2SAMWELI 18:1 - Bibilia Kui Mdedie fo Kimochi

¹ Kyasia, Dawidi kaitala wandu walya wawei nao, kawahawa kui shiumbu sha mahana, na mashiku; kawawika wanda ya wasongoru.

2SAMWELI 18:1 Iomraidhean Croise

IWUKA 17:9

Mose kawia Yoshua, “Lusambuṟie wandu, nokure nokapane na Waamaleki, ngama njechihoṟoka huya kitoṟomoso kilya kya fumvu, njiwode owokonyi loko ndichi iya ya Ruwa.”

IWUKA 18:21

Ngoseṟa ya isho nochikuwonyia kiidi kya wanduwa wandu wawode wuidimi; wahendelie Ruwa, wandu wa wukilohi, wasuo mbucha tsa mbaka; wawike wusongorunyi wowo, wawe wasongoru wo wandu shiku, na wasongoru wa wandu mahana, na wasongoru wa wandu makumi hatanu, na wasongoru wa wandu ikumi;

IWUKA 18:25

Mose kasambuṟa wandu wawode wuidimi kiidi kya Waisraeli wose, kawawika wawe wasongoru wa wandu, wanene wa wandu shiku, na wanene wa wandu mahana, na wanene wa wandu makumi hatanu, na wanene wa wandu ikumi.

MAITALA 31:14

Mose kasukiṟo ni wasongoru wa itorito na wasongoru wa shida walehoṟokia mapo ha wandu shiku na mapo ha wandu mahana walewuya wawuka shidenyi.

NGUMBUO YA MAWAWASO 20:9

Wanene wakamemarisa ideda na wandu, kyasiang'u wasongoru wa shida wechisongoya wandu.

YOSHUA 8:10

Yoshua kakure ngamenyi kilawo kasanyia Waisraeli handu hamu na wameku wakahendia mṟi fulya fo Ai.

1SAMWELI 22:7

Nao Sauli kawia waṟundi wake, “Wulalu nyo wandu wa kishari kya Benyamenyi njiadanyienyi, ngesa, mukusaṟie ke Dawidichu mana o Yese nechiinenga orio umu onu madema na madema ha mizabibu? Ang'u, mukusaṟie ke nechiwika orio umu onu nawe msongoru o shiku shamachekeṟo ha shidenyi ang'u msongoru o mahana hamachekeṟo ha wandu?

1SAMWELI 8:12

Nechisambuṟa o amonyi wengi wawe wasongoru wa shidenyi wa matorito ha shiku, na wengi wawe wasongoru wa matorito ha makumi hatanu, makumi hatanu. Nechihaluo wengi wamdemie madema hake na imsambuya shilimu shake. Nechitana wengi wamsungusie shisha sha shidenyi, na wengi wamsungusie shiombo sha magari hake.