1SAMWELI 6:3 - Bibilia Kui Mdedie fo Kimochi

³ Nawo wakawawia, “Mukawihiṟa isandukulyi lya Ruwa o Waisraeli, mulaliwihiṟe na mawoko ha wulya. Kyaindi kimuwaṟi muliwihiṟe murie na njoko, mwano fowuto wunyamaṟi kundu muwuto wunyamari wonu. Mukawuta mudo mochikia, nanyo mochimanmya nki kitewe awa momulisa wukiwa orio kiheri.”

1SAMWELI 6:3 Iomraidhean Croise

YOBU 10:2

Njechiwia Ruwa: Ulanjianduye Kunjiwie kitewe kekapana na inyi.

IWUKA 23:15

Nochinjiwikia mkonu mnene fo mkate ilantarang'ashe; nochilya mkate ilantarang'ashe ko mkonu mfungade chando njilekuwawasa, kui kiheri kikiteṟie, meri fo Abibu (cha kipfa mfo kulekure kulya Misri) manya kuwode mndu echiwoneka oshangunyi loko na mawoko ha wulyapfo;

IWUKA 34:20

Na ihache lya kuwoka lya nzoi, nochilitalaa ko huṟuwi; na kokoya kulakundi ilitalaa, nochilifunja nzingo. Wana wawee wose wa wana wapfo, nochiwatalaa. Ma kuwode manya umu echicha oshangunyi loko na mawoko ha wulyapfo.

IWUKA 8:15

Indi Farao kekiwona amewuyo nyi moo, kahaluo mrima fulya foke fukauma, nalakiwaadanyie; chandu Mndumii-Ruwa alehamba.

WALEWI 5:6

nao nechiendie Mndumii mwano foke fo mti kipfa kya wunyamaṟi woke alewuta, huṟuwi ang'u suwana kuwuka mfiṟihenyi foke, kiwe nyi mwano fo wunyamaṟi numa mkohanyi nammbutie kisanza kipfa kya wunyamaṟi wo woke.

WALEWI 6:6

Numa nechiende na ko mkohanyi mwano foke fo wunyamaṟi ko Mndumii-Ruwa, nyi isuwa lya mfiṟihenyi foke, lyiawukie necha, lyihiyanyi na kiheo ochimbikia, kii nyi mwano fo wunyamaṟi nainengie mkohanyi;

NGUMBUO YA MAWAWASO 16:16

“Wasoṟo wose wa mkambo fonu wechicha oshangunyi lo Mndumii-Ruwa, Ruwa onu, makamba haṟaṟu orio maka, handu Mndumii-Ruwa, Ruwa onu echisambuṟa: kiheri kya mkonu mnene fo Pasaka, mkonu mnene fo sambuo na kiheri kya mkonu mnene fo matengo. Walache oshangunyi lo Mndumii-Ruwa na mawoko ha wulya.

1SAMWELI 5:11

Kiidima wakaduma ndumi na isanya wanene wa Wafilisti na iwawia, “Wihiṟenyi isandukulyi lya Ruwa o Waisraeli na handu halyo kundu lyilaluwaahe so handu hamu na wandu wadu Walewuta wado cha kipfa kulewada wuowu wung'anyui mṟinyi kose cha kipfa Ruwa nawekyetuura wandu iki kiwichowicho.”

1SAMWELI 5:7

Wandu wa Ashdodi wekiwona isho shiwahoya, wakahamba, “Ruwa o Waisraeli ailukapa kalutuura iki kiwichowicho so na ruwa odu Dagoni. Isanduku lya mma lya Mndumii-Ruwa lyechiidima ikaa kodupfo.”

1SAMWELI 5:9

Kyaindi wamemaa iliduo mṟinyi fo Gathi, Mndumii-Ruwa kakapa mṟifo, kawaendie wuowu wung'anyi kulya mṟinyi; kakapa wasoṟo wa ipfo mṟinyi, wanake na wameku, kechi waendie maode.

1SAMWELI 6:8

Irenyi isanduku lya Mndumii-Ruwa muliwikye ipfo ikarinyi. Mbai ya isandukulyo wikyenyiho sanamu tsilya tsa sahabu isho mumdikia cha mwano fowuto wunyamaṟi. Numa mulekie ikarilyo lyihende kundu lyechikuhendia.

1SAMWELI 6:9

Indi ambuyenyi, kokoya ikarilyo lyechihenda lyimu ko lyimu waambuya orukenyi lolyo, mṟi fo Beth-Shemeshi, nlyondi lochimanya ke mndu aleluendie ndaṟe ii ya makokoi nyi Mndumii-Ruwa kyaindi kokoya lyilahendapfo, nlyondi lochimanya ke chi owoko lokepfo, indi ngapo nyi kui ndenga njiwicho.”