2SAMWELI 12:26 - Bibilia Kui Mdedie fo Kimochi

²⁶ Kiheri kyo, Yoabu kasaṟikia Raba mṟi fo Waamoni, kafukapa na ifuwada.

2SAMWELI 12:26 Iomraidhean Croise

2SAMWELI 11:1

Kiheri kewoka maka mhya wamangi wafoi waichiwie ihenda shidenyi kikashika. Mangi Dawidi kaduma Yoabu na wasongoru wengi wai wanda yake na waskari wose wa shida wa Israeli, shidenyi, wakarumatsa Waamoni walya na iṟingicha mṟi fulya fo Raba. Kyaindi Dawidi alehenda nawo pfo; naledeo kulya Yerusalemu.

2SAMWELI 11:25

Kyasia, Dawidi kawia mṟundi ulya awemdume nahende iwihiṟia Yoabu moo na immbia, “Ulapfio nyi mdo kipfa shida shiwode meso pfo, na ochiidima imanya nyiu echipfa na nyiu echikia shidenyi pfo. Mbie naengeṟe ikapana kopfinya na iwada mṟi fulya, nalaowuo, naṟunda necha.”

2SAMWELI 12:25

kamdikia ndumi yemuichika na imnenga mboṟa kui oshangu lo mwikimbi Nathani, na immbia nawie Dawidi nalahe manacho rina Yedidia, (Mkunde o Ruwa).

2SAMWELI 12:27

Yoabu kaduma ndumi ko Dawidi, kambia, “Ngamekapa mṟifo Raba, na iwada nduwa yawo ya mṟinga.

2SAMWELI 17:27

Kiheri Dawidi aleshika Mahanaimu, naleambilio necha na Shobi ai mana o Alawashi Mwamoni awukie Raba; na Makiri ai mana o Aminieli awukie mṟi fo Lo-debari, handu hamu na Barzilai Mgileadi awukie mṟi fo Rogelimu;

SHIIMBO SHA DAWIDI 60:9

Nyiu echinjiduo tane mṟinyi fuwode omombo? Nyiu echinjiduo mṟasa Edomu?

EZEKIELI 25:5

Kyamba mṟi fo Raba njechifuhaluo pata lyelisa ngamia na oruka la Amoni luhaluke mfiṟiha fo machondi. Kipfa kya ikyo mochihenda imanya ke Inyi Mndumii-Ruwa.’

NGUMBUO YA MAWAWASO 3:11

(Mangi Ogu nyio amonyi awetsuhae kiidi kya Warefai. Kitaṟa (isanduku lyake lyeṟiko) kyake kiwei kisungusie na menya (angu maho), kiwewode wuleshe wo madende hawi na wulandari wo kufui madende hawi, kui shiheo sha kiherikyo. Kitaṟakyo kiipfo mṟasa wulalu mṟinyi fo Waamori fo Raba).