2SAMWELI 19:1 - Bibilia Kui Mdedie fo Kimochi

¹ Kyasia, Yoabu kashika ko Mangi Dawidi, kamkoya kechisumkia awodo nyi fowa ing'anyi kipfa kya opfu lo mana oke o Absalomu.

2SAMWELI 19:1 Iomraidhean Croise

MAWOOKIONYI 37:35

Wana wake wose, na wana wake wa kika wose wakakure wambihiṟie moo; kya indi kaleha iwihiṟio moo, kahamba, “Ote! Njechiosha mana ulya oko, njechisokio nyi fowa, tane ko wapfu.” Ndee kamkapia kilio.

2SAMWELI 18:12

Mndu ulya kahaluo Yoabu kambia, “Ma ko heleri tsofoi kuda, njechiidima imleshia owoko lo imbaha pfo; so lose luleicho Mangi Dawidi kechikuwia iyo na Abishai na Itai, mumkanyie iringa manaoke o Absalomu mulambahe.”

2SAMWELI 18:14

Kyasia, Yoabu, kahamba, “Njiwode mkonu fo detsa na iyo pfo.” Kaira mapfumu haṟaṟu kahenda kahailika hose haṟaṟu ngoonyi ko Absalomu akeri na mo anenewi ikidinyi lya mwaloni.

2SAMWELI 18:20

Yoabu kamhaluo kambia, “Ote ma kulahende wulalu, mbonyi tsi tsechiwa mbonyi njicha madunyi hake ke mana oke o Absalomu napfie-pfo. Tirima njechikuduma kiheri kingi.”

2SAMWELI 18:33

Kyasia, “Mangi Dawidi kasokio nyi fowa kado kahenda kulya mongonyi kechifihiṟa. Mana oko Absalomu, Mana oko Absalomu! Kiwewa kicha kokoya nyi inyi ngapfa handu hapfo! Iyo mana oko Absalomu! Iyo mana oko Absalomu!”

2SAMWELI 18:5

Nahong'u Mangi Dawidi kawawasa Yoabu, Abishai na Itai, kawawia, “Kipfa kya mrima foko, mamulawahe mana ulya oko o Absalomu.” Wasoṟo walya wose wa shida wakaicho iwawaso lilya Mangi awainenga.

2SAMWELI 19:2

Wandu walya wakada ichihiyo lya iwinza shidenyi, wakawoka isumukia na iwodo nyi fowa kipfa kya iicho ke Mangi Dawidi nasumkia opfu lo mana oke Absalomu.

MFANANO 17:25

Mana ai tondo nyi fowa ya ndee; Na mawawio ha mae momfee.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.