1SAMWELI 4:4 - Bibilia Kui Mdedie fo Kimochi

⁴ Naho waleduma waṟundi kulya Shilo, wakaende isanduku lya mma lya Mndumii-Ruwa menyi matorito adamie cha mangi huye ya makerubi; Wanakye walya wawi wa Eli, Hofni na Finehasi walecha handu hamu na isandukulyo lya mma lya Ruwa.

1SAMWELI 4:4 Iomraidhean Croise

2SAMWELI 15:24

Mṟundi o Ruwa Abiathani na Zadoki wakacha handu hamu na Walewi wose wakacha wakudikie isanduku lilya lya mkundano fo kacha fo Ruwa, wakalileṟia wanda, wakatirima mṟasa wandu wose wakamarisa iwuka nja ya mṟi fulya.

2SAMWELI 6:2

Kawaduo mṟasa Baal-Yuda ihenda ionduo isanduku lya Mndumii, Mangi ya Ruwehu adamie huye ya malaika wose waringi.

2WAMANGI 19:15

Katerewa Mndumii-Ruwa kechihamba, “Hoi Mndumii-Ruwa, Ruwa o Israeli, iyo okekaa kiidi kya loṟika lo wuitoṟi huye ya shiwike shose shiwode makungo, nyi iyo tupu ui Ruwa, uitoṟie mangi tsose tsa wuyana.

SHIIMBO SHA DAWIDI 80:1

Iyo okelisiṟa Israeli, adanyia, iyo oketeteṟa Yosefu cha ipo, iyo odamie huye ya makyerubi, waa sa.

SHIIMBO SHA DAWIDI 80:2

Oshangunyi lo Efraimu, na Benyameni, na Manase, noamtse pfinya tsapfo; uche, ulukiṟe.

SHIIMBO SHA DAWIDI 99:1

Mndumii naikolonyie, wa mkambo waidedema! Nadamie huye ya makerubi, oruka lukasingida.

YESAYA 37:16

“Hoi Mndumii menyi Matorito, Ruwa o Israeli, ukeri huya makerubi, iyo da iyo kumonyi nyi iyo Ruwa o wamangi wose wa wuyana. Nyi iyo ulewika ruwehu na oruka.

MALAKI 1:9

Wulalu ngamuwia, terewenyi osaṟio lo Ruwa, kundu namwuinenge mboṟa; kokoya kindo ki kiwukie mawokonyi hanu; ngesa Mndumii o Matoṟito nechimuidikia?

MAITALA 4:15

Aroni na wana wake wakameshikia Handu Haele na shihia na nzohoṟa tsasho tsose, wakuṟeheṟie iwooka kyaṟo, nlyondi wandu wa kishari kya Kohathi wechicha washikudike. Kyaindi wo wawode momu manyanta fopaaya shihiasho shielepfo, walashike ipfa. Ilyo nlyo iṟunda lya kishari kya Kohathi orio mandi ihema lyekusanzia lyamesamiṟo.

MAITALA 4:5

“Mndumii kawia Mose kudi. Kiheri kewunduo kambi, Aroni na wana wake wechiida na ipfo ihemenyi, wasotsie wanda isulia lii mbele ya Isanduku lya mkundana, numa walishikie na isulialyo.

MAITALA 7:89

Kiheri Mose aleida na ihemenyi lyesanzia kundu nadede na Mndumii-Ruwa, naleicho ṟu lyiuka ora lo huye lo loṟika lo osaṟio, luwei huya isanduku lya mkundana, lyiwuka kiidi kya shiwumbe shilya shiwi shiwode makungo.

1SAMWELI 1:24

Kiheri alemdumbutsia ionga nalemduo handu hamu na ipung'a Iya maaka Iṟaṟu, ikunyia lya mso na kitumo kya mpfinyo. Hana kaitsa manacho na mba ya Mndumii-Ruwa ipfo Shilo, nao mana nawei mnangu.

1SAMWELI 14:3

Ahiya, mana o Ahitubu manomayo Ikabodi mana o Finehasi, mana o Eli mkohanyi o Mndumii-Ruwa mṟinyi fo Shilo, nyio aweṟee kisibau kya mkohanyi wandu walemanya ke Yonathani amekurehopfo.

1SAMWELI 2:22

Kiherikyo Eli nawemekuo mnu nakamu. Kiheri aleicho mbonyi tsose tsa wana wake wa kiumi wawekewutia Waisraeli, chando wawekelaa na waka wawe keṟundia alya mongo fo ihema lyesanzia;