1SAMWELI 22:2 - Bibilia Kui Mdedie fo Kimochi

² Wandu wose wawewawingie ang'u wawewode masile ang'u walawei wachihie walehenda ikusanza na Dawidi. Itala lyawo liwe, cha wandu mahana haana, nao Dawidi kawa msongoru owo.

1SAMWELI 22:2 Iomraidhean Croise

2SAMWELI 17:8

Ngoseṟa ya ikyo, iyo noichi ndeo Dawidi na waskari wake, waichi ikapana shida mnu, na wulalu wawode nyashi ing'anyi cha ngaṟe yasoko shiwana shayo. Na Dawidi nyi mskari mṟango, aichiwie shida, ochimkoya alee kio ki handu hamu na waskari wakepfo.

2SAMWELI 5:2

Kiheri kilya Sauli awei Mangi yadu, na iyo kowa msongoru odu shidenyi, Ruwa nalekuwikia kyasa ke nechikuwika nowe msongoru na Mangi o Israeli yose.”

2WAMANGI 20:5

“Wulalu wuya uwie Hezekia mnene o wandu wa Mndumii-Ruwa; Inyi Mndumii-Ruwa, Ruwa o sahuyapfo Dawidi, ngaicho kiterewo kyapfo ngawewona na mchenyeṟe yapfo. Njechikuchiṟa na numa ya mfiri iṟaṟu nochihenda mbenyi ya Mndumii-Ruwa.

2WAMANGI 4:1

Kyasia mndu mka umu kiidi kya waka wa wana wa Waikimbi kacha ifihiṟia Elisha kahamba, “Mṟundi opfo mii oko nalepfa, na iyo noweichi ke mṟundi opfo naweindie Mndumii, mosile oke nacha naduo wana wako wawi masinga kipfa ndawode ketaa sile iya.”

MFANANO 31:6

Inenga wunanzi ulya ai kufui na ideka; Inenga mvinyo ulya aiwawio mrima.

MATAYO 11:12

Kiwokia mafiri halya ha Yohane Mpatisi koshika wulalu wumangi wo ruvehu nyi wokewado na pfinya, na waafinya nyiwo wewurakwo-ho.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

WAEBRANIA 2:10

Kyamba ichu awikye shose shiwe shake awewikye shose kui pfinya yake nyio kiwemsumhanye ili arie iduo wana wafoi wuitoṟinyi naitse msongoru o okiio lowo kiawutsyonyi kui mawawyo.

WACHILI 11:3

Kyasia, Yeftha kadicha wanawamae kahenda ikukaya orukenyi lo Tobu. Wandu walawode wuṟango wakakusanza nao wakaoshana nao kiidi kya shaaṟo shake sha ngapano.

WACHILI 18:25

Wandu wa oshari lo Dani wakambia, “Nanga oda kifahiyo kyapfo, koda ulatsia, wandu wadu wengi wechikusaṟikia wawode nyashi, na iyo nochidetsa moo fopfo na wandu wapfo.”

1SAMWELI 1:10

Hana nawewodo nyi fowa ing'anyi mnu nakamu. Na kiheri awe iterewa Mndumii-Ruwa kafihiṟa na isungulula.

1SAMWELI 22:3

Kuwukapfo, Dawidi nalehenda kashika Mispa orukenyi lo Moabu. Kawia mangi ya Wamoabu, “Ngakuterewa, wande oko na wama oko wakae iya kopfo mtano ngamanya ke Ruwa nakundi injiwutia kiki.”

1SAMWELI 23:13

Naho, Dawidi na wandu wake waweshikie cha mahana haṟandaru, wakakure wakahenda ipfo na ipfo chandu walekuidimia. Kiheri Sauli aleicho ke Dawidi amedicha awuka Keila kada ikuṟeheṟa lilya lyake lyose.

1SAMWELI 25:13

Naho Dawidi kawia wandu wake, “Orio mndu naṟae oshu loke kitsinyi.” Orio mndu kaṟaa oshu loke, nao Dawidi kaweṟaa oshu loke daa; wandu washikie mahana haana wakaoshana na Dawidi na wande mahana hawi wakakaa na nzohoṟa tsawo.

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.

1SAMWELI 9:16

“Ngama kiheri cha iki, njechikuendie mndu kuwuka kishari kya Benyameni, na iyo nochimshia mafuda nawe msongoru o wandu wako Waisraeli. O nechiashuo wandu wako kuwuka ko Wafilisti, cha kipfa ngamewona matuuro ha wandu wako na kieṟeṟo kyawo kyamenjishikia.”