2SAMWELI 14:12 - Bibilia Kui Mdedie fo Kimochi

¹² Kyasia, mka ulya kadeda na Dawidi kambia, “Hoi Mndumii ngakuterewa nonjiinenge ikuwesa se kindo kimu.” Dawidi kambia, “Wesa ikyo ukundi.”

2SAMWELI 14:12 Iomraidhean Croise

MAWOOKIONYI 18:27

Abrahamu kahaluo, kahamba, “Nahong'u ngakoya ideda na Mndumii-Ruwa na inyi njii kilulyi na mafu tupu.

MAWOOKIONYI 18:32

Kahamba, “Mndumii-Ruwa nalawado nyi nyashi na inyi njideda kambali tupu, kofia wawonekepfo ikumi?” Kahamba, “Njechinyamaṟapfo kipfa kya iwo ikumi.”

MAWOOKIONYI 44:18

Nalyo Yuda kamsembelia, kahamba, “Hoi mndumii oko, isinga lyapfo lyikekudedia idedo limu madunyi ha mndumii oko, manya nyashi yapfo ilanjiakie isinga lyapfo, kyamba iyo nyi kimu na Farao.

2SAMWELI 14:11

Kyasia, mndu mka ulya kamhaluo kambia, “Ngakuterewa nolye nyamu ke kuwode mndu ma umu echipaya manachu oko pfo. Njikundi iwona se samu yepusuka pfo.” Na Dawidi kamhaluo kambia, “Ngakulia nyamu njechisenda Ruwa o mlungana, ke, kuwode ma ochui lumu lochioloka mdonyi fo manachu opfo pfo.”

2SAMWELI 14:13

Kyasia, mndu mka ulya kawia Dawidi, “Nkili ulakundi iwutia wandu wa Ruwa necha chandu onjiwikia inyi kyasa kidi? Nochikusinga iyo kumonyi koda kulawihiṟa na kanyi Absalomu iwuka ipfo kundu aledichia.

2SAMWELI 20:17

Kyasia, Yoabu kamhendia, na mndu mka ulya kambona kammbesa, “Iyo nyi Yoabu?” Yoabu kamhaluo kambia, “Ee nyi inyi.” Mndu mka ulya kambia, “Njiadoanyia.” Yoabu kamhaluo kambia, “Njikoheri ikuadanyia.”

1WAMANGI 2:14

Nao kamhaluo, “Na ko mecha, ngoseṟa kahamba, ‘Njiwode kindo njikundi ikuwia nao kambia, Hamba.’”

YEREMIA 12:1

Mndumii-Ruwa iyo noi mwele, ma chando njideda na iyo. Na njikundi ideda na iyo kui mbonyi tsa wulohi. Nki kitewe wandu wawicho wawode sia, wandu wewuta sha mkika wakawada ofoṟo?

MAWUTO HA WASU 26:1

Nahong'u Agripa kawia Paulo. “Na uwode momu fo ikudedya kyapfo.” Naho Paulo kairya owoko loke kakudedya-ho adi.

1SAMWELI 25:24

Kakuhutsa madendenyi ha Dawidi kyechimmbia “Mndumii oko, wuwicho wose wuche huyako inyi tupu. Ngakuterewa njidede na iyo inyi kisinga kyapfo. Ngakuterewa keadanyiawo madedo ha kisinga kyapfo.