1SAMWELI 13:6 - Bibilia Kui Mdedie fo Kimochi

⁶ Waisraeli wekiwona wai wukiwenyi (kyamba walesaṟikio iki kiwichowicho), walewooka iowa. Wengi waleowa njopangenyi, wengi maṟungunyi, wengi kiidi kya maṟaṟo ha maho, wengi shipfunyi na wengi maṟungunyi ha mṟinga.

1SAMWELI 13:6 Iomraidhean Croise

2SAMWELI 24:14

Kyasia, Dawidi kahaluo Gadi kambia, “Kindoki kikiumu mnu! Kyaindi nyi nanga ngahoya mawokonyi ha Ruwa kipfa o na awode isaṟia, kota iombokia mawokonyi ha wandu.”

YESAYA 42:22

Kyaindi wandu-wa nyi wandu waiwe na iwado shidenyi; wose wa waombotse marinenyi, wawaṟike mbenyi ya wapfungo; wawa nyama nlase, kuwode mowakiṟa pfo; wawado shidenyi, kuwode ma mohamba wihiṟa-pfo.

YEREMIA 41:9

Ṟungu lilya lya mṟinga Ishmaeli alekumbapfo mnying'a ya wandu walya alewawaha liwekeri lilya ling'anyi mangi Asa awelisumie lyekuṟisa na Baasha mangi ya Waisraeli. Ishmaeli mana o Nethania, naleichuṟa ṟungu lyo mnying'a ya wandu alewawaha.

EZEKIELI 33:27

Henda wia wandu wo ke Inyi Mndumii-Ruwa njii na moo, nyi ngawalia nyamu ke iwo waletsuhaa ipfo mamṟinyi hanyamaṟikie nyi wechipfa kui oshu, na walya okoya wakeri nja nyi wechilio nyi mando ha ngeṟenyi, na iwo okoya waowie mbakonyi na iṟingichio nyi njomombo nyi wechewoho kui ndaṟe njiwicho.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

WAEBRANIA 11:38

Nyiwo wuyana wu wulawewasumhanye. Wawekeṟahaṟaha weowa ko olele na ipfo mafumvunyi na ipfo njopangenyi na mṟeshenyi ya wanda ii.

YOSHUA 8:20

Kyasia wandu wa mṟi fo Ai wakainduka numa wakawona mtsu fudoye huye mṟasa ruwehu. Kii kidi walawone handu hedichia cha kipfa Waisraeli walya wawewalatia nyi walewahalukia.

WACHILI 10:9

Waamoni wakaambada meda fo Yordani ikapana na shishari sha Yuda, Benyameni na Efraimu. Waisraeli wakawona ngataṟa na wuale .

WACHILI 20:41

Nalyo Waisraeli wakahaluka na wandu wa kishari kya Benyameni wakawado nyi wuowu wung'anyi kipfa walewona isaramaya lyawo lyashika kufui.

WACHILI 6:2

Wamidiani wakawaikolonyia kipfa wawewode pfinya itane Waisraeli wasuma marina kundu wechiowa.

1SAMWELI 13:15

Samweli kawuka Gilgali kahenda kulya Gibea orukenyi lo Benyameni. Kiheri Sauli aleitala wandu wawei handu hamu nao, kakoya waiho wandu mahana haṟandaṟu tupu.

1SAMWELI 14:11

Kyasia, wakakuloṟa kundu Wafilisti wawawone. Wafilisti wekiwawona wakahamba, “Ambuyenyi Waebri walya waiwuka maṟungunyi kundu waweowie.”

1SAMWELI 14:22

Na Waisraeli wengi waweowie orukenyi lo mafumvu ha Efraimu, kiheri waleicho ke Wafilisti wawekeri idicha, nawo wakawaituma na iwakapa.

1SAMWELI 23:19

Kiheri Sauli awekeri kulya kulya Gibea, wandu wa Zifu wakamhendia na immbia, “Dawidi naowie kulya orukenyi lodu otiṟiwenyi kulya Horeshi, fumvuhu lya Hakila, lii ora lo nuka lo Yeshimoni.

1SAMWELI 24:3

Sauli kashika opangenyi lumu luwei kufui na mfiṟiha fo machondi kaida na ipfo opangenyi kundu nakutarame. Dawidi na wandu wake wawedamie kulya kimolya kyamba kya opanga lulya.

1SAMWELI 31:7

Na Waisraeli wawei ora lo kawi lo pichilyo, na wengi wawei ora lo ngamenyi lo meda fo Yordani wekiwona ke Waisraeli wadicha, nao Sauli na wana wake wamepfa, walesama mṟi yawo, wakadicha. Wafilisti wakahenda ikaa kulya mṟinyi.

1SAMWELI 7:7

Kiheri Wafilisti waleicho ke Waisraeli wakusanzie kulya Mispa, wanene watanu wa Wafilisti wakahenda iwasaṟikia. Waisraeli wekiicho mbonyitso waleowuo Wafilisti.