2SAMWELI 6:21 - Bibilia Kui Mdedie fo Kimochi

²¹ Nahong'u Dawidi kamhaluo kambia, “Njiwekeri ishina njechiana Ruwa chu alenjisambuṟa huye ya ndeo na kishari kyake, na injiwika njiwe mnene o Israeli. Njechiengeṟa ikunyiṟa ko Ruwa.

2SAMWELI 6:21 Iomraidhean Croise

2SAMWELI 5:2

Kiheri kilya Sauli awei Mangi yadu, na iyo kowa msongoru odu shidenyi, Ruwa nalekuwikia kyasa ke nechikuwika nowe msongoru na Mangi o Israeli yose.”

2SAMWELI 6:14

Dawidi kaichika Ruwa kechimshinyia ko pfinya tsake tsose na sia ing'anyi akupfungie okowa lo kikohanyi kitsinyi.

2SAMWELI 6:16

Kiheri waleshika mṟinyi fo Yerusalemu, Michali ai mana o Mangi Sauli na mka o Dawidi, kaimehia itiṟishenyi, kasuo mnu mrimenyi lilya alewona Dawidi kechitoolatola na ishina osehu lo Ruwa.

2SAMWELI 6:22

Iyo noidima iwona ke inyi nyi tondo kyaindi waṟundi walya wa kika na wakisoṟo wechinjiindia.”

2SAMWELI 6:5

Dawidi na Waisraeli walya wakacha nduma yawo wawachihie mnu, wechishina na iimba shiimbo na pfinya tsawo tsose wechiana Mndumii na ikapa zeze, puṟupu, mtingo, shichengeṟe na matoasi.

2SAMWELI 7:8

Wia Dawidi mṟundi oko ke inyi Ruwa o Ruwehu njilemuuta wulisinyi wo machondi kulya patenyi kundu nawe msongoru o wandu wako wa Israeli.

1MBONYI TSA MAHERI 15:29

Kiheri isanduku lilya lya mkundana lya Mndumii-Ruwa, liwekeriida na Yerusalemu, Mikali mana o kika o Sauli, kaambuya itiṟishenyi lyake, kawona Dawidi kechishina na ichihiyo mnu, mana ulya kasuo kipfa kya Dawidi na immina mrimenyi foke.

MAWUTO HA WASU 13:22

Kekiidima imbuta-ho icho kawaamtsya Dawidi nawe mangi yawo kamṟingishya kehamba, ‘Ngawona Dawidi ai mana Isai echiwa mowuta shilya inyi njikundi shose.’

1 WAKORINTO 10:31

Kyasia-ng'u ili muilya ang'u muinyo ang'u muiwuta kindo ma kida ma kida shiwutenyi shose shewikya Ruwa kiṟumi.

1SAMWELI 13:14

Kyaindi wulalu wuchili wopfo wochilunganapfo kipfa kulaleindia iwawaso lya Mndumii-Ruwa chandu alekututuma. Mndumii-Ruwa amekushihia mndu ungi msa echimwindia na mrima fose, icho nyio amemsambuṟa nawe mochilia wandu wose.”

1SAMWELI 15:28

Nlyondi Samweli alewia, “Wokia inu Mndumii-Ruwa ameranduo wumangi wo Waisraeli kuwuka kopfo kawuinengia mndu ungi o ipfo kiidi kya wamṟasa opfo ai mcha kota iyo.

1SAMWELI 16:1

Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”

1SAMWELI 16:12

Nahong'u, Yese kaduma mndu nao kaendo. Manakecho nawewode oru, awode meso maharami, mecha heambuya. Mndumii-Ruwa kawia Samweli, “Wulalu, ichu nyio; hoṟoka nomshie mafuda.”