1SAMWELI 12:3 - Bibilia Kui Mdedie fo Kimochi

³ Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 12:3 Iomraidhean Croise

2SAMWELI 22:22

Kipfa njiweichumia chandu Ruwa awekundi, ma njilekuletsa na Ruwa oko, kipfa kya unyamaṟi pfo.

NEHEMIA 5:11

Wulalu wawihiṟienyi madema hawo, madema ha msabibu, madema ha mizeituni, handu hamu na mba tsawo na kiira kya fesa na ngano, mvinyo, na mafuda ya shilya shose mulewatosa.”

SHIIMBO SHA DAWIDI 15:5

Alewuta masaa hake nawone mwengeṟya pfo, Aletsutsuma narumatse alai na mti. Mowuta isho, Echifunopfo mṟasa mlungana.

IWUKA 20:17

kulalange mba ya odoo, ulalange mka o odo, manya isinga lyake manya kisinga kyake kika, manya mmbe tsake, manya nzoi tsake, manya orio kindo ki kyake kyose.”

IWUKA 22:4

Kokoya kindokyo kyaiwo kikakoyo kii na moo mawokonyi hake, kokoya nyi mmbe, ang'u nyi nzoi, ang'u nyi ichondi nechitaa wuhuru wokyo makamba hawi.

IWUKA 23:8

Na iyo kulaambie kindo ketsutsumo; cha kipfa kitsutsumo kekepfumba meso ha iwo wawonyi, na ipfuluo madedo ha walya wasumhanyi.

MFANANO 15:27

Molanga fesa nyiekelisa mba yake amonyi wukiwa; Indi mosuo iinengo nyi echikaa na moo.

WALEWI 6:4

nlyondi kechiwa nawuta wunyamaṟi na ikuwonyia mti, nechiwihiṟa ikyo alekiwona kui wulembi, ang'u kilya alekiwona kui iwonyia, ang'u kichoṟe kilya kikiwike koke, ang'u kindo kilya kiwedekie kakiwona katsia nakyo,

WALEWI 6:5

ang'u kindokyo kyose alekiliia nyamu ya wongo; nechikiwihiṟa kyose chandu kiwaṟi, numa naengeṟie ho kienga kya katanu huyakyo; nao nechiinengia icho menyi, mfirifo echianduyo ke nyawode mti.

MAITALA 16:15

Mose kasungulula mnu, kawia Mndumii-Ruwa, “Manya kulaambie mwano ya wanduwa. Inyi njilemeduo nzoi ya mndu oosepfo, manya njilemewike mndu shifaṟepfo.”

MATAYO 22:21

Wakahamba, “Na sha Kaisari.” Nalyo kawawia, “Kewikyenyi-ng'u Kaisari iki kii kya Kaisari. Mbewikya na Ruwa iki kii kya Ruwa.”

LUKA 19:8

Sakayo kahoṟoka, kawia Mndumii, “Ambuya Mndumii kenga kya masaa hako njiwode nyi njechiinenga wakiwa, na kokooya ndemlemba mndu kindo, nyi njechimbihiṟia kya ngeria kaana.”

MAWUTO HA WASU 20:33

Na inyi njilepfula-ho ma fesa ma sahabu ma mṟae ya mndupfo.

2 WAKORINTO 12:14

Ambuya ili nyi lya kaṟaṟu inyi njii mteseheṟe icha na konu, manya njechimlemeṟapfo. Kyamba ndaipfula shii shanu indi nyi nyo muwenyi njiimupfula. Kyamba kilawari wana wasanye wafee kisa kya indi kiwari wafee wakisanye wana.

NGUMBUO YA MAWAWASO 16:19

Mulapfuluo kiilohi; mulawade ikundia, manya mulaambie kitsutsumo, kyamba itsutsuma lyekewaaha meso ha wandu wawode osaaṟe na ipfuluo mondu fo mndu o wusumhanyi.

1WATESALONYIKYE 2:10

Nyo na Ruwa mui wangochi ke mkae iya luwemkaya nyo mui waidiki iwei ya wuhendeli na wuhoṟotsu na wusalari.

1WATESALONYIKYE 2:5

Kipfa lulekupaya-ho na idedo lya ikulopa na wandu ma indipfo, ikyo mwichi, manya na iitsa-ho mweke fo wuehi, Ruwa ai mongochi.

1PETRO 5:2

Ngawatutuma, ke lisiṟenyi poo lilya lya Ruwa lii konu chi cha ili mui-waitike-pfo kya indi kui macha ha Ruwa, mulapfule-ho mbucha indi muliwade na kuimbeṟe.

1SAMWELI 10:1

Naho Samweli kaira chupa sa ntutu ya mafuda kaletsia mdonyi ko Sauli, kamhekia momu kambia “Mndumii-Ruwa amekuletsia mafuda nowe mchili o wandu wake.

1SAMWELI 12:4

Wandu wakamhaluo, “Kulemelulembe ma indiipfo, kulemeluapfinyiepfo manya kulemeduo kindo kya mndu oosepfo.”

1SAMWELI 12:5

Samweli kawahaluo, “Mndumii-Ruwa nyi mṟingishi onu, na mangi oke msambuṟe inu nyi mṟingishi ke monjiwona njilawode mti.” Nawo wakahaluo wehamba, “O nyi mṟingishi.”

1SAMWELI 2:35

Numa njechiamtsa mkohanyi ungi mhendeli sa echiwuta shilya shii mrimenyi na wuṟangonyi woko. Njechimmbiia kishari kitumhari; nao nechiṟunda kiheri kyose oshangunyi lo mangi yako.’

1SAMWELI 24:11

Ambuya, wande oko, ailyi ikechuli lya nguo yapfo mawokonyi hako; kui idumbuo ikyechu lya ṟao lyapfo njilakikuwaahe, nochiidima imanya wulalu ke kya lohi inyi chi mndu mmbicho manya mbahipfo. Inyi njilemekuwutie wunyamaṟipfo manya chando uinjiṟinjawia.

1SAMWELI 24:6

Kawia wandu wake, “Mndumii-Ruwa nanjiime njilawutie mndumii oko kindo cha iki, akeri mshimbuo nyi Mndumii-Ruwa. Njilahoṟuo owoko loko njikape mndu sa Mndumii-Ruwa alemshimbuo.”

1SAMWELI 24:7

Kui madedo cha iho, Dawidi nalelosha wandu wake walawike Sauli kifaṟe; kawawawasa walamsaṟikie. Numa Sauli kakure nawuke kulya opangenyi nakuhendie.

1SAMWELI 26:11

Kyaindi Mndumii-Ruwa nalehie njilahoṟuo owoko loko njihoṟoye mshimbuo oke. Kyaindi ira pfumu lyake lii o mbai ya mdo foke na kitumokyo kyake kya mṟinga, lukuhendie.

1SAMWELI 26:9

Dawidi kawia Absai, “Manya kulambike kifaṟe; kyamba nyiu echiidima ihoṟuo owoko loke nakape mndu msambuṟe nyi Mndumii-Ruwa kuishio mafuda, alechikapo?”