ruwa kulawode ungi.

YESAYA 45:5

Inyi nyi Mndumii ma kuwode ungipfo; ngoseṟa yako kuwode Ruwapfo; njechikupfunga na okowa ma chandu ulawenjiichi,

EZEKIELI 36:22

“Kipfa kya ikyo, wia wana wo wa Israeli ke Inyi Mndumii-Ruwa ngahamba njidi: Kindo njikundi ihenda iwuta wulalu chi ko kiira kyanu nyo wandu wa Israeli pfo, kyaindi nyi kipfa kya wuindi wo rina lyako liele ili mulelisalucha kiidi kya mkambo iya ya wandu mulekaa kiidi kyawo.

EZEKIELI 36:32

Kyaindi manyenyi ke njilewuta kudi kipfa kyanu nyo pfo. Nyi Inyi Mndumii-Ruwa ngahamba; kyaindi wadonyi sonu na muwesumukia kipfa kya mawuto hanu, nyo wana wa Israeli.

DANIELI 2:45

Na chando kulewewona iho lilya lilekapa na ifunja-funja menya, aṟeṟa, teri, fesa na sahabu iya le mangi; Ruwa chu ang'anyi nyi akunda iloṟa mangi mbonyi tsechikaa tsiwutike ilyi numa; na ndodo i nyi ya kiilohi na mtambahaluye fu nyi fo lohi piu.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

NGUMBUO YA MAWAWASO 3:24

“Hoi Mndumii-Ruwa, Mndumii-Ruwa, njiichi nonjiloṟa inyi mṟundi opfo mawookionyi ha wunene wopfo na wuidimi wopfo. Cha kipfa, kuwode ruwa o mbaṟi njiki ipfo ruwehu ang'u kunu wuyana eidima iwuta shindo shinene na sha ṟiho chandu okewuta iyo?

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.

NGUMBUO YA MAWAWASO 4:35

Nyo mulesaṟio iwona isho, kundu muidime imanya ke Mndumii-Ruwa, nyio amonyi ai Ruwa manya kuwode ungipfo.

NGUMBUO YA MAWAWASO 4:39

Kyasia, kumbuonyi inu na iwika mrimenyi yanu, ke Mndumii-Ruwa nyio Ruwa huye ruwehu na wanda orukenyi; kuwode ungipfo.

1SAMWELI 2:2

Kuwode msa ai mwele cha Mndumii-Ruwapfo; kuwode oose ai chaopfo; kuwode ai Iṟaṟa cha Ruwa odupfo.