1SAMWELI 10:1 - Bibilia Kui Mdedie fo Kimochi

¹ Naho Samweli kaira chupa sa ntutu ya mafuda kaletsia mdonyi ko Sauli, kamhekia momu kambia “Mndumii-Ruwa amekuletsia mafuda nowe mchili o wandu wake.

1SAMWELI 10:1 Iomraidhean Croise

2SAMWELI 1:14

Kyasia Dawidi kammbesa, “Nyiku uwutie ukari wowaha Mangi chu amsambuṟe na ishumbuyo nyi Ruwa?”

2SAMWELI 19:39

Kyasia, Mangi Dawidi na wandu wake wose wakaambada meda fulya fo Yordani. Mangi kahekia Barzilai momu, na imnenga mboṟa na Barzilai kahaluka kawuya na kanyi koke.

2SAMWELI 20:19

Mṟi fu fodu fukeri mcha, fo ofoṟo na mhendeli kunu Israeli. Nkili ukundi irumatsa masaa ha ha Mndumii?.”

2SAMWELI 5:2

Kiheri kilya Sauli awei Mangi yadu, na iyo kowa msongoru odu shidenyi, Ruwa nalekuwikia kyasa ke nechikuwika nowe msongoru na Mangi o Israeli yose.”

1WAMANGI 1:34

Kiidima Sadoki mkohanyi na Nathani mwikimbi wamshimbuo kui mafuda, nawe Mangi ya Israeli; kapenyi, iranda muhammbe, ‘Mangi Solomoni nakae na moo.’

1WAMANGI 19:18

Kyaindi njechida wandu shiku mfungade (7,000) wai na moo orukenyi lo Israeli, walalemehonerie Baali ma ikomba sanamu yake.”

2WAMANGI 20:5

“Wulalu wuya uwie Hezekia mnene o wandu wa Mndumii-Ruwa; Inyi Mndumii-Ruwa, Ruwa o sahuyapfo Dawidi, ngaicho kiterewo kyapfo ngawewona na mchenyeṟe yapfo. Njechikuchiṟa na numa ya mfiri iṟaṟu nochihenda mbenyi ya Mndumii-Ruwa.

2WAMANGI 9:1

Elisha kalaha umu o wana wa Waikimbi kambia, “Kuṟeheṟe noduo chupa i ya mafuda owokonyi lopfo nohende Ramoth - Gileadi.

2WAMANGI 9:12

Wakahamba, “Nyi wongo, kyasia luwie kilya ahamba.” Kahamba, “Mndumii nahamba adi, Ngakushimbuo na mafuda uwe mangi o Israeli.”

SHIIMBO SHA DAWIDI 135:4

Cha kipfa Mndumii nalekusambuṟia o Yakobo, na Israeli, wawe wandu wake nakamu.

SHIIMBO SHA DAWIDI 2:12

Wadenyi shilya shi shicha, kundu naladose nyashi modeka njia, kipfa nyashi yake yechiaka oweṟe, Nanga walya wekemdichilia.

SHIIMBO SHA DAWIDI 78:71

Numa ya machondi haionza nalemiirapfo, nalisiṟe Yakobo wandu wake, na Israeli mokyoṟa oke.

IWUKA 30:23

“Ira mafuda hepfaama mecha, ha manemane mawishi lita 6, na madalasini fuwode opfamo lucha kienga kya ikyo lita 3, na kane kilo 3,

YEREMIA 10:16

O nyi ohawi lo Yakobo, chi cha Ruwa-pfo Nyio awikie shindo shose. Na Israeli nyi kishari kya kyoṟa kyake. Mndumii Menyi Matorito nlyo rina lyake.

EZEKIELI 16:13

Koikyo nuweimchope ko fesa na sahabu, na mṟae fopfo fuwei fo wuhuru wung'anyi, nguwo njiili na hariri, mlie fopfo fukawewa mcha, mkate mcha, wuki na mafuda mecha ha msenefu. Koikyo kohenda ichia mnu kofanana na mkamangi.

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

MAWUTO HA WASU 13:21

Napfondo wakaterewa wainengo mangi. Ruwa kawainenga Saulo mana o Kisi mndu o osharinyi lo Benyamin hando ha maka makumi haana.

NGUMBUO YA MAWAWASO 32:9

chandu iitala lya wana wa Ruwa lii. Kyaindi nalekusambuṟia wandu wa Yakobo wawe wake, iwo nalekuwasambuṟia wawe masaa hake.

1WATESALONYIKYE 5:26

Muiṟikiṟie wanawawama wose kui ihekyana momu lilya yele.

WAEBRANIA 2:10

Kyamba ichu awikye shose shiwe shake awewikye shose kui pfinya yake nyio kiwemsumhanye ili arie iduo wana wafoi wuitoṟinyi naitse msongoru o okiio lowo kiawutsyonyi kui mawawyo.

OTAMBAHALUO LO YOHANE 5:8

Oweṟe kyekimaa yambya kitapu ki, maṟimu halya haana hakaho wanda oshangunyi lo kidahina ki na wameku walya makumi hawi na wana wakawekiolokya. Orio umu owo awode wuda wo ndusu ikumi mawokonyi na shitela sha sahabu shiichuo makaa ha opuo. Naho nyi shiterewo sha wandu wa Ruwa.

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 13:14

Kyaindi wulalu wuchili wopfo wochilunganapfo kipfa kulaleindia iwawaso lya Mndumii-Ruwa chandu alekututuma. Mndumii-Ruwa amekushihia mndu ungi msa echimwindia na mrima fose, icho nyio amemsambuṟa nawe mochilia wandu wose.”

1SAMWELI 15:1

Samweli kawia Sauli, “Mndumii-Ruwa nalenjiduma njikushie mafuda nowe mangi ya wandu wake Waisraeli. Wulalu adanyia madedo ha Mndumii-Ruwa.

1SAMWELI 15:17

Samweli kambia, “Manya chandu ukuwonyi ke iyo chi mndu uwode kiṟumipfo, ngesa iyo ui msongoru o shishari sha Waisraeli Mndumii-Ruwa nalekushimbuo na mafuda nowe mangi ya Waisraeli.

1SAMWELI 16:1

Mndumii-Ruwa kawia Samweli, “Nochiichio Sauli makulili mṟasa indi. Iyo kumonyi noichi ke inyi njilemleha nalawe mangi ya Waisraeli. Wulalung'u, ichuṟa ombe lopfo mafuda, nokure. Njechikuduma ko mndu elaho nyi Yese o mṟinyi fo Bethlehemu. Cha kipfa ngamekuwonyiapfo mangi kiidi kya wanake wake.”

1SAMWELI 16:13

Samweli kaira ombe loke luwode mafuda; kaletsia Dawidi mafuda oshangunyi lo wana wa mae. Oweṟe mumuyo fo Mndumii-Ruwa fukasokia Dawidi na pfinya ing'anyi, fukamkaya wokia mkonufo na mkonu ingi. Kiidima Samweli kawuya na mṟinyi fo Rama.

1SAMWELI 2:10

Wakituwa wa Mndumii-Ruwa wechifunjo shipeṟengu shipeṟengu, nechikoṟoṟoma kipfa kyawo, cha ikuṟuṟuma nginehu. Mndumii-Ruwa nechianduya wuyana wose. Nechiinenga mangi yake pfinya na ing'anyisha wuidimi wo msambuṟe oke.

1SAMWELI 24:6

Kawia wandu wake, “Mndumii-Ruwa nanjiime njilawutie mndumii oko kindo cha iki, akeri mshimbuo nyi Mndumii-Ruwa. Njilahoṟuo owoko loko njikape mndu sa Mndumii-Ruwa alemshimbuo.”

1SAMWELI 26:11

Kyaindi Mndumii-Ruwa nalehie njilahoṟuo owoko loko njihoṟoye mshimbuo oke. Kyaindi ira pfumu lyake lii o mbai ya mdo foke na kitumokyo kyake kya mṟinga, lukuhendie.

1SAMWELI 26:9

Dawidi kawia Absai, “Manya kulambike kifaṟe; kyamba nyiu echiidima ihoṟuo owoko loke nakape mndu msambuṟe nyi Mndumii-Ruwa kuishio mafuda, alechikapo?”

1SAMWELI 8:19

Ma kudo, wandu waleleha iadanyia Samweli wakahamba, “O manyale! So lochiwada mangi moluchilia,

1SAMWELI 8:9

Kyasia, waadanyie watutume mnu nakamu, nowawie na pata chandu mangicho echiwachilia kindo echiwawutia.”

1SAMWELI 9:16

“Ngama kiheri cha iki, njechikuendie mndu kuwuka kishari kya Benyameni, na iyo nochimshia mafuda nawe msongoru o wandu wako Waisraeli. O nechiashuo wandu wako kuwuka ko Wafilisti, cha kipfa ngamewona matuuro ha wandu wako na kieṟeṟo kyawo kyamenjishikia.”

1SAMWELI 9:27

Kiheri waleshika mtsitsionyi fo mṟi, Samweli kawia Sauli, “Wia manakecho nasonguo ihenda.” Manake ulya kekisonguo, Samweli kaengeṟa ideda kechihamba, “Tirima kitutu, na inyi njikuwie shilya Ruwa alehamba.”