1SAMWELI 18:14 - Bibilia Kui Mdedie fo Kimochi

¹⁴ Dawidi kahuyo ko orio kindo alekiwuta, kyamba Mndumii-Ruwa nawei kimu nao.

1SAMWELI 18:14 Iomraidhean Croise

MAWOOKIONYI 39:23

Manya mnene o wapfungo aleambuya kii owokonyi lo Yosefupfo; kyamba Mndumii-Ruwa nawei hamu nao na ionyisha shose Yosefu alewuta.

2SAMWELI 5:10

Kyasia, wunene wo Dawidi wukaengeṟeka ing'ana kipfa ili Mndumii awekeri nao.

2WAMANGI 18:7

Kyasia Mndumii-Ruwa kawa hamu nao, kamtarama orio kindo alewuta. Kalekana na mangi o Ashuru kaleha imṟundia.

1MBONYI TSA MAHERI 18:13

Kawika shiṟaṟo sha machekeṟo hake orukenyi lose lo Edomu, na wandu wake wakawa masinga ha Mangi Dawidi. Na Mndumii-Ruwa kainenga Dawidi uwinzi hando hose alehenda.

1MBONYI TSA MAHERI 18:6

Kyasia, Dawidi kawika kiṟaṟo ya walemali wake kulya mṟinyi fo Shami ya Damasko; Wasiria walya wakawa masinga ha Dawidi wakawa wemtaa mashido. Mndumii-Ruwa kamtana nawe mbizi hando hose ahenda ikapana.

2MBONYI TSA MAHERI 17:3

Mndumii-Ruwa nawekeri na Yehoshafati na imbikia mboṟa kipfa kya ili awekeri ichumia mchumie fulya fokuwooka sa ndeye awekechumia, ma aleindia Baali-pfo.

SHIIMBO SHA DAWIDI 101:2

Njechiambuya njia ya wuhoṟotsu; nyi indi ochicha na koko? Njechichumia kui wuhoṟotsu wo mrima; kiidi kya mba yako.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MAWUTO HA WASU 18:10

Kyamba inyi njikeri na iyo. Ma kuipfo echikupaya na ikulisa wukiwopfo. Cha kipfa inyi njiwode wandu wai wako sa weengi kunu mṟinyi ifu.”

YOSHUA 6:27

Kyasia Mndumii-Ruwa nawei hamu na Yoshua na kiṟumi kya Yoshua kikadungana kulya orukenyi kose.

WACHILI 1:19

Mndumii-Ruwa nawei na wandu wa kishari kya Yuda, nawo wakawada mṟi ya mafumvu. Kyaindi walaidime iwinga wandu wa oruka lo rendewele kipfa magari hawo ha shida hawei ha menya.

1SAMWELI 10:7

Ili mandi isho shechikuchea, orio kindo ochiidima ikiwuta kiwute, kyamba Ruwa nakeri na iyo.

1SAMWELI 16:18

Manake umu kiidi kya waṟundi kahamba, “Njilewona manake umu o Yese, o mṟinyi fo Bethlehemu. Manakecho nai mwaria moimba na uda. Manakecho namkari na ngohoda o shidenyi, nawode osaaṟe kiidi kya ideda na oloho. Nawode mbihu mcha; Mndumii-Ruwa nakeri nao.”

1SAMWELI 18:15

Kiheri Sauli alewona chandu Dawidi aihuyo kamwowuo.

1SAMWELI 19:8

Numa kukachase shida ya Wafilisti na Waisraeli Dawidi kaokure kakapana na Wafilisti, kawaaha Wafilisti wafoi na walya waleashuka wakamdicha.

1SAMWELI 3:19

Samweli kaengeṟeka ing'ana nao Mndumii-Ruwa kamkaya, na shilya shose alehamba kuwode manya kimu kilaleawukiapfo.