1SAMWELI 3:12 - Bibilia Kui Mdedie fo Kimochi

¹² Mkonufo, njechiawutsia shilya shose njilehamba wokia mawokioonyi tane mtsitsionyi kya mbonyi tsa Eli na wa kanyi koke.

1SAMWELI 3:12 Iomraidhean Croise

EZEKIELI 21:5

Koikyo wandu wose wechihenda imanya ke nyi Inyi Mndumii-Ruwa, ngairia oshu loko luwuke kiṟandenyi, manya lochiwa iwihiṟia kiṟandenyi sepfo.

ZEKARIA 1:6

Indi madedo hako na mawawaso hako njilewawasia waikimbi, waṟundi wako, ngesa, wandeanu walehawona? Wakawuya ihaluka wehamba, chando Mndumii menyi matorito aweteseheṟie iluwutya, chando kiwewaṟi mawuto hadu, na wudo alewewuta kirianyi na mawuto hadu.

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

LUKA 21:33

Ruwehu na oruka nyi shechikaa shimande, kyaindi madedo hako hechimandapfo.”

YOSHUA 23:15

Kyaindi wulalu ambuyenyi, Mndumii-Ruwa ichu ai Ruwa onu, chandu aleawutsia shiasa sha shindo shicha alemuwutia nyi na wudo echeidima imuendie shindo shiwicho na imukapa muwuke kunu orukenyi lui lucha alemuinenga.

WACHILI 4:24

Waisraeli wakaengeṟa iwingia Yabini mangi o Wakaanani mṟasa wakamrumatsa.

1SAMWELI 4:11

Isanduku lya mma lya Ruwa lilewado, na wanake walya wawi wa Eli, Hofni na Finehasi wakawooho.

1SAMWELI 4:17

Mndu ulya aleende mbonyi kahamba, “Waisraeli wadicha Wafilisti. Kukaapfo wuwaahi wung'anyi ko Waisraeli. Ngoseṟa ya isho shose, wana wapfo wawawi Hofni na Finehasi wawoho, na isanduku lya mma lya Ruwa lyadao.”

1SAMWELI 4:21

Nao kadumbuya mana ulya oke rina nyi Ikabodi, cha ili ohamba, “Kiṟumi kya Ruwa kyawuka ko Waisraeli.” Kyehamba ke isanduku lya mma lya Ruwa lyamewado na kingise ndamii oke na mii oke, wose walepfa.

1SAMWELI 4:22

Khamba, “Kiṟumi kya Ruwa kyamewuto ko Waisraeli kipfa isanduku lya mma lya Mndumii-Ruwa lilewado.”