Nuwadiyaxhiti Wontoy, Abrahaame Wontoy, Yissaaqe Wontoy, Yayqoobe Wontoy garsi hi indechoshaara Philaxhosey hidi hidakoni e buro hi inxhadhechoshaara be yele Yesuusa keddaysi e kusso.
Ye modhe odoni Wonto yele maaqe nu Laaxi Yesuusi Kristosa gisha ohesako. Esini axe e maaddhosa nu beesune Dawite fira fiixhaafako e yelutto. Hayla maaqe e wontunte nu beesune Ayaana Geeshunaara keddaydese be osanaara haybowafa denxena be yele e maaqenike Wontoy addusso.
Modhe odo badena nu beesune Isra'eelaxiti ye esa efe be dheeddo gisha Wonto iilaxita maaddhiko u yese. Ye esini hinumbako Ayhuda maaquwasita e godho. Wonto xharo badena nu beesune Isra'eelaxita yella orje maaqe olo adiyaxhita e gobbusese gisha Isra'eelaxiti e eeteseesitako.
Wonto yeley yoodonikiyara aade maaqe esa ni erorosa gaxe niise e indonikiyara erako ni ere. E yele Yesuusi Kristosaara bidzo ni maadhosuna adiyaara bidzo maaddhiko ni yese. Aade <> hidi hiyutte Wontowara koolo makkina yesowaray Kristosako.
Tani Yesuusay be godowa godowa yese Wonto zawaxita maaqe hinuse ha esita e ohoronike afaase ta woosaxe ansiko ta yese. Tani Dawite xhabhowafa mudhasaara e fira fiixhaafa yeluttasaarako. Laci lacidi faqe wontaso bakkalchay tambako.>>