2SAMWELI 2:18 - Bibilia Kui Mdedie fo Kimochi

¹⁸ Wana waṟaṟu wa Seruya: Yoabu, Abishai na Asaheli wawekeri shidenyi shilya. Asaheli nawei muangu ko idicha cha Sariha;

2SAMWELI 2:18 Iomraidhean Croise

2SAMWELI 1:23

“Sauli na Yonathani, wawei wandu wawakunde na weṟihisha; wawei wamu kiheri kya moo na kiheri walepfa. Wawei waweṟeshu kota owishi, na wawewode pfinya kota miiso.

2SAMWELI 14:1

Yoabu kamanya ke Dawidi nalanga mnu iwona Absalomu mana oke;

2SAMWELI 2:19

Asaheli kawoka iwingia Abneri ma alatirime handu hose maiambuya kumoso ang'u kulyo.

2SAMWELI 22:34

Nekewanza madende hako hakawa cha ha Sariha; ngachumia njilawode madima mtsitsionyi fo mafumvu.

2SAMWELI 23:24

Asaheli, manomayo o Yoabu, nawekeri umuho o wanene walya makumi haṟaṟu wa Israeli. Marina ha walya wengi nyi iha:- Elhanani mana o Dodo o Bethlehemu;

1WAMANGI 2:5

“Ngoseṟa ya isho, noichi chandu Yoabu mana o Seruya alenjiwutia, chandu alewutia wandu walya wawi wawei mbahanyi wa Israeli, Abneri, mana o Neri, na Amasa, mana o Yetheri. Nalewawaha, kataa kiṟache kiheri kya ofoṟo, kafanyitsa samu okowa lo kitsi kyake, na shadu aweṟee madendenyi hake.

1MBONYI TSA MAHERI 11:26

Iwa nyi wasikari wengi washida wang'anyi wa Dawidi: Asaheli manomae o Yoabu. Elihanani mana o Dodo o Bethlehemu,

1MBONYI TSA MAHERI 12:8

Iha nyi marina ha wandu wa kiṟumi king'anyi, wasikari ngohoda tsing'anyi, sa walekulunga na machekeṟo ha Dawidi kiheri awekeri kulya mṟi mwiṟihiye nyi omombo kulya nuka. Iwa wawei ngohoda tsekapana na ngawo na mapfumu na shamu shawo shiweoweshie cha muiso; mbihu yawo iwekeri njiangu cha ya sariha.

1MBONYI TSA MAHERI 12:9

Msongoru owo ang'anyi nyiwe Ezeri, o kawi nyi Obadia, o kaṟaṟu nyi Eliabu,

1MBONYI TSA MAHERI 27:7

Asaeli mana o mae o Yoabu, nawei msongoru o ikamba lya meri fo kana. Zebadia mana oke nyio alewa mokioṟa oke o ikamba lilya lya wandu shiku makumi hawi na waana (24,000).

SHIIMBO SHA DAWIDI 18:33

Kakarisha madende hako cha sariha, Kanjihoṟotsa handu hako ha huye.

KOHELETI 9:11

Ngawuya ngaambuya kunu wuyana, ngawona chi wose wekewikia mteeṟa wakawa wawinzi pfo, ma chi waapfinya wekewinga shidenyi pfo, ma chi waṟango wekewona kando pfo, ma chi wandu waichi wekewona masaa pfo, ma wandu waaria wakundikepfo; indi kiheri kya osu kekeshikia wose.

SHIIMBO SHA SOLOMONI 2:17

Mṟasa kurie, na shiṟinje shidiche, njihalukia, mkunde oko, Na iyo nowe cha sariha ang'u mburu ya nja, Huye ya mafumvu ha Betheri.

SHIIMBO SHA SOLOMONI 8:14

Njiwia inyi, Dicha, mkunde oko, uwe sariha ang'u sumbuda idicha, huye ya mafumvu ha mafuda hepfaama.

AMOSI 2:14

Na icho aidicha ekooya kidichionyipfo; Manya icho aichi ikapa mteeṟa pfinya yake yesia; Ichu akuhodye echiidima ikiṟa moo fokepfo.

HABAKUKI 3:19

Mndumii-Ruwa, ai Mndumii, nyi pfinya tsako. O nyi akarishie madende hako cha ha sumbuda, Nyi echinjiduo tete handu hake ha huye.”

1SAMWELI 26:6

Dawidi kawia Ahimeleki Mhiti, na Absai manomayo o Yoabu mayawo nawelaho nyi Seruya, “Nyiu echihenda na inyi ipfo kiṟaṟonyi kya Sauli Absai kambia, ‘Inyi njechihenda na iyo.’”