2SAMWELI 13:4 - Bibilia Kui Mdedie fo Kimochi

⁴ Yonadabu kawia Amnoni, “Kenjiwia? Nkiki kikuwode? Nkili owodo nyi fowa orio mfiri na iyo nyi mana o Mangi?” Amnoni kamhaluo kambia, “Njiwodo nyi lango ing'anyi mnu ya Tamari, mshiki o manaomayo oko Absalomu.”

2SAMWELI 13:4 Iomraidhean Croise

2SAMWELI 13:3

Amnoni nawewode mbuya yake, elaho Yonadabu mana o Shama wawae o Dawidi. Yonadabu nawewode wuṟango wuwicho.

2SAMWELI 13:5

Kyasia, Yonadabu kawia Amnoni, “Kulembetseṟe ke noluo nolae kitaṟenyi; Dawidi ndeo kacha ikusahia, nommbie ke nokundi mshiki opfo Tamari nawe mokusungusia kelya kyapfo nakuendie na ikurutsa o amonyi, nochichihiyo mnu. Amnoni kawuta ado.

1WAMANGI 21:5

Kyaindi, Yezebeli mka oke kamhendia kambesa, “Kitewe nyi ki mrima fopfo fusokio nyi fowa, ulakunde manya ilya?”

1WAMANGI 21:7

Yezebeli mka oke kambia, “Wulalu iyo noitoṟie wamangi wa Israeli? Kure nolye kelya, mrima fopfo fuchihiyo, inyi njechikuinenga dema lya msabibu lya Nabothi Myezreeli.”

YESAYA 3:9

Shamu shawo shiṟingishie kilya wawutie, wakashukuo wunyamaṟi wowo cha Sodoma, ma walaiṟika. Ochia lo wanduwo, kipfa wakuendie urumatso lo mbihu yawo wo wawenyi.

YEREMIA 8:12

Ngesa na waleṟeenze lilya walewuta sha mkika? Ote waleṟeenze-pfo, ma walewado nyi sonu-pfo; kyasiang'u wechioloka kiidi kya weoloka; kiheri kecheo wechiolotso wanda. Mndumii ahamba.

WALEWI 18:9

Kulalae na mshiki opfo, mana o waka o ndeo, ang'u mana o waka o mayo, kokoya namfeeye ipfo kanyi konu ang'u kokoya nalefeeyo kundu kungi.

WALEWI 20:17

“Kokoya mndumsoṟo oose aalika mshiki oke, mana o kika o ndeye ang'u mae na manacho o kika kaidikiana na msoṟocho ai nyi msacha oke, kalaa nao, nyi kindo kipfulutsie, kiwaṟi waletsano na rika lyawo kipfa wawuta kindo kya sonu. Kiwaṟi msoṟocho nakudike wuwicho woke.

MIKA 7:3

Wose nyi wewuta mawicho tupu; wanene na wenyi menge wakundi itsutsumo, walya wang'anyi waloṟie na pata wuwicho wowo, na iwuta kui wulembi kulawode wuowo.

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.