1SAMWELI 6:4 - Bibilia Kui Mdedie fo Kimochi

⁴ Wandu wakawesa, “Lochimdaya mwano fo kiki fowuto wunyamaṟi?” Nawo wakawahaluo, “Nyi sanamu tsitanu tsa sahabu tsifananyi na maode, na sanamu tsitanu tsa sahabu tsifananyi na mbewa, orio kimu kikae handu ha mnene umu o Wafilisti, cha kipfa ndaaṟe iya ya makokoi ilediko konu na iya iya ilediko ko wanene wanu

1SAMWELI 6:4 Iomraidhean Croise

IWUKA 12:35

Wana wo Waisraeli wakawuta chandu idedo lilya lya Mose; wakaduo shihia sha fesa na shihia sha sahabu, na maṟao ko Wamisri.

YOSHUA 13:3

oruka lulusende nyi lo Wakaananyi kuwokia kimeda kya Shihori mṟasenyi na Misri mṟasa oruka lo Ekroni kya ora lo huye. Njoruka tsose tsa wamangi watanu wa Ufilisti Gaza, Ashdodi, Ashkeloni, Gathi na Ekroni handu hamu na oruka lo Avi,

WACHILI 14:19

Naalyo mumuyo fo Mndumii-Ruwa fukachea Samsoni ko pfinya ing'anyi, kahenda mṟinyi fo Ashkeloni, kawaha wandu makumi haṟaṟu (30), numa kaduo maṟao ha mkonu mnene kainenga walya waledambuo oṟayo lulya. Kiidima kahenda ko wafee wake aichuo nyashi.

WACHILI 3:3

Wanene watanu wa Wafilisti, Wakaanani wose, Wasidonyi na Wahevi walesamia mafumvuhu ha Lebanoni kuwuka fumvu lya Baal-Lermonyi mṟasa ishika Hamathi.

1SAMWELI 5:12

Na walya walalepfa walewado nyi maode tane kilio kya mṟi kileshika ruwehu.

1SAMWELI 5:6

Mndumii-Ruwa naletuura na iowesha wandu wa Ashdodi iki kiwichowicho. Nalewatuura na wamṟasa wawo, kyechiwaendie ndaaṟe ya moode.

1SAMWELI 5:9

Kyaindi wamemaa iliduo mṟinyi fo Gathi, Mndumii-Ruwa kakapa mṟifo, kawaendie wuowu wung'anyi kulya mṟinyi; kakapa wasoṟo wa ipfo mṟinyi, wanake na wameku, kechi waendie maode.

1SAMWELI 6:5

Kimuwaṟi musungusie sanamu tsa maode na tsa makokoi hanu, shindo shekerumatsa oruka lonu. Kimuwaṟi muindie Ruwa o Waisraeli. Kofia nechida elemukapa, nyo muwenyi, maruwaho hanu na oruka lonu.

1SAMWELI 6:8

Irenyi isanduku lya Mndumii-Ruwa muliwikye ipfo ikarinyi. Mbai ya isandukulyo wikyenyiho sanamu tsilya tsa sahabu isho mumdikia cha mwano fowuto wunyamaṟi. Numa mulekie ikarilyo lyihende kundu lyechikuhendia.