2SAMWELI 17:10 - Bibilia Kui Mdedie fo Kimochi

¹⁰ Mrima ya waskari walya wakari cha mwiso yechisalaa, na iowuo kipfa, orio Mndu kunu Israeli naichi chandu ndeo o Dawidi na waskari wake waichi ikapana shida necha.

2SAMWELI 17:10 Iomraidhean Croise

MAWOOKIONYI 49:9

Yuda nyi ialea lya miiso (simba) Kuwuka kilasionyi, mana oko, noledopfo. Nalearama kakulaṟa wanda cha miiso, Na cha miiso njika; nyiu echimwamtsa?

2SAMWELI 1:23

“Sauli na Yonathani, wawei wandu wawakunde na weṟihisha; wawei wamu kiheri kya moo na kiheri walepfa. Wawei waweṟeshu kota owishi, na wawewode pfinya kota miiso.

2SAMWELI 17:9

Ma wulalu amesoṟowia maowionyi opangenyi. Kasoṟomokapfo kawoka ikapa na iwaha wandu wapfo maata, mndu ose kaicho mbonyi tso, nechihamba, waskari walya wose wa Absalomu wamesia.

2SAMWELI 23:20

Na Benaya mana o Yehoyada, mskari awukie Kabzeeli, mkari awutie ṟiho tsing'anyi. Nalewaha wandu wawi wang'anyi cha mando, wawukie Moabu. Kiheri kingi kasokia mreshenyi kochirendia meṟa, kawadana na miso kaiwaha.

SHIIMBO SHA DAWIDI 89:19

Nlyondi kulewia waele wapfo kui ndodo, “Kohamba, njileinenga ai ngohoda kitarama; ngang'anyisha msa alesambuṟo kiidi kya wandu.

IWUKA 15:15

Nalyo wasu wa Edomu wakaṟihio, Wandu wa Moabu wawode pfinya idedema lyikawawada, Wandu wose wekekaa Kanaani wakasalaa.

MFANANO 28:1

Wawicho wekedicha walaosho nyi wandu; Wenyi wusumhanyi nyi wai wakari cha miso.

SHIIMBO SHA SOLOMONI 3:7

Ambuya nyi kitaṟa kya Solomoni; mbahanyi makumi haṟandaṟu waitengeta, Wa mbahanyi wa Israeli.

YESAYA 13:7

Kui kipfa kya ikyo mawoko hose hechiṟengeṟa, na ngoo ya orio mndu yechisalaa.

YESAYA 19:1

Otambahaluo lo Misri. Ambuya Mndumii nado na ipuchi liangu, nashika Misri, na sanamu tsa Misri tsidedema oshangunyi loke, na mrima fo Misri fosalaa.

EZEKIELI 21:15

Kyamba wandu wako wakeri ihenda isokio nyi fowa, cha kipfa oshu lo luhenda iwaarisa ipfo mṟinyi yawo, kyamba oshu lo loko nyi luiakaaka, nalo lochicha cha mbaṟuko, nalo nyi lui luachikie necha kundu luidime iwaha.

NGUMBUO YA MAWAWASO 1:28

Nki ili lochihenda ipfo orukenyi lo kyasa lui wapfiie nyi mdo kui wuowu? Waleluwia ke wandu waipfo nyi wawode mkuura na waleshe kota. So, na mṟi yawo ing'anyi iwode njomombo njileshe tsishikie ruwehu. Kingise walewonapfo luwa lya Anaki!”

WAEBRANIA 11:34

Wakaṟumisha modo furie pfinya ing'anyi wakaturuchuka madumbu ha oshu wakahomoyo pfinya ili wawei wufafenyi, wakawa wawahanyi ipfo shidenyi, wakadichiṟa siṟi tsa mesa.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”

1SAMWELI 18:17

Sauli kawia Dawidi, “Ichu nyi Merabu mana oko mmbee o kika, njechikualikia nawe mka opfo ko koya oidikiana na shindo-shi: Nowe olimali oko mkari na mhendeli, nokapane shida na Mndumii-Ruwa.” [Sauli nalekusaṟa ke Wafilisti wechiwaaha Dawidi kindo Sauli alawekundi ikiwuta o amonyi.]