1SAMWELI 9:16 - Bibilia Kui Mdedie fo Kimochi

¹⁶ “Ngama kiheri cha iki, njechikuendie mndu kuwuka kishari kya Benyameni, na iyo nochimshia mafuda nawe msongoru o wandu wako Waisraeli. O nechiashuo wandu wako kuwuka ko Wafilisti, cha kipfa ngamewona matuuro ha wandu wako na kieṟeṟo kyawo kyamenjishikia.”

1SAMWELI 9:16 Iomraidhean Croise

2SAMWELI 3:18

Kiheri kyamshika kewuta kudo Ruwa nawehambie, ‘Ko owoko lo Dawidi, njechikiṟa wandu wako Israeli iwuka wusingenyi wo Wafilisti na iwuka mawokonyi ha wakituwa wawo wose.’”

2WAMANGI 20:5

“Wulalu wuya uwie Hezekia mnene o wandu wa Mndumii-Ruwa; Inyi Mndumii-Ruwa, Ruwa o sahuyapfo Dawidi, ngaicho kiterewo kyapfo ngawewona na mchenyeṟe yapfo. Njechikuchiṟa na numa ya mfiri iṟaṟu nochihenda mbenyi ya Mndumii-Ruwa.

SHIIMBO SHA DAWIDI 102:1

Hoi Mndumii, keadanyiawo itarewa lyako, kieṟeṟo kyako kikukoye.

SHIIMBO SHA DAWIDI 106:44

Kyaindi naleambuya matuuro hawo, ili aleicho kieṟeṟo kyawo.

SHIIMBO SHA DAWIDI 25:18

Uambuye wukiwa woko na ngataṟa tsako; Unjihooṟie njonyamaṟo tsako tsose.

MFANANO 16:9

Mrima fo mndu fokusaṟa njia tsake; Indi Mndumii nekesongoya njotende tsake.

YEREMIA 32:8

Kiidima mho oko Hanameli nalenjichea mbenyi ya waringi chandu Mndumii-Ruwa alenjiwia, ‘Huṟa dema lyako likeri Anathothi oruka lo Benyamini kipfa iyo kikuwaṟi nolitalae. Huṟa ko kiira kyapfo.’ Nalyo ng'u njilemanya ke na lohi liwei idedo lya Mndumii-Ruwa.

1SAMWELI 10:1

Naho Samweli kaira chupa sa ntutu ya mafuda kaletsia mdonyi ko Sauli, kamhekia momu kambia “Mndumii-Ruwa amekuletsia mafuda nowe mchili o wandu wake.

1SAMWELI 14:20

Naho Sauli na wandu wake wakakuala na ikukumba shidenyi ikapana na Wafilisti. Kyaindi Wafilisti walewooka ipufukiana wo wenyi ko wenyi kui kipfulupfulu king'anyi.

1SAMWELI 14:23

Ko ikyo Mndumii-Ruwa naleinenga Waisraeli wuwinzi. Shida ikadung'ana mṟasa Beth-aveni.

1SAMWELI 15:1

Samweli kawia Sauli, “Mndumii-Ruwa nalenjiduma njikushie mafuda nowe mangi ya wandu wake Waisraeli. Wulalu adanyia madedo ha Mndumii-Ruwa.

1SAMWELI 16:1

Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”

1SAMWELI 16:3

Dumia Yese nao nawecha na ipfo mwindienyi na inyi njechikuloṟa kindo ochiwuta. Nochishia mnducho njechimsenda mafuda nawe mangi.”