1SAMWELI 16:1 - Bibilia Kui Mdedie fo Kimochi

¹ Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”

1SAMWELI 16:1 Iomraidhean Croise

1WAMANGI 8:16

‘Wokia kiheri kilya inyi njileende wandu wako Israeli wuka Misri, inyi njilesambuṟa mṟi fose kiidi kya Israeli handu njewika mba yelaho kui rina lyako pfo, indi njilesambuṟa Dawidi naitoṟie wandu wako Israeli.’

2WAMANGI 9:1

Elisha kalaha umu o wana wa Waikimbi kambia, “Kuṟeheṟe noduo chupa i ya mafuda owokonyi lopfo nohende Ramoth - Gileadi.

2WAMANGI 9:3

Kiidima uire chupa iya ya mafuda uiletsie huya mdo foke ochihamba, ‘Mndumii nahamba adi, ngakuletsia mafuda uwe mangi o Israeli. Kiidima uṟuhuo mongo udiche ulatirime.’”

2WAMANGI 9:6

Kahoṟoka nawo wawawi wakaida na mba, mwikimbi ulya kamletsia mafuda halya mdohu foke, kambia, “Mndumii-Ruwa o Israeli nahamba adi, ‘Ngakuletsia mafuda uwe mangi huya wandu wa Mndumii nawo nyi Israeli.

1MBONYI TSA MAHERI 11:3

Kyasia, wanene wa Israeli wakacha isahia Dawidi kulya Hebroni na Dawidi kawika nawo kyasa kulya Hebroni oshangunyi lo Ruwa, nawo wakamshia mafuda na imshimbuo nawe mangi ya Israeli; nakyo kikawa kido chandu Ruwa alehamba ko dumbu lya Samueli.

1MBONYI TSA MAHERI 28:4

Kyaindi Mndumii-Ruwa, Ruwa o Israeli, nyio alenjisambuṟa inyi na wandu wa oshari lo ndeye oko luchilie Israeli yose mlungana. Nalesambuṟa oshari lo Yuda luwute wasongoru, na kiidi kya oshari lo Yuda kasambuṟa pfo mba ya ndeye oko. Kiidi kya mba yo yose, kanjisambuṟa inyi njiwe mangi ya Israeli yose.

YESAYA 11:1

Nahong'u kochikapa njana kiidi kya itsinde lya Yese, na iṟamba lyechiwuka kiidi kya mri yake lyechiṟaa ndunda.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 55:4

Ambuya, ngambika nawe mṟingishi ko mkambo fo wandu; msongoru na mosongoya shida mkambonyi fo wandu.

YEREMIA 11:14

Kyasia ulaterewie wandu-wa, ma kulaire ṟu lyapfo, na iterewa kipfa kyawo; kipfa njechiadanyia-pfo ma wakafuha kipfa kya wukiwa wowo-nyi ote.

YEREMIA 15:1

Kyasia Mndumii-Ruwa kanjiwia, “Makokoya Mose na Samweli wawechihoṟoka oshangunyi loko na injiterewa njisaṟie wandu wa, njiwewasaria-pfo. Wawute iya oshangunyi loko. Waleke wakuhendie kowo.

YEREMIA 6:30

Wandu nyi wechiwalaha mbosha tsa fesa, kipfa Mndumii nawaleha.

YEREMIA 7:16

“Indi iyo ulaterewie wandu-wo ma ulafuhie kyawo kifuhio, ma ulanjiterewe kipfa kyawo kipfa njechikuadanyiapfo.

ZEKARIA 4:14

Kahamba iwa wawi nyiwo Mndumii awasambuṟie wamṟundie maheri hose wai kunu orukenyi - nyiwo wawashimbuo na mafuda.

WAROMA 15:12

Na lingi-se Yesaya ahambie, “Kochicha mndu kuwuka kisharinyi kya Yese, msa echiikolonya mkambo ya wandu, nao nyio wa mkambo-ii wechimwidikia.”

WAEBRANIA 11:32

Na iki njihambe-se kingi ngesa? Kyamba nyi saa tsiwenjiwuṟye tsehamba sha Gedeon na Barakia na Samson na Yefita na Dawidi na Samueli na waikimbi walya.

1YOHANE 5:16

Ili mndu awona manomae echinyamaṟa wunyamaṟi wulaende-opfu namterewie ko Ruwa. Kuwode wunyamaṟi wuende opfu, kyawo ngahamba naterewepfo.

1SAMWELI 10:1

Naho Samweli kaira chupa sa ntutu ya mafuda kaletsia mdonyi ko Sauli, kamhekia momu kambia “Mndumii-Ruwa amekuletsia mafuda nowe mchili o wandu wake.

1SAMWELI 15:11

Ngawado nyi fowa ili njilewika Sauli nawe mangi o naleda injiosha inyi na ameawutsia mawawaso hakopfo. Samweli kawado nyi nyashi, kaeṟeṟia Mndumii-Ruwa kio taṟaṟaa.

1SAMWELI 15:23

Ilekana nao nyi kimu cha wunyamaṟi wo ihenda ndashenyi, na utimbiri nyi kimu cha wuwicho na iindia shindo shipache na mawoko. Kyipfa kya ili aleha iwawaso lya Mndumii-Ruwa, nao nakuleha kulawe mangi.”

1SAMWELI 15:26

Samweli kambia, “Njechiidima iwuya na iyo mantapfo. Iyo noleleha iwawaso lya Mndumii-Ruwa nao amekuleha kulawe mangi o Waisraeli.”

1SAMWELI 15:35

Wokia mkonufo tane ipfa lyake Samweli alewonanase na mangi Saulipfo. Handu hamu na isho Samweli nalelilia Sauli makulili. Nao Mndumii-Ruwa nalewado nyi fowa kipfa kya ili awemeshimbuo Sauli kawa mangi ya Waisraeli.

1SAMWELI 16:15

Naho waṟundi wa Sauli wakambia “So luichi mṟufu fo ngafu fuwukie ko Ruwa nyifo fuikutuura.

1SAMWELI 16:23

Orio mandi mṟufu fo mmbicho fuwukie ko Ruwa fomechea Sauli, Dawidi naleira uda woke kawooka ikapa, na mṟufufo fo ngafu fukalekia Sauli, na kaleheṟuka na iwuuyose nyi moo.

1SAMWELI 17:12

Dawidi nawei mana o Yese, nawewode wana nyanya wa kisoṟo. Kiheri Sauli awei mangi, Yese awemekuo, mndu o maaka ifoi.

1SAMWELI 9:16

“Ngama kiheri cha iki, njechikuendie mndu kuwuka kishari kya Benyameni, na iyo nochimshia mafuda nawe msongoru o wandu wako Waisraeli. O nechiashuo wandu wako kuwuka ko Wafilisti, cha kipfa ngamewona matuuro ha wandu wako na kieṟeṟo kyawo kyamenjishikia.”