2SAMWELI 4:4 - Bibilia Kui Mdedie fo Kimochi

⁴ Kuwewode mchuku o Mangi Sauli awemlemeri madende, elaho nyi Mefiboshethi mana o Yonathani; mchuku chu nawewode maka itanu kiheri Sauli na Yonathani walewoho kulya Yezreeli. Mbonyi tsilya tsa opfu tsikashika kulya mṟinyi fowo, na meri o mana kammira kadicha nao, na kechikambiṟa mnu kaombotsa mana ulya nao katiliwana mbihu fose.

2SAMWELI 4:4 Iomraidhean Croise

2SAMWELI 21:7

Dawidi alewainengia Mefi-boshethi mana o Yonathani-pfo, kipfa kya kyasa Dawidi awewikie na Yonathani.

2SAMWELI 9:13

Kyasia, Mefiboshethi naweimlemeri madende hake hose, kakaa kulya Yerusalemu na ilya mesenyi ya Mangi o oruka lulya kiheri kyose.

2SAMWELI 9:3

Dawidi kammbesa, “Kuwode ma mndu umu o oshari lo Sauli atsuheeho, kundu njiidime imloṟa ikunda lya Ruwa?” Siba kamhaluo kambia, “Kuwode mana o Yonathani kyaindi o namlemeri madende.”

2SAMWELI 9:6

Mefiboshethi mana o Yonathani na mchuku o Sauli ahende ishika oshangunyi lo Dawidi, kaoloka madendenyi ha Dawidi na impfiria ndi kechimuadapfuma. Dawidi kamlaha, “Mefiboshethi.” Nao kamiidikia kahamba, “Ee Mndumii nyi inyi mbee (mṟundi opfo.)”

1WAMANGI 11:17

Indi manake Hadadi kadichia Misri, hamu na wa Edomu mata wawei masinga ha ndee. Hadadi nawei mana mtutu.

1MBONYI TSA MAHERI 8:34

Yonathani kafee Meribaali ndeye o Mika.

1MBONYI TSA MAHERI 9:40

Yonathani kafee Meribaali; nao kafee Mika.

1SAMWELI 29:1

Wafilisti walesanyiaichekeṟo hawo hose kulya Afeki, na Waisraeli walewikakiṟaṟo lyawo sokenyi ya mṟinga pichinyi lya Yezreeli.

1SAMWELI 29:11

Ko ikyo, ili lya ngama ngamenyi, Dawidi handu hamu na wandu wake wakakure wakawuya na orukenyi lo Wafilisti. Kyaindi Wafilisti wo wakahenda Yezreeli.