2SAMWELI 6:6 - Bibilia Kui Mdedie fo Kimochi

⁶ Kyasia, kiheri waleshika handu wekehuya Ngano kolaho Nakoni; mapung'a halya hawekuruo ikari lilya lirie isanduku lilya lya Ruwa, hakateṟeshuka, na Uza kaleshia owoko loke iṟihika isanduku lilya lya Mndumii lilaomboke.

2SAMWELI 6:6 Iomraidhean Croise

MAWOOKIONYI 50:10

Wakacha mṟasa kiwanjenyi kyuhenyi kya Atadi, kii mataya ya Yordani. Wakakapyapfo kilio, kilio king'anyi mnu, kiwawo. Kalaa ifunyi lya ndee mkonu mfungade (7).

1MBONYI TSA MAHERI 13:9

Kiheri waleshika Kidoni, handu hehuya Ngano, Uza kalesha owoko loke kundu naṟihike isanduku lilya lya mkundano lilaomboke, kipfa kya mtulia fulekapo nyi mmbe tsiwekuruo igari lilya.

MAITALA 4:15

Aroni na wana wake wakameshikia Handu Haele na shihia na nzohoṟa tsasho tsose, wakuṟeheṟie iwooka kyaṟo, nlyondi wandu wa kishari kya Kohathi wechicha washikudike. Kyaindi wo wawode momu manyanta fopaaya shihiasho shielepfo, walashike ipfa. Ilyo nlyo iṟunda lya kishari kya Kohathi orio mandi ihema lyekusanzia lyamesamiṟo.

MAITALA 4:18

“Mlalekie kishari kya mba tsa Kohathi kiidi kya Walewi kirumatso.