1SAMWELI 13:5 - Bibilia Kui Mdedie fo Kimochi

⁵ Wafilisti wawewode magari ha shida shiku makumi haṟaṟu, wasikari wedoya frasi shiku makumi haṟaṟu, wasikari wedoya frasi shiku shiṟandaṟu naichekeṟo lya waskari wa madende wafoi cha msanga fo mawambao ha ipalyipalyi; wose waledo nahuye wakawika ikambi lyawo kulya Mikmashi, ora lo ngamenyi lo Beth-aveni.

1SAMWELI 13:5 Iomraidhean Croise

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

2SAMWELI 17:11

Ngakuterewa nosanyie wandu wa oruka lose lo Israeli, handu hamu nohende nawo uwasongoye shidenyi iyo kumonyi.

1WAMANGI 20:27

Wana wa Israeli nawo wakaitalo wakainengo shelya wakahenda shidenyi; wana wa Israeli wakawawedia wai machekeṟo hawi cha mapoo hawi ha mburu; kyasia Washami wakaichuṟa oruka.

2MBONYI TSA MAHERI 1:9

Wulalu kinjiwaṟi njichilie wandu wa wose, wafoi cha kiluli kya oruka. Nyi ngakuterewa uwe mhendeli o kyasa kyapfo uleinenga Dawidi ndeye oko.

YESAYA 10:28

Kashika Ayathi, kaida kiidi kya Migroni; kawika mhanda foke ipfo Mikmashi;

YESAYA 48:19

Kake, oshari lopfo luwechifo cha msanga, na iwo walewuka wusunyi wopfo cha mbeṟeheke tsake, rina lyake lyechiwa ihadimapfo, ma iwuto oshangunyi loko.”

YEREMIA 15:8

Ambuya wakusu wawo wafoi, kota mlelya fo ipalyipalyi. Orio mndu mka o wana wai wakoho, ngawaendie mrumatsi mfiri. Ngatewa mawawio na ngataṟa, shiwahoye kui kitusu.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 4:15

Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

HOSEA 5:8

Kapenyi ombe ipfo Gibea na taṟumbeta ipfo Rama. Kapenyi king'oṟa ipfo Beth-aweni. Nyo wana wa Benyameni wakituwa wapfo nyi wakeri nduma yapfo.

WAROMA 9:27

Na Yesaya apoṟohoṟya Israeli, “Kukoye mfoye fo wana wa Israeli wueshikya cha mbuṟusanga tsa mbai ya ipalyipalyi lya wuyana sa wechikiṟo-ho nyi waangu tupu.

YOSHUA 11:4

Iwa wose wakasanza mbahanyi tsawo tsing'anyi mnu. Nawo nyi wawefoi cha msanga fo kufui na ipalyipalyi warie magari hawo hafoi na frasi sa tsifoi.

YOSHUA 18:12

Mṟasa folyo ko ora lo huye nyi kuwokia meda fo Yordani fukaidia huye ya Yeriko na oruka lo mafumvu lochihenda ora lo kiukanyi itane nuka ya Beth-aveni.

YOSHUA 7:2

Nalyo Yona kaduma wandu wawuka Yeriko wahende mṟi fo Ai, mṟi fuwekeri kufui na Beth-aweni ora lo ngamenyi lo Betheli. Nao kawawia, “Kehendenyi mukesoṟa mbonyi tsa oruka lu.” Nahong'u wakahenda wakasoṟa mbonyi tsa mṟi fo Ai.

WACHILI 7:12

Wamidiani, Wameleki na wandu wose wa ora lo ngamenyi walelaa pichinyi cha nzihe, na ngamia tsawo tsilechiwa italo, tsifoi cha msanga fo wambaṟa lya ipalyipalyi.

1SAMWELI 13:11

Samweli kammbesa, “Nkiki owuta.” Sauli kamhaluo, “Kiheri ngawona ke wandu wainjida, na iyo ochapfo, ko mkonu iya kulehamba, na kingise njilewona Wafilisti wamekuala kya shida ipfo Mikmash,

1SAMWELI 13:2

Sauli nalesambuṟa Waisraeli shiku shiṟaṟu, kiidi kyawo shiku shiwi kahenda nawo ipfo Mikmash na orukenyi lo mafumvu ha Betheli wengi kiku kimu nalewawika kulya Gibea ora lo ko Benyameni. Iwo nalewawika wasongoyo nyimana oke Yonathani. Wandu wengi wose nalewawihiṟa, orio umu nahende kanyi koke.

1SAMWELI 14:23

Ko ikyo Mndumii-Ruwa naleinenga Waisraeli wuwinzi. Shida ikadung'ana mṟasa Beth-aveni.

1SAMWELI 14:52

Kulekaapfo shida njiwawo mnu na Wafilisti kiheri kyose Sauli awei mangi; na orio kiheri Sauli amekooyana na mndu ngohoda na awode pfinya nawekemduo na imhaluo na kulunge na wandu wake wa shida.

1SAMWELI 17:1

Wafilisti walesanyia machekeṟo hawo ipfo Soko, mṟi fukeri kulya Yuda, wakakuṟeheṟa iwoka shida. Walewika kiṟaṟo kyawo ora lumu lokelaho nyi Efes-damimu makidi hawi ha Soko na Azeka.

1SAMWELI 7:13

Mkonufo Wafilisti wakawingo; nao Mndumii-Ruwa kawaima ikapa oruka lo Waisraeli mandi ho hose Samweli awei na moo.