2SAMWELI 6:19 - Bibilia Kui Mdedie fo Kimochi

¹⁹ Dawidi kahawia Waisraeli walya wose kelya. Kainenga orio mndu msoṟo na mndu mka mkate fumu, nyama injioke na mkate fumsungusie na ndunda tsa msabibu, na orio mndu kahenda kanyi.

2SAMWELI 6:19 Iomraidhean Croise

2SAMWELI 6:18

Kyasia Dawidi amemarisa iwuta shidaso shilya, kawikia wandu walya mboṟa kui rina lya Mndumii-Ruwa.

2SAMWELI 6:20

Kyasia, Dawidi kahenda kanyi iiṟikiṟa, kaambilio nyi Mikali mka oke, na mka ulya kambia, “Inu mangi o Israeli nakunyiṟa ko ikutandaluo kitaṟe cha tondo oshangunyi lo waṟundi wa kika na wakisoṟo.”

1WAMANGI 8:66

Kiidi kya mfiri fo 8, Solomoni kasama wandu, nawo wakalangia Mangi ona, wakahenda kowo wechikapa ngululu na ichihiyo kipfa kya wucha Mndumii-Ruwa alewuloṟa ko Dawidi mṟundi oke, na wandu wake Israeli.

1MBONYI TSA MAHERI 16:3

na ihawia Waisraeli wose, wa kika na wakisoṟo; orio umu owo, kainengo mkate, na ngamra ya nyama, na keki ya msabibu.

1MBONYI TSA MAHERI 16:43

Kyasia mfuho fukasia, na wandu wose wakawuya na kanyi kowo, Dawidi kawewuya na kanyi, kahenda iwikia mboṟa wa kanyi koke.

2MBONYI TSA MAHERI 30:24

Mangi Hezekia o Yuda, kainenga wandu walya walekusanza kulya Yerusalemu mapung'a (1,000), na machondi (7,000), washinje walye, na wasongoru wakawainenga mapung'a hengi (1,000) na machondi (10,000). Wakohanyi wafoi mnu wakakuiilisha.

2MBONYI TSA MAHERI 7:10

Mkonu fo makumi hawi na kaṟaru (23) fo meri, Solomoni kawia wandu wose wahende kanyi. Kyasia wandu walya wakahenda kanyi waiwachihie na mrima mlalutsu, kipfa walewona shindo shicha sa Mndumii-Ruwa alewutia Dawidi, Solomoni, na wandu wake Waisraeli.

NEHEMIA 8:10

Hendenyi kanyi konu musungusie mfuho fung'anyi, mukulie shindo shinoru, muwekunyoya na mvinyo sa mcha, kyaindi ambuyenyi muwekumbuo iinenga walya walawode kishikie, kyamba mkonufo nyi fukeri mwele ko Mndumii-Ruwa odu manya mulawone mochisumukia kyamba sia yo Mndumii-Ruwa amwinenga nyi yo pfinya yanu.

SHIIMBO SHA SOLOMONI 2:5

Njiihutsenyi sabibu, njihooṟenyi na mapera, Kipfa ngaumiṟo nyi msinango fo ikunda.

EZEKIELI 45:17

Ko ora lungi nyi kiwaṟi Mangi nawone ke shidaso sho shemaya modonyi, shidaso sho sha mso na shidaso sho sha shindo shenyo nyi shechiwuto mfiri ya mnene, meri okombe, sabato na tsa mfiri iya mnene injiwike, nyi tsechiendo nyi Waisraeli. Kikamba kido mangi naachikie amonyi shidaso shewuta wunyamaṟi, shidaso sha moo, shidaso shekoṟa modonyi, shidaso sha ofoṟo kundu shihende iendie Waisraeli osanzo.”

HOSEA 3:1

Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”

MAWUTO HA WASU 20:35

Na ishi shose njiwei mupfungya nasho mtaato kundu nanyo mukuwinyishe ipfuṟukanya wafafa mochikumbwo kilya Mndumii Yesu ahambye ke, ‘Nanga iinenga kota yambya.’”

WAEFESO 4:8

Nkyo kimaduma Biblia ihambye, “O amedo na ipfo huye kawewada wapfungo kainengya wandu shisumbo.”

YOSHUA 22:6

Nahong'u Yoshua kawawikia ona kawainenga momu wakuhendie kawawia,