1SAMWELI 2:7 - Bibilia Kui Mdedie fo Kimochi

⁷ Mndumii-Ruwa neketana maata wawe wakiwa, na maata wawe wasuṟi. Wengi nekewa sotsa na wengi kawadosa.

1SAMWELI 2:7 Iomraidhean Croise

2WAMANGI 9:6

Kahoṟoka nawo wawawi wakaida na mba, mwikimbi ulya kamletsia mafuda halya mdohu foke, kambia, “Mndumii-Ruwa o Israeli nahamba adi, ‘Ngakuletsia mafuda uwe mangi huya wandu wa Mndumii nawo nyi Israeli.

1MBONYI TSA MAHERI 29:12

Wusuṟi na kiṟumi shekewuka kopfo, na iyo nyi ui mangi huya shindo shose; na mawokonyi hapfo kuwode pfinya na mng'ano fose.

2MBONYI TSA MAHERI 32:27

Mangi Hezekia nalewada wusuṟi wung'anyi mnu, kainengo kiṟumi. Nalesungusia kikumbi kitumuhari kewika-pfo fesa, na sahabu, na maho ha wuhuru, na shiwungo shepfama, ngawo, na mbaṟi tsose tsa shihia sha wuhuru wung'anyi.

2MBONYI TSA MAHERI 32:29

Nawudo alewesungusia mṟi ifoi kipfa kyake o amonyi, na mapo hake ha mbe, na machondi kipfa kya ili Mndumii-Ruwa alemsumba nyi masaa hafoi.

YOBU 1:21

Kahamba, “Njilewuka wusunyi wo wama njii kitaṟe, na wudo njechiwuka wuyana njii kitaṟe, na Mndumii-Ruwa nalenjiinenga na Mndumii-Ruwa naweduo, rina lya Mndumii-Ruwa liṟumisho.”

YOBU 40:12

Ambuya orio mndu o orikiki umsotse uchume wawicho handu wahoṟoki.

YOBU 5:11

Nekeiria huye walya wafafa, na wekapa kilio wakawona olele.

SHIIMBO SHA DAWIDI 102:10

Kipfa kya tuke yapfo na nyashi yapfo; kyamba kulenjiira na injikumba kuleshe.

SHIIMBO SHA DAWIDI 75:7

Kyaindi Ruwa nyio moanduo; nyekesotsa ichu na idosa ichu.

SHIIMBO SHA DAWIDI 75:8

Kipfa owokonyi ko Mndumii kuwode kirahu, na mvinyo fo nyashi yake fudosa mawia; fuichuo msanzo, nao naifupusuo. Walya wekewuta kilei wa wuyana, wechitsionga na inyo.

MFANANO 22:2

Msuṟi na mkiwa wekekooyana kimu; Mndumii nyio alewaumba wose wawawi.

YESAYA 2:12

Kipfa kechiwa mkonu fo Mndumii menyi Matorito, huye ya wandu wose wenyi orikiki na ikushela, na huya wose wakuirie; shose shechiolotso wanda.

YEREMIA 49:15

Inyi Mndumii-Ruwa njechikuhaluo iyo Edomu, uwe mtutu kota mkambo yose. Wuyana wose wochikumina.

EZEKIELI 17:24

Nalyong'u mashidi hose ha oruka hahende iwutaho imanya ke inyi Mndumii njekefuiṟa mashidi sa maleshe, ngaweiriya huye mashidi sa mafui, lya ngoseṟa ngaweumiṟa mashidi mawishi, na halya maumu ngawehawishiṟa, nyi inyi Mndumi ngahamba njido.”

YAKOBO 4:10

Kunyiṟyenyi Mndumii nao echimwira.