2SAMWELI 22:43 - Bibilia Kui Mdedie fo Kimochi

⁴³ Ngawahuo mṟasa wakawa cha kiluli, ngawapeṟehetsa na iwachumachuma cha odoko lo njienyi.

2SAMWELI 22:43 Iomraidhean Croise

2SAMWELI 7:9

Njiwei ichumia na iyo handu hose na mkonu yose njechikuringa na irumatsa wakituwa wapfo wose. Njeching'anyisha rina lyapfo cha halya ha wasongoru wang'anyi kunu wuyanenyi.

2WAMANGI 13:7

Kipfa waledea Yehoahazi maaskari wa shida pfo shile wedoya frasi makumi hatanu (50) na frasi, na magari ikumi, na waaskari wechumia shiku ikumi (10,000), kipfa mangi o Shamu nalewarumatsa wakafanana na kiluli kichumechume.

SHIIMBO SHA DAWIDI 18:42

Njilewapaṟapaṟa wakawa cha kiluli kiwiwito nyi otanu, Ngawakumba nja cha madoko ha njienyi.

SHIIMBO SHA DAWIDI 35:5

Wawe cha muulu fuidao nyi otanu, malaika o Mndumii kechiwakumba wanda.

YESAYA 10:6

Njechimduma kiidi kya wandu wenyi wuminyi, na inyi njechimnenga mawawaso huya wandu wa nyashi yako, naduo wapfungo nawachumechume cha odoko lo njienyi.

YESAYA 26:15

Noengeṟa oshari lo Mndumii noengeṟa oshari; iyo noṟumisho, noengeṟa mṟasa yose ya oruka lu.

YESAYA 41:2

Nyiu aleira umu awukie ora lo ngamenyi, ichu ai kiidi kya wusumhanyi amlahie madendenyi hake? Amnengie wandu wa mkambo oshangunyi loke, na imshimbuo huya wamangi; nawawuta wawe cha kiluli kui oshu loke, cha muulu fulewiwito nyi wuda woke.

YESAYA 41:25

Ngahoṟotsa mndu wuka mtsudu, nao nacha; woka ora lo ngamenyi nacha mosenda rina lyako; nechichea wachili cha mndu aipochapocha odoko, na cha mndu aiumba shihia sha teri.

DANIELI 2:35

Naalyo menya, teri, aṟeṟa, fesa na sahabu iya shikapaṟopaṟo shikaseo itane shawa cha muulu fulee wanda kiheri kya mrike; otanu lukashiwiwita manya shilakiwono handu shiwei, na iho lilya lilewuta lido likawa fumvu ling'anyi itane lyaichuṟa wuyana wose.

MIKA 7:10

Mkituwa oko nlyondi echiwona isho na iṟeenze; kipfa nalenjiwia, “Okung'u Mndumii-Ruwa, Ruwa opfo?” Inyi njimonyi njechiwona mkituwa kechiomboka; nechichumochumo cha odoko lo njienyi.

ZEKARIA 10:5

Wandu wa Yuda wechiwa cha wandu wa mbahanyi, wekechumachuma wakituwa wawo cha odoko lo njia; wo nyi wechikapana shida kipfa Mndumii nai nawo. Iwo wedo frasi wechilehela.

ZEKARIA 2:6

Na wulalu dichenyi oruka lo mtsudu, Mndumii ahamba kipfa inyi nyi ngawarahanyitsa onyo cha njotanu tsiina tsa ruwehu, Mndumii ahamba.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

NGUMBUO YA MAWAWASO 32:26

Njilehamba, njiwechiwarumatsa piu, walechisendose nyi mndu oose,