1SAMWELI 14:6 - Bibilia Kui Mdedie fo Kimochi

⁶ Yonathani kawia manake ulya alemdaṟa shisha, “Kenjo, luhende ora lo kawi kulya mfiṟihenyi fo wanduwa walawadine. Kofia Mndumii-Ruwa nelutarama, cha kipfa Mndumii-Ruwa ekekiṟa wandu kipfa kya mfoeṟa ang'u wuangu wo wandupfo.”

1SAMWELI 14:6 Iomraidhean Croise

2SAMWELI 1:20

Manya mlawie mbonyi tsi ko wandu wa mṟi fo Gati na Ashkeloni; kipfa nochichihiṟa waka wa Wafilisti, na wana wa kika wa wandu walawadine.

2SAMWELI 16:12

Kofia Mndumii-Ruwa, nechiwona mawina hako, nanjitae ko injisesa, na injitaa wucha ko oseso.

2WAMANGI 19:4

Kofia kechiidimika ke Mndumii-Ruwa, Ruwa opfo naleicho madedo ha mnene o wanzenge, ichu aledumo nyi mangi o Ashuru, mndumii oke, kundu narume Ruwa menyi moo, na Mndumii-Ruwa, Ruwa opfo nechideda kya madedo ho alehaicho, ko ikyo terewia wandu wa waletsuhaa.’”

2MBONYI TSA MAHERI 14:10

Mangi Asa kakoyana nao handuho, na machekeṟo ho hawi hakakuṟeheṟa ko ikapana shida pichinyi lya Sefata, kufui na Maresha.

2MBONYI TSA MAHERI 14:11

Kyasia Asa kafihiṟia Mndumii-Ruwa, Ruwa oke kahamba, “Ee Mndumii-Ruwa, kuwodese Ruwa ungi cha iyo pfo. Iyo nyio ui Ruwa odu, awode pfinya tsetarama ichekeṟo lifafa liidime iwinza sa liwode pfinya. Lutarame ee Mndumii-Ruwa, Ruwa odu, kipfa so lukusiria na iyo, na ko rina lyapfo locha ikapana na ichekeṟo li ling'anyi lyeṟihisha. Ee Mndumii-Ruwa, iyo nyio Ruwa odu; ma kulalekie mndu awa ose nalimbane na iyo.”

SHIIMBO SHA DAWIDI 135:6

Mndumii nalewika orio kindo kilemchihiṟa. Ruwehu na orukenyi. Ipalyipalyinyi na shi ya ipalyipalyi shose.

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

YEREMIA 9:25

“Ambuya mkonu ikeri icha, Mndumii ahamba, njechihoṟuo wose walya wadine kimbihu tupu:

YEREMIA 9:26

Wamisri, Wayuda, Waedomu wana wa Amoni, Wamoabu na wose wekekaa nuka ya msanga wekeoda kilodi. Kipfa wandu wa wose na Waisraeli walawadine mrima, kikawa nyi odino lo mbihu tupu.”

AMOSI 5:15

Suonyi mawicho; kundenyi mecha; ukiilohi wuwe kyooṟa mongonyi, kulako Mndumii-Ruwa menyi matorito, kyechiwutia mecha walya watsuhaa wa Yosefu.

SEFANIA 2:3

Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

MAITALA 10:32

Kingise koduana naso ikyo kyose kicha Mndumii-Ruwa echiluwutia, nakyo ochewutio iyo daa.”

MAITALA 31:4

Kuwuka orio mbaṟinyi ya Waisraeli, mochiwutapfo wandu kiku kimu wehenda shidenyi.”

MATAYO 19:26

Nalyo Yesu kawaambuya kahamba, “Kindo-kyo kunu ko wandu kechiwa iwutapfo, kya indi ipfo ko Ruwa shindo shose na shechiwutika tupu.”

WAROMA 8:31

Aka luhambe-se luda kya iki? Komkoya Ruwa ailuikaya aka ichu alufoye nyi wu?

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

YOSHUA 14:12

Ambuya nyi njikuterewa unjiinenge orukalu lo mafumvuhu chandu Mndumii-Ruwa alenjiteṟia mkonu fulya. Kyamba iyo kumonyi nyi uleicho ke Waanaki nyi wawekekaa kulya mṟinyi iwode njomombo, kofia Mndumii-Ruwa nyi nechioshana na inyi njiwafune chandu Mndumii-Ruwa aleteṟia.”

WACHILI 15:18

Kyasia Samsoni kaangaa mnu. Katerewa Mndumii-Ruwa, kechihamba, “Hoi Ruwa, nyi iyo uleende okiṟo lu, kui owoko loko mṟundi opfo. Ngesa wulalu nochinjida na wuangari wu wunjiwahe na iwado nyi Wafilisti wa walawadine?”

1SAMWELI 14:5

Iṟaṟa lyimu lyiwei ora lo mtsudu fo Mikmashi na lyingi liwei ora lo nuka liambuya nyi na mṟi fo Gibea.

1SAMWELI 14:7

Manake ulya alemdaṟa shisha kambia, “Wuta ikyo kyose okunda iwuta, inyi njikeri hamu na iyo, kipfa makusaṟo hapfo naho hako.”

1SAMWELI 17:26

Dawidi kawesa walya wawei kufui nao, “Ngesa, mndu echiwaha Mfilistichu na iwuta Waisraeli wusutsu wo mbaṟi ii nechiinengo kiki? Nyiu Mfilistichu mndu alamdine, akaria iruma machekeṟo ha Ruwachu menyi moo?”

1SAMWELI 17:36

Inyi mṟundi opfo njilemewaaha mwiso ifoi na ngaṟe tsifoi. Wulalu ma Mfilisticho alamdine msa alemeruma machekeṟo ha Ruwa menyi moo, nechiwa chaho.

1SAMWELI 17:46

Mkonu fo inu, Mndumii-Ruwa nechikuwika mawokonyi hako. Njechikukumba wanda, njechikudumbuo mdo fopfo; mbihu yaolemali lo Wafilisti njechiinengya malehe ha nginehu, na mando ha ngeṟenyi. Nlyondi wuyana wose wochimanya ke Ruwa nakeri ko Waisraeli.

1SAMWELI 17:47

Wandu wose wasanzie iya inu wechimanya ke Mndumii-Ruwa akundi mapfumu manya njoshu tseashuo wandu wakepfo. Ii nyi shida ya Mndumii-Ruwa, nao nechimuwika nyo mawokonyi hadu.”

1SAMWELI 31:4

Nlyondi Sauli alewia mndu ulya ekemlaṟa shisha shake, “Somuo oshu lopfo nonjisekeche njipfe, kundu wanduwa walawode Ruwa walache injiwaaha na oshu.” Kyaindi mndu ulya ekyemdaṟa shisha nalakarie kipfa naleowuo mnu nakamu. Ko ikyo Sauli naleira oshu loke o amonyi, kaluolokia.