2SAMWELI 10:12 - Bibilia Kui Mdedie fo Kimochi

¹² “Kyaindi makulaowuo! Lukaapane kisoṟo kundu lukiṟe wandu wadu na mṟi i ya Ruwa iladao. Na Mndumii-Ruwa naluwutie shilya shimchihiṟie.”

2SAMWELI 10:12 Iomraidhean Croise

2SAMWELI 10:11

Yoabu kawia Abishai, “Waaramu wa wakanjilemia mnu, nochicha injitarama, na Waamoni wa wakakulemia mnu njechicha ikutarama.”

2SAMWELI 15:26

Kyasia, kokoya Ruwa alakunda njiwuye kuwode mondupfo; leka nakuutie chandu akunda.”

1MBONYI TSA MAHERI 19:13

Koikyo makulaowuo! Kyaindi lukapane kisoṟo kipfa kya wandu wadu, na ko kipfa kya Ruwa odu; na Mndumii-Ruwa nechiluwutia kilya awona kikicha koke.”

2MBONYI TSA MAHERI 32:7

“Kuwanzenyi muwe watumuhari na ngohoda. Mulaowuo ma mulawade mkakangao fose oshangunyi lo Waashuru ang'u machekeṟo hawo, kipfa ichu ai naso nyi mnene kota iwo wai na Senakeribu.

NEHEMIA 4:14

Kyasia kiheri njilewona ke wandu nyi walewado nyi wuowu naalyo ngawia wanene wo wa wandu namashehe na wandu wengi wose, “Manya mlaowuo manya kitutu. Kumbuonyi ke Mndumii nyi ang'anyi nao nyi aoweshie, koikyo kapanenyi kipfa kya wana wa maeanu, na wana wanu wa kika, waka wanu na mba tsanu.”

NEHEMIA 4:8

Wakawika kyama handu hamu kyecha ikapa Yerusalemu kundu luṟahanyike.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

MAITALA 13:20

Tiichienyise kokoya orukalo lulusuṟi ang'u luiukiwa, luwode mashidi ang'u ote. Muwade ngoo nkari na ili mochiwuya endenyipfo ndunda maata tsa orukalo.” Kiherikyo nyi kiwei kya msabibu iwoka iwiṟa.

1 WAKORINTO 16:13

Laenyi choowe, hoṟokenyi na wuhoṟotsu wo mwidikye, muwe womi muwewa ngohoda.

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

NGUMBUO YA MAWAWASO 31:7

Kiidima Mose kalaha Yosua, kambia oshangunyi lo wandu wose wa Waisraeli, “Wa mtumuhari nowe ngohoda, kyamba nochisongoya wanduwa wahende iwada orukalo Mndumii-Ruwa aleteṟia wande awo; nowadambikie waluwade.

WAEBRANIA 11:33

Wonyiwo walelaṟa maumangi kui wuidiki wakaende wusumhanyi, wakashika ikoya shilya shileteṟyo wakapfunga madumbu ha miso.

WAEBRANIA 13:6

Nkyo kyalukarisha luihamba, “Ruwa oko nao Mndumii, njechiowuo kindopfo Mndu o wandu anjiidima ki?”

YOSHUA 1:18

Nyi wudo kechiwa kokoya mndu ose echiwumbuya wuwawaso wopfo ang'u kaleha madedo hapfo ang'u kindo kyose ochimmbia, naate nawoho. Kyaindi iyo engeṟa iwada pfinya na ngohoda njiwanzi.”

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”

WACHILI 10:15

Kyaindi Waisraeli wakawia Mndumii-Ruwa, “Lowuta wunyamaṟi. Luwutiye chandu okunda, indi lokuterewa lukiṟe inu.”

1SAMWELI 14:12

Wafilisti wawei mfiṟihenyi wakalaha Yonathani na manake ulya alemdaṟa shisha, “Kenjonyi na kunu kodu, lumuloṟe kindo.” Yonathani kawia manake ulya awemdaṟie shisha Njiosha, “Mndumii-Ruwa amewawika mawokonyi ha Waisraeli.”

1SAMWELI 14:6

Yonathani kawia manake ulya alemdaṟa shisha, “Kenjo, luhende ora lo kawi kulya mfiṟihenyi fo wanduwa walawadine. Kofia Mndumii-Ruwa nelutarama, cha kipfa Mndumii-Ruwa ekekiṟa wandu kipfa kya mfoeṟa ang'u wuangu wo wandupfo.”

1SAMWELI 17:32

Dawidi kawia Sauli, “Mndu oose nalakangaṟitso mrimenyi foke kya Mfilisticho. Inyi mṟundi opfo njechihenda ikapana nao.”

1SAMWELI 3:18

Kyasia, Samweli kaongoya Eli shose alewio, nalamṟikyeho manya kindo. Naho Eli kahamba, “O nyio Mndumii-Ruwa; nakeawutsia ikyo kyose awonyi nyi kii kicha koke.”

1SAMWELI 4:9

Wulalule, lanye Wafilisti kukarishenyi. Muwe ngohoda mlashike iwa masinga ha Waebri kimu chandu nawo wawei masinga hadu. Kutumhaṟenyi cha wasoṟo mukapane.”