1SAMWELI 2:8 - Bibilia Kui Mdedie fo Kimochi

⁸ Nekeiria wakiwa kuwuka kilulyinyi, nekeiria wawuṟie kuwuka mafunyi, kawadamiṟa handu hamu na wanene, na iwainenga kioṟa shidinyi sha kiṟumi. Kyamba ngo tsawuyana nyi Mndumii-Ruwa; o naleilika wuyana huya ngo tsake.

1SAMWELI 2:8 Iomraidhean Croise

MAWOOKIONYI 41:14

Nlyondi Farao aleduma wandu, kalaha Yosefu wakamwende faṟa kuwuka kipfungonyi. Yosefu kamaa ioda, kailacha nguo tsake, na iida na ko Farao.

MAWOOKIONYI 41:40

Kyasia iyo nochiwa mokalia oruka loko, na kui idedo lyapfo wandu wako wechichilio. Nyi loṟikehu lo wuitoṟi tupu njechiwa mnene kota iyo.”

2SAMWELI 7:8

Wia Dawidi mṟundi oko ke inyi Ruwa o Ruwehu njilemuuta wulisinyi wo machondi kulya patenyi kundu nawe msongoru o wandu wako wa Israeli.

1WAMANGI 16:2

“Kipfa inyi njilekuira njikuwuta kilulinyi, ngakuwika uwe mnene o wandu wako Israeli, na iyo koosha njia tsa Yeroboamu, kotewa wandu wako Israeli wakanyamaṟa wakanjidosa nyashi kui madeko hawo;

2WAMANGI 9:6

Kahoṟoka nawo wawawi wakaida na mba, mwikimbi ulya kamletsia mafuda halya mdohu foke, kambia, “Mndumii-Ruwa o Israeli nahamba adi, ‘Ngakuletsia mafuda uwe mangi huya wandu wa Mndumii nawo nyi Israeli.

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

YOBU 2:8

Katana awada kyoko kakusuwa nakyo; kadamia ifunyi.

SHIIMBO SHA DAWIDI 102:25

Ilyi mbooko kulewika otende lo oruka, na ruwehu nyi iṟunda lya mawoko hapfo.

SHIIMBO SHA DAWIDI 104:5

Kulewika wuyana huye ya otende lolo, wulasingide mlungana.

SHIIMBO SHA DAWIDI 107:41

Kawika ulya awuṟie haleshe na matuuro, kambikia kishari cha ipo lya machondi.

SHIIMBO SHA DAWIDI 24:2

Kyamba nyio awikie otende loke huya ipalyipalyi, Kaweluwika huye ya meda ya mṟinga.

SHIIMBO SHA DAWIDI 75:3

Ma kokoya wandu wose wai wuyanenyi wakapa kitohiyo, Inyi njimonyi ngahoṟotsa ngo tsake.”

SHIIMBO SHA DAWIDI 75:4

Njilewia walekushela, “Mulakushele;” Wandu walai na wulohi, “Mulairie membe tsanu huye.”

SHIIMBO SHA DAWIDI 75:7

Kyaindi Ruwa nyio moanduo; nyekesotsa ichu na idosa ichu.

KOHELETI 4:14

Kipfa kuiwuka kipfungonyi nalecha ichilia; ee da! Ma kiidi kya wumangi woke wokia ifeo lyake nawei mkiwa.

YESAYA 22:23

Na inyi njechimiikara nawange; nao nechiwa loṟika lo kiṟumi kya mba ya ndeye.

DANIELI 2:48

Kyasia mangi kaṟumisha mnu Danieli, kamneenga shindo sha nnga shifoi, kamhaluo msongoru o wachili wose wa Babeli, kawewa na mchili o waṟango wose wa Babeli.

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 6:3

Kyasia Danieli kakundika kota wasongoru walya wengi, kipfa mumuyo fo Ruwa fuwei nao, kikatewa Mangi kambika huya wumangi woke wose.

WAEBRANIA 1:3

Nyio ngela ya wuitoṟi woke na otambahalukio lo orie loke akamadie shose kui dedo lya pfinya yake; ili alemaa iwikaho kidaso kyeoloṟa mondu fo manyamaṟo kakudamiṟa owokonyi lo kulyo lo mng'ano ipfo huye.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

OTAMBAHALUO LO YOHANE 1:6

Kalutana so wumangi wo wukohanyi luṟundie Ruwa Ndee. Wutoṟi nyi wo Yesu Kristo na wukolonyi wo mlungana. Amenyi.

OTAMBAHALUO LO YOHANE 22:5

Na kio kyechikaaseho-pfo, walawuṟie ilimikyo nyi taa ang'u sa ma nyi mnengeṟi, kyamba nyi Mndumii-Ruwa echiwalimikia, nawo wechiitoṟya-ho maheri hose halanganyi.

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.

OTAMBAHALUO LO YOHANE 5:10

Kowewatana wawe wumangi na wukohanyi. Wechiṟundia Ruwa odu. Nawo wechiikolonya wanda ii.”

1SAMWELI 15:17

Samweli kambia, “Manya chandu ukuwonyi ke iyo chi mndu uwode kiṟumipfo, ngesa iyo ui msongoru o shishari sha Waisraeli Mndumii-Ruwa nalekushimbuo na mafuda nowe mangi ya Waisraeli.