1SAMWELI 24:11 - Bibilia Kui Mdedie fo Kimochi

¹¹ Ambuya, wande oko, ailyi ikechuli lya nguo yapfo mawokonyi hako; kui idumbuo ikyechu lya ṟao lyapfo njilakikuwaahe, nochiidima imanya wulalu ke kya lohi inyi chi mndu mmbicho manya mbahipfo. Inyi njilemekuwutie wunyamaṟipfo manya chando uinjiṟinjawia.

1SAMWELI 24:11 Iomraidhean Croise

2SAMWELI 1:14

Kyasia Dawidi kammbesa, “Nyiku uwutie ukari wowaha Mangi chu amsambuṟe na ishumbuyo nyi Ruwa?”

2WAMANGI 5:13

Waṟundi wake wakamsembelia, wakambia, wechihamba, “Ndeako, kokoya mwikimbi ulya awechikuwia uwute kindo king'anyi uwechiwuta?” Ngesa chi ngoseṟa kechikuwia, “Henda samba uheṟemke?”

YOBU 10:16

Kokoya ngairia mdo fu foko nuinjilasa cha mwiso na injipoṟipotsa na mbonyi tsapfo tsa ṟiho.

SHIIMBO SHA DAWIDI 119:161

Wanene walenjipfulutsa kya wulya, indi mrima foko fuowoe madedo hapfo.

SHIIMBO SHA DAWIDI 140:11

Moiria wongo echiwikio owanzo orukenyipfo, Mndu o wutimbiri, wuwicho wokemṟinjawia imkombetsa.

SHIIMBO SHA DAWIDI 35:7

Kyamba wanjiṟikie mshihodi ndawode kitewe, Wakasumia moo foko ndawode kitewe.

SHIIMBO SHA DAWIDI 59:3

Kipfa wakeri iṟinjawia moo foko; wenyi pfinya wakusanza kipfa kyako; hoi Mndumii, chiideko lyako-pfo, manya chi tewe lyakopfo.

SHIIMBO SHA DAWIDI 7:5

Nahong'u mkituwa nanjioshe, Na iwada mrima foko, Ee da, nachume moo foko, Nawelaṟa kiṟumi kyako kilulinyi.

MFANANO 15:1

Ihaluo ko osaṟe koilacha nyashi, Indi idedo lyewawiṟa lyekeengeṟa nyashi.

SHILIO 4:18

Wakituwa wadu wakaluosha, lulakiidimese manya iida njienyi, nalyo lukawona ke mfiri yadu nyi yasia na mtsitsionyi fodu nyi foshika.

EZEKIELI 13:18

Wawie Mndumii-Ruwa nyi ahamba adi kyanu; ochia nyi lonu nyo waka muṟee mbingu mawokonyi hanu na shidami sha usawi mdonyi yanu, kundu muwade pfinya huya ya moo ya wandu wako muwade pfinya ya opfu na moo huya ya wandu wako kundu musuṟie nyo muwenyi.

MIKA 7:2

Kuwode msa aowoye Ruwa aledeo orukenyi-pfo; kuwode mndu mhoṟotsu kiidi kya wandupfo. Orio umu nalaaya ipusuo samu, manya kuwode umu mhoṟotsu kiidi kya wandupfo.

YOHANE 15:25

Kya indi kilehendaka kido kundu idedo lilya liinukye-ho lilya lii-ṟehye ipfo wuwawasonyi wowo lyehamba, ‘Walenjisuo isuo lilawode tewe.’”

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 18:27

Dawidi na wandu wake wakahenda wakawaaha Wafilisti mahana hawi wakaduo shichong'u sha odino lowo ko mangi Sauli. Naho wakaitalia mangi shichong'u, Sauli kaalikia Dawidi mana oke o kika nyio Mikali nawe mka o Dawidi.

1SAMWELI 23:14

Kyasia, Dawidi kakaa mwowionyi nuka orukenyi lo mafumvu ha Zifu. Sauli kambalia orio mkonu, kyaindi Ruwa nalambike mawokonyi ha Sauli.

1SAMWELI 23:23

Wesenyi orio handu mumanye handu ekeowa, numa munjiendie mbonyi tsa lohi. Numa njechihenda hamu nanyo na kokoya na hondo ai kyasia njechimṟinjawia kiidi kya shiku sha wandu wose wa Yudaya.”

1SAMWELI 25:28

Ngakuterewa nonjihooṟie inyi mṟundi opfo ko ikyo kyose ngamekudekio. Mndumii-Ruwa nechikuwiika mangi nakuinenge wandu ngohoda wa mba yapfo, kipfa na iyo mndumii oko noikapana shida ya Mndumii-Ruwa. Na kiidi kya ohendo lo moo fopfo fose kulahoyo nyi ndenga yose.

1SAMWELI 26:18

Kaengeṟa ihamba, “Kyaindi nki ilyi iyo mndumii oko uinjiṟinjawia inyi mṟundi opfo? Nki ki njilewuta? Nyi wuwicho wuki njilekuwutia?

1SAMWELI 26:20

Kulanjide njipfiiye orukenyi lo wuhenunyi, kuleshe na Mndumii-Ruwa. Nki ilyi iyo mangi ya Waisraeli kulekure icha itengetia moo foko (njimtutu cha sawa) cha mndu ailasa makura.”

1SAMWELI 26:23

Mndumii-Ruwa nekeringa orio mndu kui woloru na wuhendeli woke. Inu Mndumii-Ruwa nakuwika mawokonyi hako, kyaindi inyi ngahoṟuo owoko loko njikuwutie kindo kiwichopfo; kyamba iyo nolesambuṟo nyi Mndumii-Ruwa kakushimbuo.