2SAMWELI 13:1 - Bibilia Kui Mdedie fo Kimochi

¹ Absalomu mana o Mangi Dawidi nawewode mshiki oke awemcha mnu alamwalike elaho nyi Tamari. Amnoni mana ungi o Dawidi kalanga mshiki ulya oke.

2SAMWELI 13:1 Iomraidhean Croise

MAWOOKIONYI 29:18

Yakobo kakunda Raheli, kahamba, “Njechikuṟundia maaka mfungade kundu njiwone Raheli, manachu opfo mtutu.”

MAWOOKIONYI 29:20

Yakobo kaṟunda maaka mfungade kundu nainengo Raheli. Koke kikawa cha nyi mkonu njiangu tupu kipfa kya ili awemkundi.

MAWOOKIONYI 34:3

Mrima foke fukaoshana na Dina mana o Yakobo, kakunda manachu o kika, kadeda na manachu ko madedo mecha.

MAWOOKIONYI 6:2

wana wa Ruwa walewona wanawo wa kika wa wandu ke nyi wawecha; wakakudaya waka, chandu wakukundia isambuṟa.

2SAMWELI 11:2

Mkonu fumu kiheri kya kyukanyi, Dawidi kakure madonyi kadoya omombonyi lo mba yake ya wumangi. Kechichumia alya omombonyi kawona mndu mka awekeri mcha mnu kechisamba.

2SAMWELI 13:15

Amnoni ahende imarisa lango tsake, kasuo Tamari owicho mnu. Kamsuo ngoseṟa ya chando awemkundi, kampomia kambia, “Kure iya owinyi.”

2SAMWELI 13:2

Amnoni kawado nyi lango ing'anyi ya mshiki oke; kaluo kipfa kyake; manya awewode chandu aweiidima ideda nao pfo, kipfa nawei mana mkeha, na awewode momu fo koyana na ideda na wasoṟopfo.

2SAMWELI 14:27

Kataramo wana wakisoṟo waṟaṟu na o kika umu elaho Tamari, nao nawekeri mndu mka ai mcha mnu.

1WAMANGI 11:1

Solomoni nawekundi mnu waka wahenu; mana o waka o Farao, waka wa Wamoabu, Waamoni, Waedomu, Wasidoni na Wahiti.

1MBONYI TSA MAHERI 3:2

O kaṟaṟu nyi, Absalomu, na mae nyi, Maaka, mana o Talmai, Mangi o Geshuri; na o kana nyi Adoniya, na mae nyi Hagithi;

1MBONYI TSA MAHERI 3:9

Iwo nyi wana wa Dawidi alefee na waka wake, kyaindi nawewode se wana wengi wafoi sa alefee na shitonga shake. Tamari mbe mshiki owo.

MFANANO 31:30

Ikundia lyekelemba, na wucha nyi mai. Indi mndu mka aowoye Mndumii, nyio echiṟumisho.

MFANANO 6:25

Ulalange wucha woke mrimenyi fopfo, Ma kulaidikie nakuwade na mbawa tsa meso hake.