1SAMWELI 1:7 - Bibilia Kui Mdedie fo Kimochi

⁷ Kikahendeka kido orio maka. Orio kiheri Hana amehenda mba ya Mndumii-Ruwa, Penina kawemdosa nyashi kikashikia handu Hana kawomofihiṟa na ileha ilya kindo kyose.

1SAMWELI 1:7 Iomraidhean Croise

SHIIMBO SHA DAWIDI 102:4

Ngoo yako ikakapo cha maṟa ikauma, ee da, njihadima ilya kelya kyako.

SHIIMBO SHA DAWIDI 102:5

Kipfa kya ṟu lya isungulula lyako; mafuo hako hawadanyi na nyama tsako.

YEREMIA 41:5

kulawode mndu ma umu amemanya mbonyi tso, kulecha wandu makumi nyanya (80) wawukie Shekemu, Shilo na Samaria. Waweodie ngerero tsawo na waweṟee nguwo tsiatukie na mbihu yawo injisaṟesaṟe. Waleende mwano ya mso na ubani shiwiko hekalunyi lya Mndumii-Ruwa.

1SAMWELI 1:6

Kyaindi Penina, kawa motaluo Hana, orio kiheri kawa modosa Hana nyashi mnu nakamu na imwisalucha kipfa kya ili Mndumii-Ruwa alalemsaṟia wana.

1SAMWELI 1:8

Mii oke, o Elikana kawa mommbesa orio kiheri, “Nkiili uwodo nyi fowa mrimenyi fopfo? Ngesa, inyi chi njing'anyi kopfo kota wana wa kisoṟo ikumi.?”

1SAMWELI 2:1

Nahong'u Hana katerewa kechihamba: Ngakapia Mndumii-Ruwa ngululu, mrimenyi foko. Njiṟumisha Mndumii-Ruwa ai pfinya yako, Njiseka wakituwa wako; kyamba njichihio kya wuwinzi woko.

1SAMWELI 2:19

Orio maka mae nawekempfumia ṟao litutu, kamdaaya arianyi na mii oke mandi wamehenda iwika kidaso orio maka.