1SAMWELI 2:35 - Bibilia Kui Mdedie fo Kimochi

³⁵ Numa njechiamtsa mkohanyi ungi mhendeli sa echiwuta shilya shii mrimenyi na wuṟangonyi woko. Njechimmbiia kishari kitumhari; nao nechiṟunda kiheri kyose oshangunyi lo mangi yako.’

1SAMWELI 2:35 Iomraidhean Croise

2SAMWELI 7:11

Wokia kiheri kilya njilewika wachili huya wandu wako Israeli, njechimuringa na wakituwa wanu wose. Na ngoseṟa ya shose, inyi Mndumii-Ruwa ngakuwikia kyasa ke njechikuwikia mba.

2SAMWELI 7:27

Cha kipfa kya iyo Mndumii-Ruwa, menyi matorito, Ruwa o Israeli, nulenjiloṟa inyi mṟundi opfo, na injiwia oshari loko lochichilia mlungana, ngawona ukari woende kiterewo ki oshangunyi lopfo.

1WAMANGI 1:45

Kyasia Sadoki mkohanyi, na Nathani mwikimbi, wakamshimbuo na mafuda ipfo Gihoni kundu nawe Mangi. Nawo wakawukapfo wai wachihiye, mṟasa mṟifu fukadihina. Nkyo kifahiyo kilya mulekiicho.

1WAMANGI 1:8

Kyaindi Sadoki, mkohanyi, na Benaya, mana o Yehoyada, na Nathani mwikimbi, na Shimei, na Rei, na wambahanyi wa Dawidi iwo wose wawei kimu na Adonyia pfo.

1WAMANGI 11:38

Na kechiwa, koadanyia shose njechikuwawasa, na ihenda kiidi kya njia tsako na iwuta shishicha oshangunyi loko, kundu nowade mawawaso hako na mwanduye ya Dawidi mṟundi oko chandu alewuta, kyasia, njechiwa hamu na iyo, njechiwanza mba yapfo, chandu njilewikia Dawidi na njechikuinenga Israeli.

1WAMANGI 2:35

Mangi kawika Benaya mana o Yehoyada, handu ha Yoabu nahoṟokie ichekeṟo lya shida, na Sadoki, mkohanyi, kawa handu ho Abiathari.

1MBONYI TSA MAHERI 29:22

Wandu walya wakachihiyo mnu, wakalya na inyo oshangunyi lo Mndumii-Ruwa. Mkonu na fulya, wakaṟika Solomoni mana o Dawidi, oṟo ya wumangi lya kawi, na impusia mafuda mdonyi oshangunyi lo Mndumii-Ruwa, nawe mangi yawo. Wakawepusia Sadoki mafuda nawe mkohanyi owo.

SHIIMBO SHA DAWIDI 18:50

Na inenga Mangi yake okiṟo lung'anyi, Kawutia mecha mshimbuo oke; Dawidi na kishari kyake mlungana.

SHIIMBO SHA DAWIDI 2:2

Wamangi wa wuyana waikuteseheṟa, Na wanene wawada chila handu hamu, kipfa kya Mndumii, na Mesia oke

IWUKA 1:21

Nyi kipfa kya ili walya weende wana wawewode wuindi ko Ruwa, Ruwa kawasumba oshari lung'anyi.

EZEKIELI 34:23

Ambuya njikeri iwawikia mlisi umu huye yawo, mangi ai cha mṟundi oko Dawidi. Ichu nyi echiwalisa, nawewa mlisi owo.

MAITALA 25:13

Ngateṟiana nao ke o na luwa lyake wechiwa wakohanyi mlungana kipfa nalewado nyi wunyenyi kipfa kyako inyi, Ruwa oke, kawikia Waisraeli kisanza.”

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

1SAMWELI 10:10

Sauli na mṟundi oke wekishika Gibea (Fumvuhu) kaambio nyi mamiingi fo waikimbi. Mumuyo fo Ruwa fukamchea kui pfinya, Sauli kawooka ihamba kisuku handu hamu nawo.

1SAMWELI 10:9

Sauli kaembeṟuka nalekane na Samweli Ruwa kailacha mrima fo Sauli. Shilya shose alewio nyi Samweli shikahoya mkonufo.

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 16:13

Samweli kaira ombe loke luwode mafuda; kaletsia Dawidi mafuda oshangunyi lo wana wa mae. Oweṟe mumuyo fo Mndumii-Ruwa fukasokia Dawidi na pfinya ing'anyi, fukamkaya wokia mkonufo na mkonu ingi. Kiidima Samweli kawuya na mṟinyi fo Rama.

1SAMWELI 2:36

Icho oose echitsuhaa kiidi kya wa mba yapfo nechihendia mkohanyicho, na imterewa pesa ang'u kipeṟengu kya mkate, na immbia, ‘Ngakuterewa kyekunjiwikie handu kuwode maanya fose fo wukohanyi, kundu kulako njechikuwonyiaho kipeṟengu kya mkate.’”

1SAMWELI 25:28

Ngakuterewa nonjihooṟie inyi mṟundi opfo ko ikyo kyose ngamekudekio. Mndumii-Ruwa nechikuwiika mangi nakuinenge wandu ngohoda wa mba yapfo, kipfa na iyo mndumii oko noikapana shida ya Mndumii-Ruwa. Na kiidi kya ohendo lo moo fopfo fose kulahoyo nyi ndenga yose.

1SAMWELI 3:1

Kiherikyo, mandi manake ulya Samweli kyechiṟundia Mndumii-Ruwa kechihoṟokio nyi Eli, ndumi ilecha iwuka ko Mndumii-Ruwa iwei ntutu; manya mawonesio hawukie ko Mndumii-Ruwa hawei maangu.

1SAMWELI 7:9

Nahong'u Samweli kaira kichoondi kionga kainenga Mndumii-Ruwa kui kidaso kyekoṟa modonyi kyose. Naho Samweli katerewa Mndumii-Ruwa kipfa kya Waisraeli nao kaṟohuo kiterewo kyo kyake.

1SAMWELI 8:3

Kyaindi wanawo waleosha mchumie fo ndeawopfo. Indi walewooka ikushihia kiira. Walewoka iambia kitsutsumo wakapfuluo kiilohi.

1SAMWELI 9:12

Wanawo wa kika wakawawia, “Ee mpfo kundu ai, namusongoye; mukachumia owinyi mochimkoya. Nyi inu acha na kunu mṟinyi, cha kipfa inu wandu waihenda iwika kidaso kulya fumvuhu.

1SAMWELI 9:13

Oweṟe ili mochiida na mṟinyi, mochimkoya alamedo na rasionyi kulyo fumvuhu ilya kelya; kyamba wandu wechilya shelyapfo mṟasa o nawikie ona kidasokyo; numa walya wai walahe walye. Koikyo chumienyi owinyi oweṟe mochikoyana nao.”