1SAMWELI 19:5 - Bibilia Kui Mdedie fo Kimochi

⁵ Nalereka moo foke kiheri alehenda iwaaha Mfilisti ulya Goliati, nao Mndumii-Ruwa kainenga Waisraeli wuwinzi wung'anyi. Ilyi iyo kulewona kudo nulechihiyo. Nki ili ukundi iwuta wunyamaṟi; ipusuo samu ko iwaha Dawidi alawode kitewe?”

1SAMWELI 19:5 Iomraidhean Croise

2SAMWELI 23:10

Nalekapana na Wafilisti walya kechiwawaha mṟasa owoko loke lukalehela lulaidime se iwada ipfumu, na Ruwa kamtarama kamnenga wuwinzi. Waisraeli walya wawedichie walewuya shida yamsia icha isanyia nzohoṟa tsa Wafilisti walya walewoho.

1MBONYI TSA MAHERI 11:14

kyaindi Mangi Dawidi na wandu wake wakakuilika kiidi kya dema lilya walakidiche, wakakapana na Wafilisti walya na iwawinga king'anyi kipfa Mndumii-Ruwa nawekeri nawo.

1MBONYI TSA MAHERI 11:18

Kyasia Ngohoda tsilya tsa Dawidi, tsikaida kopfinya kiidi kya machekeṟo halya ha Wafilisti, wakadahia mṟinga kulya kiwahenyi kilya kiwekeri kufui na mongo fo Bethlehemu, wakaendie Dawidi nanyo; kyaindi Dawidi kaleha inyo mṟinga fulya, kafupusia wanda cha kidaso ko Mndumii-Ruwa;

SHIIMBO SHA DAWIDI 109:5

Walenjitaa mawicho handu ha mecha, na isuo handu ha ikunda lyako.

SHIIMBO SHA DAWIDI 119:109

Mrima foko fui mawokonyi hako kiheri kyose, kyaindi iwawaso lyapfo njilelihadimapfo.

SHIIMBO SHA DAWIDI 25:3

Ee da Iwo wekuwedia wechisonu manya umu pfo, wesonu walya wewuta sha mkika kulawode kitewe.

SHIIMBO SHA DAWIDI 69:4

Iwo wanjisuo wulya nyi wafoi, kota njui tsa mdo foko. Iwo wakundi injiarisia kuleshe wawada pfinya, manya inyi njiletaa sile kuipfinya, ko shindo ndawedaaye.

SHIIMBO SHA DAWIDI 94:21

Kekeṟinjawia mrima fo mndu o wusumhanyi, na ianduya samu ilawode mti.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

YEREMIA 26:15

Kyaindi manyenyi ke mukanjiwaha mokuendie huye yanu samu ilawode mti, yechiwa huye yanu na huya mṟi fu na huye ya wandu wapfo. Kipfa nyi lohi Mndumii alenjiduma konu, iwawia shose muleshiicho.”

MATAYO 27:24

Kyasia ili Pilato alewona alaidima iwuta-ho kindo na kitohyo kya wandu nyi ihenda keng'ana mnu kii, nao kahamba, “Inyi njii mharami na samu ya mndu-chu o wusumuhanyi. Ambuyenyi kyanu nyo!”

MATAYO 27:4

Kahamba, “Ngamnyamaṟa lyandi njiledambika-ho samu ilai na mti.” Nawo wakahamba, “Nyi kii-se kida naso? Ambuya iyo kumonyi.”

YOHANE 15:25

Kya indi kilehendaka kido kundu idedo lilya liinukye-ho lilya lii-ṟehye ipfo wuwawasonyi wowo lyehamba, ‘Walenjisuo isuo lilawode tewe.’”

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

WAFILIPI 2:30

Cha kipfa nyi alekoyana na opfu echipfuṟukanya Kristo kakumba moo kundu naengeṟye-ho kilya kilewuṟika-se ipfo maikanyenyi mulenjiikanya naho.

WAEBRANIA 2:3

Nyi wuda lochituruchukia-ho so ili loilaala okiio lung'anyi ludi? Nalo kimaenyi kyalo nyi ipfo kundo luleongoyo nyi Mndumii lukaweluwanzio so nyi walya walemwicho.

WACHILI 12:3

Njekiwona mokunda icha pfo, ngahenda, njiwodo nyi madima, ikapana na Waamoni, nao Mndumii-Ruwa kawawika mawokonyi hako. Kitewe nki wulalu mocha ikapana na inyi?”

WACHILI 9:17

Kake, ndeako nyi alereka moo foke kechimukapanyia na iwakiṟa muwuke ko Wamidiani!

1SAMWELI 11:13

Kyaindi Sauli kawawia, “Kuwode mndu oose echiwooho inupfo, kyamba mkonufu fo inu, Mndumii-Ruwa ameashuo Waisraeli.”

1SAMWELI 14:45

Kyaindi wandu wakawia Sauli, “Nki ili Yonathani echiwooho mndu aleendie Waisraeli wuwinziwu wung'anyi wudi Kindoki kiide kuleshe. So Mndumii-Ruwachu menyi moo, manya ochui lumu lo mdonyi foke lochiho wandapfo. Iki awuta inu, nawuta kechitaramo nyi Mndumii-Ruwa.” Koikyo wandu wakaashuo Yonathani nao nalawooho.

1SAMWELI 19:6

Sauli naleadanyia Yonathani, numa kalya nyamu, “So Mndumii-Ruwachu menyi moo, njechiwaha Dawidi-pfo.”

1SAMWELI 20:32

Yonathani kammbesa, “Nki ili echiwooho? Nkiki awutie?”

1SAMWELI 22:14

Ahimeleki kamhaluo, “Kiidi kya waṟundi wapfo, Dawidi nyio amanyikie kota wengi wose. O nyi mii o mana opfo iyo kumonyi mangi, msongoru oichekeṟo lyapfo lyekekuringa nao namanyikie kota iwo wose wa kanyi kopfo.

1SAMWELI 28:21

Naho mndumka ulya kahendia Sauli, nao kekiwona ke Sauli nawado mnu nyi wuowu, nalemmbia, “Inyi mṟundi opfo ngareka moo foko kipfa ngawuta chandu kulenjiwia njikuwutie.