1SAMWELI 13:2 - Bibilia Kui Mdedie fo Kimochi

² Sauli nalesambuṟa Waisraeli shiku shiṟaṟu, kiidi kyawo shiku shiwi kahenda nawo ipfo Mikmash na orukenyi lo mafumvu ha Betheli wengi kiku kimu nalewawika kulya Gibea ora lo ko Benyameni. Iwo nalewawika wasongoyo nyimana oke Yonathani. Wandu wengi wose nalewawihiṟa, orio umu nahende kanyi koke.

1SAMWELI 13:2 Iomraidhean Croise

2SAMWELI 20:1

Kyasia, kukawa pfo mndu umu o mtoolo elaho Sheba mana o Bikri, Mbenyamini, Sheba kakapa ombe na iwia wandu, “Luwode kyoṟa kyose ko Dawidi pfo. Wandu wa Israeli njonyi lukure iya orio mndu nahende kanyi koke. Dawidi mana o Yese chi mangi yadupfo!”

2SAMWELI 21:6

Luinengie wana wa kisoṟo mfungade wa Sauli luwamase oshangunyi lo Mndumii-Ruwa kulya Gibeoni ifumvunyi lya Ruwa.’” Kyasia Dawidi kawahaluo kawawia, “Njechimuinenga wanduwo.”

2SAMWELI 23:29

Helebu mana o Baana awukie Netofathi; Itai mana o Ribai awukie Gibea, o oshari lo Benyamini.

EZRA 2:27

Wandu wa Mikshashi; ihana limu makumi hawi na wawi (122).

NEHEMIA 11:31

Wandu wa kishari kya Benyamini nyi walekaa Geba, Mikmashi, Ai, Beteli na shihongo shilya shiweiṟingichie.

YOSHUA 18:28

Zela, Ha-elefu, Yebusi, nyifo Yerusalemu, Gibea na Kiriath-yearimu, yose waleinengo nyi mṟi ikumi na ina (14) handu hamu na shihongo shayo. Iki nyi kyo kyoṟa kya wana wa Benyameni na mba tsawo.

YOSHUA 22:6

Nahong'u Yoshua kawawikia ona kawainenga momu wakuhendie kawawia,

WACHILI 19:12

Mndumii oke kambia, “Lochiidima ihaluka na iida kiidi kya mṟi fo wahenu walai Waisraeli pfo. Luwade kyaṟo mṟasa Gibea.

1SAMWELI 10:26

Nao Sauli handu hamu ngohoda tsake tsa shidenyi sa Ruwa awemepaya mrima yawo, kahenda kanyi koke kulya mṟinyi fo Gibea.

1SAMWELI 10:5

Numa, ili ochishika ipfo Gibeath-elohimu (Fumvu lya Ruwa) handu kuiho kiṟaṟo kya waskari wa Wafilisti, o kiheri ochishika kufui na mṟi, nochikoyana na waikimbi wafoi. Waikimbiwo wechiwuka handu ha huye wechikapa shinubi, mataṟi, mtoṟiṟo na zeze, wechihamba shisuku.

1SAMWELI 13:1

Sauli awode maka injisendepfo kiherikyo alewooka iwa mangi. Kachilia Waisraeli ko maaka cha maka injisendepfo.

1SAMWELI 13:11

Samweli kammbesa, “Nkiki owuta.” Sauli kamhaluo, “Kiheri ngawona ke wandu wainjida, na iyo ochapfo, ko mkonu iya kulehamba, na kingise njilewona Wafilisti wamekuala kya shida ipfo Mikmash,

1SAMWELI 13:15

Samweli kawuka Gilgali kahenda kulya Gibea orukenyi lo Benyameni. Kiheri Sauli aleitala wandu wawei handu hamu nao, kakoya waiho wandu mahana haṟandaṟu tupu.

1SAMWELI 13:16

Sauli na mana oke Yonathani handu hamu na wandu wawei nawo, walekaa ipfo Gibea orukenyi lo Benyameni na Wafilisti wakawika kiṟaṟo kulya Mikmashi.

1SAMWELI 13:23

Wafilisti waledika ichekeṟo lya waskari wakahenda iringa njia ya Mikmashi.

1SAMWELI 13:5

Wafilisti wawewode magari ha shida shiku makumi haṟaṟu, wasikari wedoya frasi shiku makumi haṟaṟu, wasikari wedoya frasi shiku shiṟandaṟu naichekeṟo lya waskari wa madende wafoi cha msanga fo mawambao ha ipalyipalyi; wose waledo nahuye wakawika ikambi lyawo kulya Mikmashi, ora lo ngamenyi lo Beth-aveni.

1SAMWELI 14:31

Mkonu fulya, walekapa Wafilisti, wokia Mikmashi tane Aialoni. Kiheriki Waisraeli wawei warohie nyi njaa.

1SAMWELI 14:5

Iṟaṟa lyimu lyiwei ora lo mtsudu fo Mikmashi na lyingi liwei ora lo nuka liambuya nyi na mṟi fo Gibea.

1SAMWELI 14:52

Kulekaapfo shida njiwawo mnu na Wafilisti kiheri kyose Sauli awei mangi; na orio kiheri Sauli amekooyana na mndu ngohoda na awode pfinya nawekemduo na imhaluo na kulunge na wandu wake wa shida.

1SAMWELI 15:34

Nahong'u Samweli kahenda Rama; na mangi Sauli kawuya na kanyi koke ipfo Gibea.

1SAMWELI 24:3

Sauli kashika opangenyi lumu luwei kufui na mfiṟiha fo machondi kaida na ipfo opangenyi kundu nakutarame. Dawidi na wandu wake wawedamie kulya kimolya kyamba kya opanga lulya.

1SAMWELI 26:2

Oweṟe nalo Sauli nalehenda nuka ya Zifu iwalia Dawidi arie ichekeṟo wasambuṟe shiku shiṟaṟu sha Waisraeli.

1SAMWELI 8:11

Samweli kawawia, “Nyi wudi mangicho onu echimuchilia echimuwutia: Nechiwika wana wanu wa kisoṟo wawe weduo magari hake, na wengi wawe wedoya frasi tsake, na wengi wekapa mteeṟa wasongoye magari hake.