2SAMWELI 1:11 - Bibilia Kui Mdedie fo Kimochi

¹¹ Dawidi karanduo nguo tsake hamu na walya wose wawei kimu nao kipfa kya fowa tsing'anyi tsilewawada.

2SAMWELI 1:11 Iomraidhean Croise

MAWOOKIONYI 37:29

Reuben kawuya na alya ṟungunyi lya mṟinga, ate! Yosefu ai kulya ṟungunyipfo, karanduo nguo tsake.

MAWOOKIONYI 37:34

Yakobo karanduo maṟao hake, kaṟaa ikunyia kitsinyi, na ifihiṟia mana mfiri ifoi:

MAWOOKIONYI 44:13

Wakaranduo nguo tsawo, wakahekia orio mndu mhanda foke huya nzoi yake, wakawuya na mṟinyi.

2SAMWELI 13:19

Kyasia, Tamari kakushia mafu mdonyi na iranduo iṟinda aweṟee, kahekia mawoko hake mdonyi, na ihenda nja kechifihiṟa na iṟu ling'anyi.

2SAMWELI 13:31

Dawidi kaicho mbonyi tsilya njiwicho karanduo nguwo tsake awodo nyi fowa ing'anyi, kakukumba wanda. Na waṟundi walya wake wawei nao wakakulunga nao wakaweranduo nguwo tsawo.

2SAMWELI 3:31

Nahong'u Dawidi kawia Yoabu na wandu wake, “Randuonyi nguo tsanu na iṟaa makunyia, mochifihiṟa kipfa kya Abneri.” Kyasia Dawidi kaosha nduma yawo wakudikie isanduku lilya lirie Abneri wechihenda shipfunyi .

2WAMANGI 5:7

Mangi o Israeli kekisoma paruo iya, karanduo maṟao hake kahamba, “Ngesa inyi nyi Ruwa, njiwahe na iṟutsa, itane mndu chu nanjidikie mndu njimchiṟe saka yake? Manyenyi ng'u muwone mnduchu nakundi iloyana na inyi.”

2MBONYI TSA MAHERI 34:27

na iyoometerewa mhoṟie na ikunyiṟa oshangunyi loko, na iranduo maṟao hapfo na ilia, kiheri uleicho chandu njileteṟia ikapa Yerusalemu, na wandu wake. Ngameicho kiterewo kyapfo.

EZRA 9:3

Kiheri njilemaa iadanyia madedoho, ngaranduo nguo tsako na ikoti, ngawetufuo njui na ngerero tsako, ngadamia wanda terinyi njimsokie nyi fowa ing'anyi.

ESTA 4:1

Mordekai kekimanya shose shiwutikie, karanduo maṟao hake, kaṟaa ikunyia kakushia ifu. Kiidima kaida makidi hawi ha mṟi kechikapa kilio ko pfinya na fowa.

YEREMIA 36:24

Ma chandu mangi na waṟundi wake waleicho madedo ho hose waleowuo ma iranduo maṟao hawo ko wukiwa pfo.

YOELI 2:13

Ma mularanduo nguo tsanu mochiloṟa fowa, randuonyi mrima yanu.’ Wuyenyi Mndumii-Ruwa, Ruwa onu. O naichuo wutonga na isaṟia ling'anyi; ekesuo owinyi-pfo, nawode wucha wung'anyi wo mrima; ma ekechihiyo ikapa wandu-pfo.

MAWUTO HA WASU 14:14

Kya indi wasu walya Barnaba na Paulo wekimanya ikyo wakaranduo nguo tsawo wakarundukya ipfo kiidi kya wandu wakafihiṟa.

WAROMA 12:15

Kewechihionyi kimu na iwo wawachihie, muwelia na iwo welia.

YOSHUA 7:6

Kyasia Yoshua handu hamu na wanene wa Israeli wakaranduo maṟao hawo. Kiidima wakakuhutsa wanda ya isanduku lilya lya mkundana lya Mndumii-Ruwa, wakawekushia kiluli mdonyi yawo.