1YOHANE 1:3 - Bibilia Kui Mdedie fo Kimochi

³ Iki lulekiwona na ikiicho nyi kyo luimwongoya nanyo kundu muwade kita kimu naso. Indi kita-ki kyadu lukiwode na Wande na Manoke Yesu Kristo.

1YOHANE 1:3 Iomraidhean Croise

YOBU 13:1

“Ambuya, isho shose meso hako halewewona, na madu hako hakaicho na imanya.

SHIIMBO SHA DAWIDI 2:7

Njechionguo mawawaso; Mndumii alenjiwia, nyi iyo manoko, Inyi nyi inu ngakufee.

SHIIMBO SHA DAWIDI 22:22

Njechionguo rina lyapfo ko wanawawama wako, Makidi hawi ha kisanzyo njechikuṟumisha.

YESAYA 66:19

Na inyi njechiwika kichano kiidi kyawo, inyi njechiduma wakiṟe ko mkambo ya wandu, Tarshishi, na Puli, na Ludi, wekuruo uda, ko Tubali na Yowani, njoruka tsitengetie mṟinga tsi kuleshe; wandu walalemeicho mbonyi tsako, ma iwona wuitoṟi woko; nawo wechionguo wuitoṟi woko kiidi kya wandu wa mkambo.

MAITALA 10:32

Kingise koduana naso ikyo kyose kicha Mndumii-Ruwa echiluwutia, nakyo ochewutio iyo daa.”

YOHANE 17:11

Na inyi njikikeri-se kunu wuyanapfo. Nawo na kunu wuyana wakeri. Nao inyi nyi ikucheya na kopfo njii. Hoi Wande Mwele! Waringe wakae na rina lyo lyapfo, ilyo ulenjinenga inyi, kundu nawo wawe wamu chandu naso lui wamu.

YOHANE 17:21

Ngaterewa ke wose wawe wamu chando iyo, Hoi Wande, ui umu na inyi, Na inyi njii umu na iyo kundu nawo wawe kiidi kyadu. Wuyana wu wuteho iidikya ke nyi iyo ulenjiduma.

YOHANE 17:25

Hoi Wande ui menyi wuhoṟotsu, wuyanawu wukuichi-pfo, kya indi inyi njikuichi. Iwa wakuichi ke nyi iyo ulenjiduma.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 19:35

Na ichu alekiwona nyi awa mokiṟingishya na kiṟingishyo kyo kyake nyi kya lohi. Nao aichi nyi kya lohi adeda kundu nanyo muwange iidikya-ho.)

MAWUTO HA WASU 13:32

Natso nyi lui imwongoya ndumi ya sia kya kyaasa kilya waku walya wadu weinengo.

MAWUTO HA WASU 13:41

‘Ambuyenyi nyo wemina! Ṟihionyi muhende ideka. Kipfa ngatana ngata mafiri ha hanu, ngata ii mulechiidikya manya le ma mndu kamdambuya munu!’”

MAWUTO HA WASU 2:42

Nawo wakawa wekuwada ipfo kiloshyonyi kya wasu na ipfo kipfunganyonyi ipfo kifunjonyi kya mkate na ipfo shiterewyonyi.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

MAWUTO HA WASU 4:20

Kyamba so lochiidima ida luladeda ikyo lulewona na iichopfo.”

WAROMA 15:27

Nyi kiwachihiṟye kihendeke kidi, na wakerye-ho na wasile wawo; kyamba ili wa mkambo mhenu wamesanzyo iambia mboṟa tsa kimrima sha Wayuda nyi kiwewawaṟi wawewaikanya Wayuda wo na shichoṟe shawo sha kimbihu.

1 WAKORINTO 1:30

Na ipfo koke kwenyi kimaenyi kyanu kikeri ili mui Kristo-hu Yesu, nyio amelutaanyo nyi Ruwa wuṟango na wuhoṟotsu na wuiilisho na oletso.

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

1 WAKORINTO 15:1

Indi ngamkumbuṟa, lanye wanawawama, ndumi ya sia ya okiio ndemuongoya nyiyo muleiambya mukuilikye nayo.

2 WAKORINTO 13:14

Wutonga wo Mndumii Yesu Kristo na ikunda lya Ruwa na kyando kya Mumuyo Mwele shikae nanyo mose.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

WAFILIPI 1:7

Nakyo nyi kinsumhanye njiwe mokumbuo njido kyanu mose kyamba njikuwode nanyo ngoonyi momba wakyando wako wa wutonga nyo mose ipfo mshenyi njiimpfunge nayo ma ipfo kundo njekapanya ndumi ya sia na iiwanza-ho.

WAFILIPI 2:1

Itutumo kui Kristo na yanjaṟyo kui ikunda na ipfungana kui Mumuyo na ililia mndu na imwichio wukiwa kokoya ho hakuwode-se nanyo.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAKOLOSE 1:13

Nyio aleluletsa eluwuta wuaapfinyienyi wo meema kyechiluteteṟa kaweluwika wumanginyi wo Mana oke mkunde.

1WATESALONYIKYE 1:10

Na iwedya Mana oke ichu alemṟutsa wapfunyi nache awuka ipfo ruwehu, nyio Yesu moluringa nyashi iya ikeri icha.

1TIMOTEO 6:2

Indi iwa wawode wenyi wai waidiki manya walawamine ili wai wanawawama, kya indi waengeṟe iwapfuṟukanya ili wai waidiki na wakunde wechitaa kui isumba. Losha ishi na itutuma.

WAEBRANIA 2:12

Ili ahambie, “Njechiongoya wanawawama wako rina lyapfo. Njechikuimbya makiidi hawi ha siṟi.”

WAEBRANIA 3:1

Nkyo kimaduma nyo wanawawama waele mui waodoya wa ndaho ya kiruwehu, ringenyi mdume ulya na mkohanyi ang'anyi luimhamba nyio Yesu.

WAEBRANIA 3:14

Kyamba so lomba wenyi-kita na Kristo lukakaa lochikuwada tsee na kiwanja kilya handu luwoke itane maawutsyonyi.

1PETRO 5:1

Wulalu wameku walya wakeri ipfo konu wo ngawatutuma njii meku chawo na moriso o mawawyo ha Kristo na mokita o wuitoṟi wulya wurie ihenda itambaṟukyo.

2PETRO 1:16

Kyamba so lulawerianyi na shihano shii-shihanehane ilindi lulemwongoya pfinya ya icha lya Mndumii odu Yesu Kristo na mkae foke fui nao. Kya indi lulewona na meso hadu wunene woke.

1YOHANE 1:1

So nyi lukeri imuṟehya kilya kiweepfo wuka mawookyonyi nyikyo lulekiicho lulekiwona na meso hadu, lulekiambuya na ikiwadawada na mawoko hadu, lyo Ideda lilya likeri moo.

1YOHANE 1:5

Na ndumi-ii lulemwicho ipfo ko Yesu luimwongoya nyo nyi ikeri ii-le, ke Ruwa ai sa. Ma meema fui nao manyalepfo.

1YOHANE 1:7

Indi kokoya luhendekye hando hai sa chando o ai na sa, nyi luwode kita so luwenyi na wenyi. Na samu ya Yesu Kristo Manoke, yalusanja wunyamaṟi wose.