1SAMWELI 28:9 - Bibilia Kui Mdedie fo Kimochi

⁹ Mndumka ulya kambia, “Iyo noichi kya lohi ke mangi Sauli nalekombetsa na kamu walasha na wahanga wose wa orukenyi lo Waisraeli. Wulalu nki ilyi onjiwikia mdeho fonjiwada na injiwaaha?”

1SAMWELI 28:9 Iomraidhean Croise

2SAMWELI 18:13

Ma kokoya ngatuaṟa mangi ngawaha manacho oke o Absalomu, nyo muwechiwa wa kuwooka injihaluka na iwia mangi. (Kuwode kindo kyose odima iṟika mangi nalamanyepfo.)

2WAMANGI 5:7

Mangi o Israeli kekisoma paruo iya, karanduo maṟao hake kahamba, “Ngesa inyi nyi Ruwa, njiwahe na iṟutsa, itane mndu chu nanjidikie mndu njimchiṟe saka yake? Manyenyi ng'u muwone mnduchu nakundi iloyana na inyi.”

WALEWI 19:31

“Mulahendie walashi wa waṟumu manya wasawi kundu muwaterewe wamulashie na kudo mkakuteṟefutsa. Inyi nyio Ruwa Menyipfinya, Ruwa onu kundu nomwindie; na iyo noadapfume Ruwa opfo. Inyi nyio Ruwa Menyipfinya.

1SAMWELI 28:10

Sauli kamliia nyamu kuirina lya Mndumii-Ruwa kechihamba, “So Mndumii-Ruwachu menyi moo, ochiwona ngapo yose yechikuhoya kipfa kya ikipfo.”

1SAMWELI 28:3

Kiherikyo Samweli awemepfa, na Waisraeli wose wawememaa imṟika na imkapia kilio kulya mṟinyi foke fo Rama. Sauli nawefunyie walasha na wasawi wawuke kulya orukenyi.