1SAMWELI 12:14 - Bibilia Kui Mdedie fo Kimochi

¹⁴ Kokoya moindia Mndumii-Ruwa, na imṟundia, na iadanyia ṟu lyake manya mulafunje iwawaso lyake, kokoya nyo muwenyi handu hamu na mangi yanu mkaosha Mndumii-Ruwa, Ruwa onu, mochiwona mecha.

1SAMWELI 12:14 Iomraidhean Croise

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

SHIIMBO SHA DAWIDI 105:28

Naleduma meema, kukawada meema orukenyi, manya waletehia madedo hakepfo.

YESAYA 3:10

Wienyi wenyi wusumhanyi ke wechiwa nanga, kipfa wechilya ndunda tsa mawuto hawo.

SHILIO 1:18

“Ee ambuya Mndumii-Ruwa nyi awuta kya wusumhanyi, kyamba nyi njilemina idedo lyake, nyo wandu mose kenjiadanyienyi, ambuyenyi matuuro hako. Kyamba wana wako wa kika na wa kisoṟo, nyi waledao wusingenyi

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

NGUMBUO YA MAWAWASO 13:5

Kyaindi mwikimbicho ang'u mlashacho o ndodo nechiwooho, kipfa kya ili alosha wandu ilekana na Mndumii-Ruwa, Ruwa onu, alemuwuta orukenyi lo Misri na imukiṟa kuwuka wusingenyi, kundu mude njia Mndumii-Ruwa, Ruwa onu alemuwawasia, nyi wudo mochitoromesha wuwicho kiidi kyanu.

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

YOSHUA 24:20

Kyamba kokoya molekana na Mndumii-Ruwa mukahenda iindia maruwa hengi mahenu, nyi echimukapa na imurumatsa, ma chandu awememuwutia mecha ho hose.”