1SAMWELI 11:6 - Bibilia Kui Mdedie fo Kimochi

⁶ Oweṟe, Sauli kekiicho madedoho, mumuyo fo Mndumii-Ruwa fukamchea na pfinya, nyashi yake ing'anyi ikado.

1SAMWELI 11:6 Iomraidhean Croise

IWUKA 32:19

Naho kekitikiria kambi iya kawona ihache lilya na temo tsilya. Nyashi ya Mose ikaaka, kakumba maṟaṟo wanda kahafunja wanda ya fumvu lilya.

MAITALA 12:3

(Mose nawei mndu mtsiri kota wandu wengi wose wawei wuyanenyi).

MARIKO 3:5

Kekiwaṟengutsya meso kawaichyo nyashi, akuinadie kya wuumu wo ngoo tsawo. Kawia mndu ulya, “Hoṟuo owoko-lopfo.” Kahoṟwo, owoko loke lukachia-se.

WAEFESO 4:26

Mukadoso nyashi manya mulawute kya wunyamaṟi. Mulalekie mnengeṟi fuoloke mukuwode na okuchukuchu.

WACHILI 11:29

Nahong'u mumuyo fo Mndumii-Ruwa fukachea Yeftha, nao kakure kaida Gileadi na Manase, kawuya Mispa kiidi kya oruka lo Gileadi kahenda mṟasa Amoni.

WACHILI 13:25

Mumuyo fo Mndumii-Ruwa fukawoka imkaya kakaa ipfo Mahane-dani, kiidi kya Sora na Eshtaoli.

WACHILI 14:6

Oweṟe mumuyo fo Mndumii-Ruwa fukaanga Samsoni ko pfinya, karanduo mwiso fulya cha mndu airanduo kidahina kya mburu. Samsoni alewia wafee wake ikyo kilewutika pfo.

WACHILI 15:14

Kekishika Lehi, Wafilisti wakacha wechidicha na ikapa kitohio. Peṟeseng'u mumuyo fo Mndumii-Ruwa fukasokia Samsoni na shiwoho shilya wawepfungie nasho Samsoni mawoko hake shikawa cha kitanyi kyaitso modonyi, na shilya shiwempfungie shikaoloka wanda.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

WACHILI 6:34

Indi mumuyo fo Mndumii-Ruwa fukachea Gideoni. Gideoni kakapa ombe kalaha Waabiezeri wache imwosha.

1SAMWELI 10:10

Sauli na mṟundi oke wekishika Gibea (Fumvuhu) kaambio nyi mamiingi fo waikimbi. Mumuyo fo Ruwa fukamchea kui pfinya, Sauli kawooka ihamba kisuku handu hamu nawo.

1SAMWELI 10:6

Mumuyo fo Mndumii-Ruwa fochikusokia na pfinya, na iyo nochiwooka ihamba shisuku handu hamu nawo nohaluke nowe mndu ungi.

1SAMWELI 16:13

Samweli kaira ombe loke luwode mafuda; kaletsia Dawidi mafuda oshangunyi lo wana wa mae. Oweṟe mumuyo fo Mndumii-Ruwa fukasokia Dawidi na pfinya ing'anyi, fukamkaya wokia mkonufo na mkonu ingi. Kiidima Samweli kawuya na mṟinyi fo Rama.

1SAMWELI 16:14

Lyefurumia mumuyo fo Mndumii-Ruwa fukawuka ko Sauli, na mṟufu mmbicho fuwuka ko Mndumii-Ruwa fukamlisa wukiwa.