1SAMWELI 18:5 - Bibilia Kui Mdedie fo Kimochi

⁵ Handu hose Dawidi aledumo nyi Sauli, Dawidi nalehuyo. Ko ikyo, Sauli kammbika nawe mnene o ichekeṟo lyake. Kindo-kyo kilechihiṟa wandu wose, na waṟundi wose wa Sauli-da.

1SAMWELI 18:5 Iomraidhean Croise

MAWOOKIONYI 39:23

Manya mnene o wapfungo aleambuya kii owokonyi lo Yosefupfo; kyamba Mndumii-Ruwa nawei hamu nao na ionyisha shose Yosefu alewuta.

2SAMWELI 5:10

Kyasia, wunene wo Dawidi wukaengeṟeka ing'ana kipfa ili Mndumii awekeri nao.

2SAMWELI 5:2

Kiheri kilya Sauli awei Mangi yadu, na iyo kowa msongoru odu shidenyi, Ruwa nalekuwikia kyasa ke nechikuwika nowe msongoru na Mangi o Israeli yose.”

2MBONYI TSA MAHERI 17:3

Mndumii-Ruwa nawekeri na Yehoshafati na imbikia mboṟa kipfa kya ili awekeri ichumia mchumie fulya fokuwooka sa ndeye awekechumia, ma aleindia Baali-pfo.

SHIIMBO SHA DAWIDI 1:3

Nyechifanana na ikidi lilidonge Mbai ya soka tsa mṟinga, Lyekekumbia ndunda kui kiheri kyalyo, Maṟa halyo hechinaa malepfo; Orio kindo echikitana nyi kechiawukya.

SHIIMBO SHA DAWIDI 101:2

Njechiambuya njia ya wuhoṟotsu; nyi indi ochicha na koko? Njechichumia kui wuhoṟotsu wo mrima; kiidi kya mba yako.

MATAYO 10:16

“Ambuyenyi inyi njiimduma cha machondi hai kiidi kya makite ha ngeṟenyi Kyasia-ng'u kekaenyiho mui na wuṟango cha njoka mlai na mtambo mui cha mbeta.

MAWUTO HA WASU 7:10

kambuta mawukiwenyi hake hose kamkundishya Farao ulya mangi ya Misiri kechimsumba wuṟango. Nao kambika mokalya Misiri yose na mba yake yose.

WAEFESO 5:17

Nkyo kimaduma mulawe cha ili mui wadumbwo mdo, kya indi muidikyane na kilya Mndumii akundi.

WAKOLOSE 4:5

Chumienyi mochikaya walya walaidikie kui wuṟango muikurohya na orio mwaanya muwode.

WACHILI 1:19

Mndumii-Ruwa nawei na wandu wa kishari kya Yuda, nawo wakawada mṟi ya mafumvu. Kyaindi walaidime iwinga wandu wa oruka lo rendewele kipfa magari hawo ha shida hawei ha menya.

1SAMWELI 13:2

Sauli nalesambuṟa Waisraeli shiku shiṟaṟu, kiidi kyawo shiku shiwi kahenda nawo ipfo Mikmash na orukenyi lo mafumvu ha Betheli wengi kiku kimu nalewawika kulya Gibea ora lo ko Benyameni. Iwo nalewawika wasongoyo nyimana oke Yonathani. Wandu wengi wose nalewawihiṟa, orio umu nahende kanyi koke.

1SAMWELI 14:52

Kulekaapfo shida njiwawo mnu na Wafilisti kiheri kyose Sauli awei mangi; na orio kiheri Sauli amekooyana na mndu ngohoda na awode pfinya nawekemduo na imhaluo na kulunge na wandu wake wa shida.

1SAMWELI 18:16

Kyaindi wandu wose, Waisraeli na Wayuda walekunda Dawidi, kipfa nalewasongoya necha shidenyi na iwawihiṟa warie kiṟimiṟa.

1SAMWELI 18:30

Ichekeṟo lya Wafilisti lyilehenda ikapana na Waisraeli, kyaindi orio mandi wamekapana shida, Dawidi nalewinga kota waṟundi wa Sauli ko kudo rina lya Dawidi lyikaengeṟa ing'anyisho mnu nakamu.

1SAMWELI 18:4

Nalekuatuo ṟao lyake aweṟee kainengia Dawidi handu hamu na shisha shake, na oshu, uda na kiṟota kyake.

1SAMWELI 18:6

Kiheri olemali waweiwuya na kanyi, handu hamu na Dawidi wamemaa iwaha Mfilisti ulya, waka wawukie orio mṟi kulya ko Waisraeli wakakure ihenda iambia mangi Sauli. Waka-wo wawekeri iimba shiimbo sha sia, wechikapa uda na mtoṟiṟo.

1SAMWELI 3:19

Samweli kaengeṟeka ing'ana nao Mndumii-Ruwa kamkaya, na shilya shose alehamba kuwode manya kimu kilaleawukiapfo.