2SAMWELI 2:1 - Bibilia Kui Mdedie fo Kimochi

¹ Kyasia, Dawidi kawesa Ruwa namnenge momu fo henda ikapa na iwada mṟi fumu fo Yuda. Na Ruwa kamnenga momu kambia, “Kuhendie, ‘Dawidi kawesa Ruwa, Njiwade mṟi fuhya?’ Ruwa kambia, ‘Hebroni.’”

2SAMWELI 2:1 Iomraidhean Croise

MAWOOKIONYI 13:18

Nalyo Abramu katikira ihema lyake, kacha ikaa kulya mashidinyi ha Mamre, naho nyi mashidi hakeri Hebronii, kawikiapfo Mndumii kitaṟa kedasia.

MAWOOKIONYI 32:2

Nao Yakobo kekiwawona, nalehamba, “Ili nyi itoṟito lya Ruwa.” Kadumbuya rina handu halya, Mahanaimu .

2SAMWELI 15:7

Kyasia, maka ina ikaida, Absalomu kawia Mangi, “Ngakuterewa nonjinenge momu, njihende Hebroni iwutia Ruwa mṟumo,

2SAMWELI 2:11

Kyaindi Dawidi nawei Mangi ya oruka lose lo Yuda, ko maka mfungade na meri iṟandaṟu na kidi kyake kya wumangi kiwei kulya Hebroni.

2SAMWELI 5:19

Kyasia Dawidi kadeda na Mndumii kammbesa, “Ngahenda ikapana na Wafilisti wa? Ngesa ochinjitarama njiwawinge?” Ruwa kamhaluo, “Ee, henda kapana nawo. Njechikukapanyia nowawinge.”

2SAMWELI 5:23

Nahong'u Dawidi kahenda iwesa se Mndumii nambie chandu echihendia Wafilisti walya, na Ruwa kamhaluo na immbia, “Makulawahendie ko kusonguo kowo, henda nduma yawo nowaṟingichie na iwakapa iwuka ora lulya lo kawi handu mashidi halya ha miforosadi hakeri.

1WAMANGI 2:11

Dawidi naleitoṟia huya Israeli maka makumi hana (40), akeri ipfo Hebroni maka mfungade, na akeri Yerusalemu maka makumi haṟaṟu na iṟaṟu (33).

1MBONYI TSA MAHERI 29:7

Walewuta ngoseṟa ya tani ihana limu na makumi mfungade (170) tsa sahabu, ngoseṟa ya tani mahana haṟaṟu na makumi hana (340) tsa fesa, tani mahana haṟandaṟu na makumi hawi (620) tsa aṟeṟa, na ngoseṟa ya tani shiku shiṟaṟu na mahana hana (3,400) tsa menya.

2MBONYI TSA MAHERI 11:10

Sora, Ayaloni na Hebroni.

SHIIMBO SHA DAWIDI 143:8

Kenjihaluo iicho wuoloru wopfo ngamenyi, kyamba njikuwedia Iyo. Nonjimanyishe njia njechihenda; Kyamba njikuiria mrima foko.

SHIIMBO SHA DAWIDI 27:4

Idedo limu njiwelikundi ko Mndumii, Nlyo njiliwalya mkonu yose. Njikae ipfo mbenyi ko Mndumii mfiri yose ya moo foko. Njiambuye wucha wo Mndumii, Na ikusaṟa mbonyi tsake ipfo hekalunyi lyake.

EZEKIELI 36:37

“Inyi Mndumii-Ruwa ngahamba njidi: Waisraeli wakeri ihenda injiterewa wapfumbuke cha ipo lya machondi, kipfa kya ikyo nyi njechiwafoeṟa kudo.

MAITALA 13:22

Walehenda mṟasa Negebu wakaida tane mṟi fo Hebroni. Ipfo walekooyapfo Waahimani, Washeshai na Watalmai waiwafee nyi Anaki. (Mṟifo Hebroni fuwembike maka mfungade mri fo Soani fui orukenyi lo Misri fulamewiko).

MAITALA 27:21

O necheadanyia mkohanyi Elieseri msa njechimmanyisha shindo shako njikundi kui iho lya oloho. Iho lya oloho: ‘Urimu, iho lyemanyisha mkohanyi kindo Ruwa akundi?’ Nyi wudo Elieseri echiloṟa Yosua na mamiingi fo Waisraeli fose handu wawuka na handu waihenda.”

YOSHUA 15:13

Nao Kalebu mana o Yefune nyi aleinengo kyenga kya oruka lo Yuda chando Mndumii-Ruwa alewawasa Yoshua. Ambuya nyi aleinengo Kiriath-Arba ang'u mṟi fo Arba ichu awei sahuye o Anaki. Rina lya mṟi fo nyi fokelaho Hebroni wulalu.

WACHILI 1:1

Yoshua amepfa, Waisraeli wakawesa Mndumii-Ruwa, “Mndumii-Ruwa nyi kishari kiha kyechiwoka ihenda ikapana na Wakanaani?”

1SAMWELI 10:22

Wakawesase Ruwa, “Ngesa, kuwode mndu ungi ngoseṟa aicha Ruwa kawawia, ‘Naowie amonyi kiidi kya nzohoṟa.’”

1SAMWELI 23:2

Kyasia, Dawidi katerewa Mndumii-Ruwa kechihamba, “Ngesa, njihende ikapana na Wafilisti wa Mndumii-Ruwa kamhaluo, ‘Ee, henda kapana na Wafilisti noashuo na mṟi fo Keila.’”

1SAMWELI 23:4

Dawidi katerewase Mndumii-Ruwa, nao Mndumii-Ruwa kambia, “Kure nohende Keila cha kipfa njechiwika Wafilisti mawokonyi hapfo.”

1SAMWELI 30:31

na wandu wa Hebroni. Wandu wake wawemeida kowo.