1SAMWELI 2:36 - Bibilia Kui Mdedie fo Kimochi

³⁶ Icho oose echitsuhaa kiidi kya wa mba yapfo nechihendia mkohanyicho, na imterewa pesa ang'u kipeṟengu kya mkate, na immbia, ‘Ngakuterewa kyekunjiwikie handu kuwode maanya fose fo wukohanyi, kundu kulako njechikuwonyiaho kipeṟengu kya mkate.’”

1SAMWELI 2:36 Iomraidhean Croise

1WAMANGI 2:27

Ko ikyo Solomoni kasoka Abiathari wukohanyi wo Mndumii kundu nainutsie idedo lya Mndumii, alededa kyamba ya Elia kiidi kya Shilo.

2WAMANGI 23:9

Wakohanyi wo wawewainenge momu foshika rasio lya Mndumii-Ruwa kiidi kya Yerusalemu pfo kyaindi walelya mkate ilanjitarang'ashe waleinengo nyi wana wa mayawo.

MFANANO 14:19

Wawicho wechipfira ndi oshangunyi lo wucha, Na walai na wusumhanyi kichuminyi kya wasumhanyi.

MALAKI 1:13

Kake, mokehamba, ‘Ambuya chando mbonyi ii chando yalulisa wukiwa,’ Nyo mkanjipiṟa, Mndumii Menyi Matoṟito ahamba, ‘Kipfa mokeende kindo kilewoneka kui wukika, ke mwaano yanu, ngesa njishiambie mawokonyi hanu?’ Mndumii awesa.

WACHILI 17:10

Mika kambia, “Kaa kimu nainyi uwe cha wande na mkohanyi oko. Njechikutaa fesa (10) orio maka na maṟao na shindo shingi uhuṟi.”

1SAMWELI 2:35

Numa njechiamtsa mkohanyi ungi mhendeli sa echiwuta shilya shii mrimenyi na wuṟangonyi woko. Njechimmbiia kishari kitumhari; nao nechiṟunda kiheri kyose oshangunyi lo mangi yako.’

1SAMWELI 3:1

Kiherikyo, mandi manake ulya Samweli kyechiṟundia Mndumii-Ruwa kechihoṟokio nyi Eli, ndumi ilecha iwuka ko Mndumii-Ruwa iwei ntutu; manya mawonesio hawukie ko Mndumii-Ruwa hawei maangu.